طريقة عمل فطائر السبانخ بالطريقة الفلسطينية

طريقة عمل فطائر السبانخ بالطريقة الفلسطينية

طريقة عمل فطائر السبانخ بالطريقة الفلسطينية معكم صديقة زاكي الشيف الموهوبة الحمد لله خلصت الغدا اليوم عملت قراص سبانخ بس بيختلف عن الفطاير العادية هو قراص من التراث الفلسطيني القديم المصنوع من دقيق القمح والابيض معا او دقيق ابيض فقط حسب الرغبة .وبدون خميرة

المقادير:

كاسة من دقيق القمح
كاستين من الدقيق الابيض
زيت زيتون
رشة ملح
ماء دافي للعجين

الطريقة:

هو عبارة عن كاسة من دقيق القمح وكاستين من الدقيق الابيض وزيت زيتون ورشة ملح وماء دافي للعجين .وبعد ما نعجنهم بنتركهم يرتاحوا شي نص ساعة

بنفرم السبانخ وبنغسله منيح وبنفركه بالملح وبنحطه بمصفاية وبنغسله تحت الحنفية وبتركه يتصفى .
بنفرم راسين بصل او اكتر حسب عدد الافراد

وقلبت البصل بزيت الزيتون واضفتله السبانخ ورشة ملح وعصرة ليمون ومعلقتين سماق ومعلقتين فلفل شطة وخلطتهم منيح .
بعدين قطعت العجين كرات متوسطة ورقيتهم بمرقة العجين لحتى صارت العجينة شفافة دهنتها زيت ثنيت طرفين العجينة للوسط كما هو بالصورة حطيت معلقتين من حشوة السبانخ ورديت الاطراف التانية فوق بعض متل المطبق لحتى يصير عنا مربع وبنصفهم في صينية مدهونة بزيت زيتون وخليكي كريمة شوية بالزيت
طريقة الخبيز
طبعا هاد القراص طريقته بتختلف في الشوي
رح نشعل الفرن من تحت ونحميه نص ساعة بنحط صينية القراص وبس يحمروا من تحت بنطلع الصينية من الفرن وبنقلبهم وبنرجعهم ع الفرن …يعني ما بنستخدم الشواية ابدا
واللي بحب القراص اللي بدون خميرة بنعمله اقراص مثلثات بعجينة خامرة ..يعني انا عملت الشكلين
العجينة الخامرة
كاستين طحين
معلقة صغيرة خميرة ومعلقة صغيرة سكر وكاسة حليب دافي وفنجان زيت زيتون ورشة ملح ..خلطهم كلهم مع بعض وعجنتهم وعملت قراص مثلثات فيهم

وصحة هنا

#قراص سبانخ—ام نضال

طريقة عمل فطائر السبانخ بالطريقة الفلسطينية

اكتب كلمة #زاكي في التعليقات لتصلك مزيد من الوصفات المجربة والمميزة خصيصاً لك

هل تحب مشاهدة وصفات بالصوت والصورة؟ اعمل اشتراك لقناة زاكي على اليوتيوب من هنا لتصلك جديد وصفاتنا بالفيديو:
قناة زاكي على اليوتيوب

عندك جوال ذكي؟ ممتاز كتير تفضل أحلى هدية من زاكي لعيونك, حمل على جوالك تطبيق زاكي, أقوى مرجع عربي لفن الطهي, من هنا:
تطبيق زاكي للأجهزة الذكية

عندك حساب على الفيس بوك؟ طيب شو بتنستى استفيد من وقتك وتعلم كل يوم وصفة جديدة على يد أمهر شيفات في الوطن العربي, بالانضمام لمجموعة زاكي وصفحة زاكي على الفيس:
للانضمام على مجموعة زاكي من هنا 
للاعجاب بصفحة زاكي من هنا ومتابعة كل جديد

احفظ موقع زاكي في المفضلة على جوالك, لتصلك دوماً جديد وصفاتنا مش هتلاقيها إلا في زاكي
موقع زاكي لفن الطهي