أسرع طريقة كبسة دجاج

أسرع طريقة كبسة دجاج

أسرع طريقة كبسة دجاج, معكم صديقة زاكي الشيف الموهوبة  ‎حنان السليتي‎ , كبسة الدجاج بالتفصيل الممل
ما في اطيب من الكبسه , راح أكتبلكم الان طريقة الكبسة السعودي وبتمنى تشجعوني بتعليقاتكم الحلوة.

المقادير:

3 اكواب رز بسمتي
راسين بصل
6 سنون تومه
حبتين بندوره
نصف ملعقه صغيره كركم
ملعقه كبيره بهارات كبسه
ربع ملعقه صغيره فلفل اسود
ملعقه صغيره ملح
مكعب ماجي
ملعقه كبيره بابريكا حمرا حلوه
ملعقتين كبار صلصة البندوره
رشة هيل
لوز وزبيب

الطريقة:

اول شي مننقع 3 اكواب رز بسمتي بماء ساخن لمدة نصف ساعه ومنحط الرز على جنب

في طنجره منقطع راسين بصل و 6 سنون تومه مربعات صغيره ومنضيف عليهم ربع كوب زيت نباتي ومنحط عليه الدجاج بعد ما
نقطع الجاجه اربع قطع ومنغسلها ومنحطها في طنجره الي فيها البصل والتومه لحتى يوخد الدجاج النكهه

وبعد هيك منضيف حبتين بندوره اتكون مربعات صغيره ونصف ملعقه صغيره كركم ملعقه كبيره بهارات كبسه ربع ملعقه صغيره فلفل اسود ملعقه صغيره ملح مكعب ماجي ملعقه كبيره بابريكا حمرا حلوه ملعقتين كبار صلصة البندوره و رشة هيل 5 اكواب ماء كبار ومنخليهم يغلوا وبس يغلوا منوطي النار لحتى يستوي الدجاج

وبعد هيك منشيل الدجاج ومنحطه في صينيه ومنتبله بربع كوب زيت نباتي وملعقتين كبار صلصة البندوره ونصف كوب من مرقة السلق الدجاج ومنخلطهم مع بعض كويس ومنتبل الدجاج فيهم ومنحمرهم بالفرن على الوجهين

اخر شي منغسل الرز ومنحطه على مرقة السلق ومنطبخهم اول شي على نار عاليه لحتى يغلوا وبعدين منوطي عليه النار لحتى يستوي على نار هادئه ويقديم ويزين بالشكل الي بتحبوه انا زينه باللوز والزبيب.