طريقة عمل الرمانية
طريقة عمل الرمانية
طريقة عمل الرمانية , معكم صديقة زاكي الشيف الموهوبة صبا عوني المهتدي, عملت اليوم رمانية للوالدة الله يحفظها ويطول بعمرها …انبسطت عليها واسترجعت ذكرياتها 
😊 😊 الرمانية أكلة فلسطينية شعبية بسيطة وأكيد طيبة …. تشتهر بها مدينة غزة الى جانب اكلة السماقية 
👍👍👍
المقادير:
2 كوب عدس حب مغسول جيدا غمرته بالماء وتركته على النار …وقبل ما ينضج اضفت 2 كيلو باذنجان …قشرته نص نص وقطعته مكعبات … وفي اثناء طبخهم اضفت توم مدقوق مع ملعقة كبيرة كزبرة ناشفة وملعقة كمون وملعقة عين جرادة وتركتهم ينطبخوا سوا … (وطبعا بامكانكم تضيفوا الشطة او الفلفل الحار مع التوم …لكن انا استغنيت عنها عشان ولادي صغار وما بحبوها واكتفيت بتزيين الاطباق بالفلفل والشطة )
الطريقة:
عصرت الرمان وكانت كميته تقريبا ليتر أضفت عليهم نصف ليتر من مغلي الكركديه وثلثين كوب دبس الرمان وخلطتهم منيح … واضفت عليهم كوب ونصف طحين قمح بلدي واقل من كوب طحين ابيض …وخلطتهم منيح
وبعد ما نضج الباذنجان والعدس ضفت خليط الرمان بالتدريج حتى اصبح الخليط سميكا كالمهلبية…. وبعدها ضفت طحينة تقريبا اكتر من كوب بشوي .. قدحتله بتوم وشوية كمون وكزبرة وعين جرادة وطبعا بزيت زيتون
وعند التقديم زينتها بالفلفل والشطة ورشيت عالوجه شوية زيت زيتون
المهم الوالدة انبسطت عليها واكلتها بشهية … وهذا هو المطلوب 👍👍
