طريقة إعداد أكلات فلسطينية
طريقة إعداد أكلات فلسطينية
طريقة إعداد أكلات فلسطينية, المفتول من آشهر الطبخات الفلسطينيه البلديه وبتنعمل خصوصا بشتى كتبتها بتفصيل كرمالكن حبيباتي
, معكم صديقتكم الشيف الموهوبة جلاكسي والدنيا عكسي’تعليقاتكم تسعدني.
المفتول بآيدي فلسطينيه
المكونات
دجاج طازج
ملح
حمص
ماجي بودره
برغل حبه متوسطه
طحين قمح بلدي منخول
زيت زيتون
الكثير من بصل
بندوره طازجه طريه
بهارات مشكله يفضل طازجه لتعزيز النكهه
طريقة تحضير حبيبات المفتول
يتم نقع البرغل مده ساعه بماء بارد ثم يوضع قدر كمشه بوعاء الفتل الي هو عباره عن وعاء مدور مصنوع من الالمنيوم اسمو (لكن) ويتم رشو بطحين القمح وتحريكو بالادين
ثم يرش بقليل من الماء المالح وتحريكو ثم يرش بطحين وستبدئين بملاحظه تكوين حبيبات صغيره مره ماء ومرا طحين وبس يتشكل معك حبيبات بتشليهن في وعاء آخر ووضع كمشه برغل جديده ونفس طريقه بتتعبي لتحصلي ع الكميه المطلوبه،كل علبه ماء بدها معلقتين ملح كبار وبتخزقي غطاء العلبه بدبوس محمى ع الغاز لتحصلي على فتحات صغيره لرش الماء بشكل خفيف.
طريقة طبخ المفتول
المرحله الأولى:في طنجرة المفتول الخاصه عباره عن طبقتين الطنجره يتم وضع الماء الساخن فيها والصفايه يتم دهنها بقليل من زيت الزيتون لمنع الالتصاق ثم وضع المفتول فيها ووضع صفايه فوق الطنجره وتغطيتها حتى تقوم بالاستواء او ما نسميه عملية (التهبيل) المرحله الأولى تستغرق بعض الوقت ممكن نصف ساعه أو أكثر.
المرحلة الثانيه:بعد الانتهاء من المرحله الاولى يتم قلب مصفاة المفتول في وعاء كبير ورش بعض زيت الويتون عليه وبمعلقه كبيره تقومي بتحريكو حتى يتفتت عن بعض ورش الماء الفاتر عليه يجب ان يكون منثور نثر ومش مكعبل
بعدا بنفس الصفايه بتحطي نصف كميه المفتول وبتحطي البصل المتبل او متل ما بنسميها (دفنت البصل) بعدا بتحطي باقي المفتول فوق البصل وبتحطي الصفايه فوق طنجرة المفتول مع تعبئة طنجرة المفتول بلماء الساخن حتى لمنتصف ويتم تغطيتو حتى ينضج بدو شي ساعه ع نار حاميه.
المرحله الثالثه:بعد ما ينضج المفتول يثم وضعو في وعاء كبير ورشو بزيت الزيتون وتحريكو بمعلقه من اجل الحصول ع مفتول منثور وبضيفيلو كميه الحمص المنقوع حسب الرغبه وبتحكي وبتنقعي بمرق الدجاج وصوص يخنة الكوسا وبتحركي حتى يتخلط وبتكمري نصف ساعه قبل الآكل.
تتبيلة البصل
بصل مبروش حسب الرغبه وكمية المفتول يتم فركو بزيت الزيتون وماجي وملح وفلفل أسود وكمون وبهار مشكل وكاري أصفر وخلطو جيدا ووضعو بشكل طبقه في منتصف المفتول حتى ينضج.
يخنة الكوسا
يتم غسل الكوسا وتقشيرها وتقطيعها بحجم كبير ثم يتم تحويسها مع رشة زيت ذره وتقليبها ع الغاز حتى تتشوح مع ملح وماجي بودره ورشةأسود ورشة بهار مشكل ثم يضاف اليها عصير البندوره الطازج المطحون ع الخلاط مع معلقة صلصه بندوره ومرق دجاج ولازم تحتوي ع الكثير من المرق من آجل نقع المفتول وبتتركيها ع الغاز حتى تتطبخ بس ما بتاخد وقت كتير حتى تحافظ ع قوامها وما تهبط.
الحمص
أنا بضع الحمص المنقوع مسبقا في طنجرة المفتول بيستوي خلال المرحله الاولى وتانيه من طبخ المفتولةبس من دون كربونه منشان ما يطعم المفتول،وازا ما بدك سلقي لحال متل ما بتفضلي بس انا بكسب الطنجره من فوق وتحت
الدجاج
أنا بطبخ نصف الدجاج مع تشويح بصله وتقلبيو جيدا واضافه لبهارات الصحيحه(ورق غار حب هيل لومي حب كزبره وملح وفلفل وبهار مشكل) وباخد المرق لنقع المفتول والدجاج بحمرو بالفرن، ونصف الآخر بشوي وتتبيله دجاج المشوي عباره عن( خليط من لبهارات مع زيت زيتون و الملح وفلفل أسود وباربيكا وكاري وسماق وعصير نصف ليمونه وفصين ثوم مهروسين ومعلقة دبس رمان ورشه باربيكا حاره حسب الرغبه الحروقه).
وصحتين وألف عافيه ياااارب آكله متعبه بس طعم خيااااال وآطيب شي لما تكون بلمه حلوه عند الآهل انشالله تعجبكم وفيكي ضيفي وتشيلي من المكونات حسب رغبتكم او تغيري اليخنه برجع لذوقكم وأي استفسار من عيوني وتعبت وأنا آكتب
صديقتكم هزوره
جلكسي والدنيا عكسي
