طريقة كبة سهلة

طريقة كبة سهلة

طريقة كبة سهلة, معكم صديقة زاكي الشيف صبا عوني المهتدي‎, السلام عليكم … اليوم بدي اقدملكم طريقة كبة عالسريع ( هيك مسمييتها في دفتري الخاص ) أنها سريعة وسهلة ومميزة احفظوا وصفة الكبة هذه على جوالاتكم.

المقادير :

1 كوب برغل ناعم
1 م ص كمون مطحون
1 م ك بصل بودرة – او ممكن نبشر بصل ناعم جدا ونضيفه بس بنقلل من مقدار الماء بنسبة البصل
رشة ملح
1 كوب طحين
تقريبا ربع كوب زيت نباتي – وممكن نحتاج اقل
كوب ونصف ماء حار جدا – وما تنسوا تقللوا من الماء بمقدار البصل المبشور
…………………………………………………………………………

الطريقة:

نغمر البرغل المضاف له الملح والكمون والبصل بالماء الحار ونغطيه
نتركه ليفتر بدرجة يمكننا العمل به بأيدينا
نضيف الطحين ونخلط
نضيف الزيت بالتدريج حتى يتكون لدينا عجينة مرنة سهلة التشكيل ولا تلتصق باليد

نبدأ باعداد الكبة كالمعتاد …..ونحشوها بالحشوة المعتادة (لحم مفروم مقلي مع كمية من البصل ومبهر وبعدما يبرد نضيف عليه السماق لاعطاء نكهة حامضة على الحشوة )

عفكرة كتير اوقات بحشي هاي العجينة بالدجاج والخضار … وكمان بالخضار والجبن الموتزاريلا او حتى الشيدر … طيبة كتير ….
وممكن تفريزها وما بتغلب بعد التفريز بتاتا ولا بتفلق او تتمزق
جربوها وادعولي ……