طريقة عمل المفتول
طريقة عمل المفتول
طريقة عمل المفتول معكم صديقة زاكي الشيف الموهوبة Mariam Zahrit Almadaen بتتذكروا لما حكتلكم الاولاد وابوهم جاي ع بالهم مفتول وانا مش قادرة افتل لانه ايدي بتوجعني , في وحدة الله يجزيها الخير حكتلي في ناس بيعملوا المفتول بالخفاقة الكهربائية تبعة الكيك .والله مكذبتش خبر روحت فتحت ع اليوتيوب ودورت على طريقة عمل المفتول بالخفاقة الكهربائية وفتحت عليها وشفت كيف الشيف عملت المفتول بالخفاقة الكهربائية واليكم الطريقة بالتفصيل الممل وبالتصوير لكل الخطوات
المقادير:
شوية طحين قمح
شوية طحين وشوية مي
الملح والفلفل اسود والكمون والبهارات
5 بصلات كبار
6 حبات بندورة حمرا مقشرة ومقطعة قطع صغيرة وتركتهم
الحمص المسلوق
الكمون
معلقة معجون طماطم
دجاج
الطريقة:
اولا جبت جاط بلاستيك عميق حطيت فيه شوية طحين قمح ورشرشته بماء مملح وشغلت الخفاقة وصرت ازيد شوية طحين وشوية مي والخفاقة شغالة وعم تفتل ما شاء الله عنها لحتى تعبى الجاط وقفت الخفاقة ونخلت المفتول بمصفاية فتحاتها كبيرة لحتى ينزل المفتول الناعم ويبقى المفتول المكبتل ..
وطبعا الكباتيل ما كبيتهم لفيتهم بطحين القمح وحطيتهم بمفرمة البصل الكهربائية الصغيرة وفرمتهم فطلعوا معي طحين خشن متل البرغل واضفتهم مرة تانية للجاط وابتديت اخفق وازيد مي وازيد طحين وانخل لحتى انتهيت من كل كمية الطحين اللي هي عبارة عن 2كيلو طحين قمح .وطبعا لما انتهيت نخلتهم بمصفاية صغيرة الفتحات حتى ينزل الطحين الزائد ويبقى المفتول .
طبعا حطيتهم بمصفاية الخاصة بالمفتول بعد ما دهنتها زيت وحطيت الطنجرة الخاصة بالمفتول ع النار وحطيت فيها مي لحد النص وحطيت ملح وكمون وشرحة ليمون حتى ما تسود الطنجرة وهبلتهم اول تهبيلة مدتها ساعة ونزلتهم بسدر كبير وفردتهم بالشوكة ورشرشتهم مي ورديت دهنت المصفاية زيت وحطيت نص كمية المفتول وفرمت بصلة كبيرة وتبلتها بالملح والفلفل اسود والكمون والبهارات ونثرتها فوق المفتول وحطيت القسم الباقي من المفتول فوقهم وتركتهم ساعة اخرى
في هذه الاثناء سلقت الجاح بالمطيبات والبصل الشرايح
وقشرت 5 بصلات كبار وقطعتهم شرايح وقلبتهم بزيت الزيتون لحتى ذبلوا نزلت عليهم حوالي 6 حبات بندورة حمرا مقشرة ومقطعة قطع صغيرة وتركتهم ع نار هادية اضفت الحمص المسلوق والملح والبهار والكمون ومعلقة معجون طماطم واضفتلهم مغرفتين من مرق الدجاج وتركتهم يتسبكو
بعد ساعة نزلت المفتول فردته بالصدر ورشرشته بزيت الزيتون .
حمرت الدجاج مع انهم انشعطوا معي سوية بس يلا خليهم يردوا العين هههههههه
شربت المفتول بمرقة الجاج وحطيت شوية من اليخنة وحطيت الجاج المحمر قصدي المشعوط 
😉😉
وصحة والف هنا
#مفتولات ام نضال
اكتب كلمة #زاكي في التعليقات لتصلك مزيد من الوصفات المجربة والمميزة خصيصاً لك
هل تحب مشاهدة وصفات بالصوت والصورة؟ اعمل اشتراك لقناة زاكي على اليوتيوب من هنا لتصلك جديد وصفاتنا بالفيديو:
قناة زاكي على اليوتيوب
عندك جوال ذكي؟ ممتاز كتير تفضل أحلى هدية من زاكي لعيونك, حمل على جوالك تطبيق زاكي, أقوى مرجع عربي لفن الطهي, من هنا:
تطبيق زاكي للأجهزة الذكية
عندك حساب على الفيس بوك؟ طيب شو بتنستى استفيد من وقتك وتعلم كل يوم وصفة جديدة على يد أمهر شيفات في الوطن العربي, بالانضمام لمجموعة زاكي وصفحة زاكي على الفيس:
للانضمام على مجموعة زاكي من هنا
للاعجاب بصفحة زاكي من هنا ومتابعة كل جديد
احفظ موقع زاكي في المفضلة على جوالك, لتصلك دوماً جديد وصفاتنا مش هتلاقيها إلا في زاكي
موقع زاكي لفن الطهي