المقادير:
بصلة ناعمة
العدس المغسول
مرقة لحمة أو مرقة عظم إذا متوفرة أو ماء عادي
(وممكن إضافة خضرة إذا بتحبي متل حبة بطاطا صغيرة، بازيلا، جزر، كوسا، بس أنا ما ضفت هالمرة عملتها عدس لحاله)
نصف معلقة صغيرة كمون ناعم,
رشة هيل
رشة كركم صغيرة
كمون حب
للتزيين: بقدونس مفروم وتقدم مع عصير الليمون الحامض
الطريقة:
– بفرم بصلة ناعمة وبقلبها في طنجرة بشوية زيت زيتون لحد ما تشقر بعدين بضيف العدس المغسول وبضيف مرقة لحمة أو مرقة عظم إذا متوفرة، (وممكن إضافة خضرة إذا بتحبي متل حبة بطاطا صغيرة، بازيلا، جزر، كوسا، بس أنا ما ضفت هالمرة عملتها عدس لحاله) وبضيف نص معلقة صغيرة كمون ناعم ورشة هيل ورشة كركم صغيرة لتعطي لون حلو للعدس وملح حسب الرغبة وبغطيها وبتركها لحد ما يستوي العدس.
– لما تستوي شوربة العدس ممكن تطحني العدس بالخفاقة الكهربائية (خاصة إذا في خضرة لحتى تصير كلها ناعمة) أو ممكن تتركيه خشن زي ما بتحبي.
– وآخر شي بحب أضيف كمون حب وبتركه يغلي مع الشوربة شوي لحتى تطرى شوي حبة الكمون بيعطي طعمة كتير زاكية، وعند التقديم تزين بالبقدونس المفروم وتقدم مع عصير الليمون الحامض وصحتييين
تابعونا على جروب “زاكي” لفن الطهي أضخم تجمع لأمهر شيفات وربات بيوت محترفين في فن الطهي:
طريقة عمل شوربة العدس