طريقة عمل الملوخية المجمدة

معكم صديقة زاكي الشيف الموهوبة صبا عوني مهتدي

كل موسم وانتو بخير استعدادا لاستقبال موسم الملوخية الطازجة حبيت افرجيكم آخر طبخة ملوخية مفرزة من خير السنة الماضية  لونها وطعمتها كتير طيبة ولا كأنها مفرزة

طريقتي في تفريز الملوخية

بقطف اوراق الملوخية عن العيدان … واهم شي تكون الاوراق مثالية ومو متضررة او فيها اي عيوب
بغسل الملوخية وبتركها تتصفى … بكون مجهزة طنجرة مع مصفاتها الناعمة جدا على النار وفيها ماء مع رشة سكر ورشة ملح .. وعلى جنب بكون مجهزة وعاء كبير فيه ماء بارد جدا جدا مع مكعبات ثلج
بعد غليان الماء في الطنجرة بضيف اوراق الملوخية في المصفى اللي داخل الطنجرة … كمية صغيرة … لمدة 10 ثواني … وبعدها بنشلها مباشرة وبضغط عليها بالملقعة لتنزل السوائل ومباشرة اضعها في الماء والثلج لأوقف عملية الطبخ … بصفيها في مصفى وبعصرها بين ايدي وبرتبها في اكياس التفريز حسب طبختي المعتادة …واهم نقطة هنا اغلاق الاكياس جيدا وتفريغها من الهواء

وعند الطبخ:

بعد سلق الدجاج او اللحمة بصفي المرق من المطيبات .. وبضيف جزء من المرق الحار جدا للملوخية المجمدة ( بطلعها من الفريزر قبل بنص ساعة فقط ) … وبالملعقة الخشبية بحرك اوراق الملوخية في المرق لتبدأ تتفكك تماما … بطحنها بالخلاط اليدوي ( راس الطحن واسع ) وبنعمها بالشكل المرغوب .. وبطبخها على النار
والملوخية ما بصير نتركها نغطيها في الطنجرة او نتركها تغلي كتير… يعني غلوة واحدة فقط ونضيف الطشة او القدحة

ملاحظة … ممكن طحن الملوخية على الخلاط الابريق او الفوود بروسيسر
انا اطحنها بالخلاط اليدوي الواسع والنتيجة رائعة … ولا يوجد اي خيوط فيها