طريقة عمل كوكيز الشوفان
طريقة عمل كوكيز الشوفان
طريقة عمل كوكيز الشوفان, معكم صديقة زاكي الشيف الموهوبة Salam Zayed Um Khaloody, #كوكيز_الشوفان
#خرااااااافي_راقي_بجنن_وبشهي
💜💜
😉💜💜
المقادير:
2 كوب شوفان خشن (المخصص للطبخ)
1 كوب سكر بني(لازم بني لانه ازكى للكوكيز)
كوب زبدة (ممكن تحطوا مارجرين الي هي الزبدة النباتية او تحطوا نص زبدة ونص مارجرين وانا هيك عملت) بحرارة الغرفة
3/4 الكوب طحين(ثلاث ارباع)
نص كوب جوز هند
نص كوب جوز عين الجمل(اطحنوه وسط تقريبا مو ناعم)
بيضة بحرارة الغرفة
م ك فانيلا
م ص قرفة
نص م ص بايكربونات الصوديوم
رشة ملح
شكولاته هيرشي للزينة(اختياري)
ملاحظة:
م ص يعني ملعقة صغيرة
م ك يعني ملعقة كبيرة
الطريقة:
بالبداية بخلط المواد الجافة كلها سوا ما عدا السكر وبتركهم عجنب وبضيف الزبدة والسكر والفانيلا وبخفقهم بمضرب الكهرباء منيح ليصير لونهم كريمي بعد هيك بضيف البيضة وبخفق منيح لتختفي تماما
بعد هيك بضيف المواد الجافة عدفعتين مع الخفق مجرد ما تندمج اول كمية بضيف الباقي وبقلبها بالملعقة وببدا اخد مقدار من الخليط انا استعملت ملعقة البوظة وبرتب الحبات عصينية مبطنة بورق زبدة مع ترك مسافة وببلل ايدي بشوية مي وبفردها شوي وبعطيها شكل دائري وبدخلها عفرن محمى مسبقا عدرجة حرارة 160
مجرد ما تصير الحواف دهبية برفعها وبعطيها تحميرة بسيطة كتير من فوق لحتى ما ينشف ويصير قاسي وبتركه ليبرد تماما لانه بكون طري فممكن تتكسر الحبة كتير زاكي جربوه بيجي مقرمش من الحواف ومتل الي بيعلك من جوا وصحتين وهنا ..
**ممكن تضيفوا لوز مقطع او بندق او كاجو..وممكن اضافة الزبيب بينتقع بماء ساخن لمدة نص ساعة ويكون مصفى من المي منيح .
😌
اكتب كلمة #زاكي في التعليقات لتصلك مزيد من الوصفات المجربة والمميزة خصيصاً لك
هل تحب مشاهدة وصفات بالصوت والصورة؟ اعمل اشتراك لقناة زاكي على اليوتيوب من هنا لتصلك جديد وصفاتنا بالفيديو:
قناة زاكي على اليوتيوب
عندك جوال ذكي؟ ممتاز كتير تفضل أحلى هدية من زاكي لعيونك, حمل على جوالك تطبيق زاكي, أقوى مرجع عربي لفن الطهي, من هنا:
تطبيق زاكي للأجهزة الذكية
عندك حساب على الفيس بوك؟ طيب شو بتنستى استفيد من وقتك وتعلم كل يوم وصفة جديدة على يد أمهر شيفات في الوطن العربي, بالانضمام لمجموعة زاكي وصفحة زاكي على الفيس:
للانضمام على مجموعة زاكي من هنا
للاعجاب بصفحة زاكي من هنا ومتابعة كل جديد
احفظ موقع زاكي في المفضلة على جوالك, لتصلك دوماً جديد وصفاتنا مش هتلاقيها إلا في زاكي
موقع زاكي لفن الطهي