طريقة عمل عجينة سندويشات
طريقة عمل عجينة سندويشات
طريقة عمل عجينة سندويشات, الساندويشات من أسرع أنواع الفطور أو الغداء, ولو حابة تعملي خبز الساندويشات في البيت, إليك طريقة خرافية لعمل عجينة سندويشات راح تعطيك ساندويشات هشة خفيفة مثل القطن, مع الشيف وصديقة زاكي المميزة Salam Zayed Um Khaloody
#بسم_الله_ما_شاء_الله
#خبز_الساندويتش_ما_راح_احكي_عنه_الصور_والفيديو_بيحكوا
😌😌😌😌
﷽
#خبز_الساندويش_بعجينتي_السحرية_القطنية
#ونفس_العجين_تستخدم_لجميع_انواع_الفطاير_والبيتزا
ملاحظة/
م ص يعني ملعقة صغيرة
م ك يعني ملعقة كبيرة
المقادير:
نص كيلو طحين (4 كوب)
2 ونص كوب ماء دافئ
نص كوب لبن زبادي
نص كوب زيت نباتي
3م ك حليب سائل لدهن الخبز
2 م ك سكر
م ك ونص خميرة فورية
1م ك باكنغ باودر
1 م ك زبدة لدهن وجه الخبزة بعد الخبز
نص م ص ملح
الطريقة:
بالبداية بضيف الخميرة وم ك سكر وباخد 3 ملاعق كبيرة من الطحين وبخلطهم منيح ليبطل في تكتلات وبغطي الخليط لتتفاعل الخميرة ..
وبهاد الوقت بجهز الطحين وعليه باقي المكونات وبضيف خليط الخميرة وببدا اعجنها انا استخدمت العجانة اول 5 دقائق لتجمعت معي منيح وبعدين كملت عجن عإيدي كمان لمدة خمس دقائق هلأ ممكن تحتاج العجين طحين حسب النوعية المستخدمة او العكس ازا احتاجت سوائل بضيف مي دافية وبغطي العجين لتخمر ويتضاعف حجمها منيح ..
بعد هيك بقسم العجين وبكور كل حبة وبتركها عشر دقائق ترتاح هلأ انا طلع معي 14 كرة.. بعد هيك برش عسطح العمل رشة طحين وبرق كل كرة بسمك 2 سم وبلفها رول وبكبس اطرافها منيح لحتى ما تفتح بالخبز وبترك مسافات بينهم..
وبغطيها وبتركها ليتضاعف حجمها .. بمسح وجه الخبزة بالحليب السائل بهدووووء لحتى ما افرغ الهوا الي فيها وبدخلها عفرن محمى مسبقا عدرجة 200 من تحت وبحمر الوجه ..
وبس تنخبز معي وهي سخنة بدهن وجه الخبزة بشوية زبدة يا دوووب مو كتير لتعطي لمعة للخبزة وبغطي الصينية بقطعة قماش نظيفة وتكون شوي رطبة مو كتير لحتى تضل الرطوبة بالخبزة وتضل طرية .. وصحتيييييييين وهنا
اكتب كلمة #زاكي في التعليقات لتصلك مزيد من الوصفات المجربة والمميزة خصيصاً لك
هل تحب مشاهدة وصفات بالصوت والصورة؟ اعمل اشتراك لقناة زاكي على اليوتيوب من هنا لتصلك جديد وصفاتنا بالفيديو:
قناة زاكي على اليوتيوب
عندك جوال ذكي؟ ممتاز كتير تفضل أحلى هدية من زاكي لعيونك, حمل على جوالك تطبيق زاكي, أقوى مرجع عربي لفن الطهي, من هنا:
تطبيق زاكي للأجهزة الذكية
عندك حساب على الفيس بوك؟ طيب شو بتنستى استفيد من وقتك وتعلم كل يوم وصفة جديدة على يد أمهر شيفات في الوطن العربي, بالانضمام لمجموعة زاكي وصفحة زاكي على الفيس:
للانضمام على مجموعة زاكي من هنا
للاعجاب بصفحة زاكي من هنا ومتابعة كل جديد
احفظ موقع زاكي في المفضلة على جوالك, لتصلك دوماً جديد وصفاتنا مش هتلاقيها إلا في زاكي
موقع زاكي لفن الطهي