طريقة عمل محشي الكوسا

طريقة عمل محشي الكوسا

طريقة عمل محشي الكوسا, معكم صديقة زاكي الشيف الموهوبة  ‎Mariam Zahrit Almadaen‎  مساء الخير لاحلى جروب وهدول كوساياتي ودوالياتي  بس الصراحة اول مرة بيطلع معي الدوالي اسود حتى اللحمة انصبغت من الدوالي .يا ترى شو السبب عملت كوسا ودوالي ممممم بيشهوووا

المقادير 

3كيلو كوسا حبة وسط
كيلو ورق عنب
كيلو بندورة حمرا شرايح
كيلو بندورة حمرا معصورة للكوسا
4كاسات ارز صنوايت
نصف كيلو لحمة مفرومة
كيلو لحمة قص للدوالي
راس بصل
ملح،فلفل اسود ،بهارات مشكلة ،رشة زنجبيل ،رشة هيل
نعنع ناشف
زيت زيتون

الطريقة

اكيد الكل بيعرف كيف بنعمل الكوسا والدوالي
بننقع الارز عشر دقايق وبنفرم بصلة مع حبيتين بندورة فرمة ناعمة وبحط اللحمة المفرومة والملح وزيت زيتون وشوية نعنع. ناشف وبهارات مشكلة وهيل وزنجبيل .
بنحفر الكوسا وبنغسلها وبنحشيها تلتين الحبة
وبنلف الدوالي وبنصفوا بطنجرة مع شرحات البندورة وبنحط قطع لحمة تحت الدوالي وبس نخلص بنحط كمان شرحات بندورة وملح وكم فص توم وبنحط فوقهم صحن وبنسكب المي المغلية فوقهم وبنحطهم ع نار هادية وبرشرشهم زيت زيتون وبتركهم لحتى يستوي الدوالي
الكوسا بنصفها بطنجرة ثانية وبنعصر عليها بندورة حمرة ونرش ملح وبنحطها ع نار وسط
وصحة وهنا 🍴
#محشي كوسا ودوالي— ام نضال