كيف اعمل معجنات

المكونات

2 صدر دجاج
4 حبات بصل متوسط الحجم
معلقة كبيرة سماق
معلقة كبيرة ملح او حسب الرغبة
رشة فلفل اسود
رشة زنجبيل
رشة هيل
ورقة غار
رشة بهارات مشكلة
زيت زيتون حسب الكمية
كاسة فريكة ناعمة للشوربة

مقادير العجينة

كاستين طحين
معلقة خميرة صغيرة
معلقة سكر صغيرة
معلقة ملح صغيرة
معلقة كبيرة زيت ذرة
معلقة كبيرة حبة البركة
معلقة كبيرة سمسم ني
ماء للعجين

الطريقة

في وعاء بنحط الطحين وجميع المكونات المذكورة للعجين وبنعجنهم بماء دافي وبنتركهم يرتاحو
بنغسل صدرين الدجاج بالملح والخل والماء والليمون وبنشطفهم منيح كتير بنحطهم في طنجرة ع النار وبنحط غمرتهم مي مغلية وبنشيل الزفرة لما تبلش تغلي وبنضيف الملح والفلفل الاسود والزنجبيل والهيل وورقة غار وبنتركهم ليستوووا
في مقلاية بنقلب البصل بعد ما نفرمه مع اضافة زيت الزيتون ورشة ملح وبنضل نقلب فيهم ليذبلو بنضيف السماق والبهارات المشكلة وبنضيف الدجاج بعد ما نسحبه من العظم والجلد ونفسخه على شكل شرحات صغيرة
بنقطع العجينة لكرات صغيرة .وبنرق كل كرة على حدا بزيت الزيتون وبنحط بوسط العجينة معلقتين من خلطة الدجاج والبصل وبنبرم العجينة من فوق وبنفرد الاطراف اللي فوق ع العجينة بصير شكلها صرة على شكل وردة كما هو موضح بالصور .
بنصف الصرر بصينية مدهونة زيت وبنخبزهم على حرارة 200 وبنحمرهم من فوق ،
وبنعمل ع المرقة شوربة فريكة وصحة والف هنا
#صرر الدجاج ..ام نضال

اكتب كلمة #زاكي في التعليقات لتصلك مزيد من الوصفات المجربة والمميزة خصيصاً لك

هل تحب مشاهدة وصفات بالصوت والصورة؟ اعمل اشتراك لقناة زاكي على اليوتيوب من هنا لتصلك جديد وصفاتنا بالفيديو:
قناة زاكي على اليوتيوب

عندك جوال ذكي؟ ممتاز كتير تفضل أحلى هدية من زاكي لعيونك, حمل على جوالك تطبيق زاكي, أقوى مرجع عربي لفن الطهي, من هنا:
تطبيق زاكي للأجهزة الذكية

عندك حساب على الفيس بوك؟ طيب شو بتنستى استفيد من وقتك وتعلم كل يوم وصفة جديدة على يد أمهر شيفات في الوطن العربي, بالانضمام لمجموعة زاكي وصفحة زاكي على الفيس:
للانضمام على مجموعة زاكي من هنا 
للاعجاب بصفحة زاكي من هنا ومتابعة كل جديد

احفظ موقع زاكي في المفضلة على جوالك, لتصلك دوماً جديد وصفاتنا مش هتلاقيها إلا في زاكي
موقع زاكي لفن الطهي