المقادير:
٤ ملاعق كبيرة طحين
٥بيضات
نصف كوب بقدونس مفروم
٣ عروق بصل أخضر مفروم مع الأوراق
نص راس زهرة متوسط الحجم مقطع لقطع صغيرة
ملح
فلفل أسود
كمون حسب الرغبة
زيت زيتون أو زيت نباتي حسب الرغبة
الطريقة:
– في طنجرة بتحطي كمية من الماء بتغليها وبتضيفي كمون وملح وبتخليهم يغلو سوا شوي بعدين بتضيفي الزهرة وبتخليها تغلي لحد ما تستوي وبتصفيها وبتخليها تبرد.
– وفي وعاء عميق بتخلطي باقي المكونات ماعدا الزيت وبتضيفيلهم الزهرة وبتخلطيهم مزبوط سوا.
– بعدين بتدهني صينية قطر ٢٥سم بالزيت وبتحطي المزيج فيها وإفرديه بمعلقة ورشي عالوجه شوية زيت كمان.
– وبتكوني محمية الفرن من قبل على درجة ٢٠٠ وعلى الرف الوسط بتحطي الصينية وبتخليها لحد ما تتحمر وتاخد لون وصحتين.
تابعونا على جروب “زاكي” لفن الطهي أضخم تجمع لأمهر شيفات وربات بيوت محترفين في فن الطهي:
عجة الزهرة بالفرن