قصة قصيرة واقعية
هذه القصة تأتيكم من قسم المنوعات في زاكي, متابعة ممتعة وننتظر رأيكم في التعليقات.
انا اسمي خالد عمري صار 30سنة.. بس قصتي بلشت وانا بعمر 17..حبيت بنت بحارتنا..كنت لما شوفها شوف القمر.. الغزلان..اي شي بيختصر الجمال باسمو..عيونها بلونهن الازرق. يحملوني ع السما..كنت ما اشبع من شوفتها ابدا..كانت اصغر مني بكتير.. بس تعلقت فيها..تركت دراستي بسبب ظروف اهلي وسافرت ع لبنان اشتغل بس،ما نسيتها ابدا..ولا غابت بلحظة.عن تفكيري..بكل نزلة الي ع. عبيتي..افيق من الصبح انطر حتى شوفها بالحارة عم تلعب وجدايلها عم يطيرو معها..كنت بحبها بحب ملامحها.. صوتها ضحكتها…كنت ناطرها تكبر حتى تكون من نصيبي..بهالوقت يلي قضيتو بلبنان كبرت يوم عن يوم..وانا كمان كبرت بغيبتي بس حبها ما انطفا ابدا..جهزت بيتي وامنت احتاجاتو الاساسية..
واستقريت بالبلد..صرت اشتغل مع ورشة بلعمار واركض ليل نهار حتى اخطبها.. تحجبت وصارت متل اي صبية راكزة وحلاتها زادت بزيادة..صارت تنتبه الي لما اطلع عليها وهي رايحة ع مدرستها..واحيانا تعطيني ابتسامة صغيرة ..تحملني لعالم تاني.. لوقت صرت جاهز اخطبها وتصير الي.. اهلي تفاجأوا باختياري الها..قالوا هي صغيرة بالنسبة الك.. بس انا ما همني هالحكي بدي ياها الها حبها بقلبي نما وكبر معها ما بتخيل حالي بدونها..طلبوها اهلي..وطبعا لان بيتي لحالي وواسع ورح اسكن بعيد عن اهلي.. اهلها وافقوا..وكل الناس بتشهد باخلاقي..
انا ما ثدقت حالي صارت غرام الي..اي غرام اسمها وانا فعلا مغرم فيها..ايام الخطبة كانت سلسلة من احلى ايامي..خططننا ورسمنا ببالنا كل شي ح نعملوا..اسماء ولادنا وعددهن ولبسهن والعابهن.. كنت سكران فيها..مخمور بجمالها ورقتها لدرجة الناس صارت تحسدها علي.. الهدايا والمشاوير وكل شي بتتمناه اي بنت حتى لو طلبت لبن العصفور كنت رح جيبو الها.. عملتلها فرح باحسن صالة وجهزتها بافضل جهاز عروس..
كنت بفكر انو المرة اذا دللتها وعطيتها قلبك وعقلك وروحك ما ممكن تتركك…تزوجنا كانت الجنة بالنسبة الي وهي كامت مبسوطة معي.. كانت ابتسامتها وضحكتها منورة البيت..لمرت سنة علينا وما صار اي حمل..مرت عمي امها بلشت تسألها واخدتها عدكتورة نسائية اكدت انو ما في مشاكل عندها..وطلبت انو انا اعمل فحوص..انا بداية ما اقتنعت بس رغبة منها عملت كل شي ما كنت بحسن قلها لا ابدا.. والنتيجة معي ضعف..هالشي اثر علي..خفت بس هي شجعتني عالعلاج قالت انا معك ما بتتركك..وفعلا بلشت اتعالج بس الا وضاع والازمة..
وامور كتير عاقت مرضوع علاجي وصار في مشاكل من طرف اهلها..وضغط عليها..بس انا اكدتلها انو مهما صار ما بتخلى عنها ولايمكن اتركها.. كنت اعمل كل جهدي لامن كل شي بتحتاجو..اذا قالت عن شي بس انو عجبها.. اشتري حتى لو ما كانت بحاجتو كان بالنسبة الي بكفي انو عجبها… بس الاوضاع بالبلد صارت اصعب وصار مشاكل خلت الشغل قليل ويمكن بمعنى اصح نادر.. وهالشي اثر على دخلي وعلاجي.. وكانت غرام احيانا تتململ من هالحال..
مرت تلت سنين حاولت كون احسن انسان بالنسبة الها..وهي كانت كتير منيحة بس بعد كل زيارة لاهلها تتغير احيانا ما تعود تحكي معي تصير بعالم تاني..كنت بكل صلاة ادعي انو اشفى واقدر امنحها السي يلي منغص علينا حياتنا..بس يمكن للصبر حدود..لقيت شغل تاني. بمعمل قريب من البلد صرت اشتغل وقت اضافي..احيانا نام بالمعمل..حتى عوض عن الاشياء الي نقصتها ع بيتي وكمل علاجي بس بسبب وضعي من ناحية معينة ما كتن فيني اطلع برا البلد عمنطقة تانية ولا ع مشفى ولا اي مكان..صارت غرام تطلب انو نعمل زرع..
بس هي بتعرف سو وضعي ما قبلت..طلبت تأجل الموضوع.. وخاصة انو الدكتور يلي اشرف ع علاجي قلي في تحسن كبير.. علاقتنا ببعض صارت متوترة هي دائما معصبة.. وصارت مهملة للبيت والي..لدرجة اني احيانا قبل ما روح عدوامي بالمعمل..اشتغل بالبيت. قول لحالي معلش بدي داريها لحتى.. تفرج..بس هالشي ما دام كتير نمت بالمعمل اضافي..ولما اتصل عليها ترد بشكل مختصر علي.. لما رجعت بعدها عالبيت ودخلت انصدمت شو صاير بالبيت..البيت فاضي من كل شي.. حتى غرفة النوم مو موجودة.. كنت متصل فيها قبل طلعتي من المعمل بساعة وحاكي معها ومطمن عليها.. شو يلي صاير…
رجعت اتصل عليها ما ترد ابدا..اتصل عبيت عمي ما حدا يرد.. رحت عالجيران وسألت قالوا انو بيت عمي حملوا غراض البيت كلها وهني مفكرين اني بعرف بهالشي.. ما بعرف شو كان لازم اعمل.. رحت عبيت عمي ما سمحوليفوت قالولي.. خلص طلقها للبنت..ما عاد بدها ياك..انا نسيت الاغراض وكل سي بالبيت.. كنت بدي شوفها افهم منها..بس ما قبلوا.. قالولي طلقها وغراض البيت اخدناهن بدل متأخرها ومتقدمها يلي مش مقبوض..ما رضيت اني طلق..قلت ما بطلقها لاسمعها هي بدها الطلاق..ومشيت.. وسطت اهلي ومعارف كتير الهن.. بس اهلها حسموا الامر.. اتصلت فيها ما ترد.. بعدين حكت معي من رقم امها وقالت طلقني ما عاد فيني اتحمل الحياة معك…
اول مرة ببكي..ما بعرف ليش لان بحبها.. او لاني ما بستاهلها..ما بعرف شو السبب..صرت عطول مضايق.. بقيت بالبيت لي كان فاضي الا من خيالها ومن ضحكتها..اهلي ضايقوا مني ومن حالتي.. بعد،ما طلقتها..عطول لوحدي بلا اكل وتعلمت الدخان..لوقت اجت امي..وقالت كلام ما استوعبت منو..الا الله يبعتلها احسن منك…وقتها صحيت لحالي…دبرت رقمها الجديد من بنت خالها يلي ما عطتني ياه الا بعد الترجي..اول ما سمعت صوتي عالهاتف.. سكرت.
.رجعت اتصل قلتلها بدي افهم ليس هيك سويتي..انا بشو قصرت معك..صارت تبكي قالت امي واهلي ضغطوا علي وانا ما عاد فيني.. انا بدي اولاد..قلتلها انت بتعرفي اني عم اتحسن.. قالت لوكنت انا السبب بموضوع الخلفة ما كنت صبرت انت واهلك ..كنت من زمان تزوجت علي..اقسمت بكل الايمان اني معها ما بدي شي ولا حتى ولد..ولا يمكن اتركها.. قلتلها اذا بدك برجعك..وما بدي ترجعي شي معك من غراض البيت..ارجعي بس بالتياب يلي عليك وانا برجع بجهز وبسويلك عرس وشو ما بدك…تركتها تفكر.. وبعد يومين من الافكار والخوف اتصلت بس ما ردت..مرة ومرة ومرة.. حتى ردت.. وقالت ما عاد،فيني الله يبعتلك احسن مني…الصراحة انا تغيرت الدنيا بوجهي..ضعت..
بس اهلي وقفو لجانبي رغم اني انقطعت عنهن حتى ما مر من جانب بيتها او حتى المحها بالحارة… وبلشت امي تطلبلي.. ودور عبنت منيحة الي.. ما بنكر قلبي بعدو معلق بغرام واي اشارة منها بانها بدها ترجعلي رح ارجعها بس ما صار شي من هالشي..لحتى خبرتني امي انها عجبتها بنت منيحة وكتير مرتبة.. رحت وشفنا البنت.. وانا خبرت اهلها بوضعي الصحي.. امها وابوها تفهموا الوضع وطبعا بلدنا صغيرة وعرفوا بقصة طلاقي انا وغرام..بالخطبة حكيت كل شي بقلبي لايمان خطيبتي حكيتلها اني بحبها لغرام ثراحة ما ضايقت مني او يمكن هي حاولت ما تبين هالشي ما بعرف..بس اكدتلها انو لما نصير تحت سقف واحد مارح يكون لغرام وجود بينا ابدا..انا مستحيل اظلمها معي..
فعلا ايمان بستحق انو الواحد يحبها وبتفرض عليك محبتها.. اتروجنا.. كل الناس وخاصة اعلي لاحظو الفرق بين ايمان وغرام من كل النواحي..وفعلا حافظت ع كلامي وما فتحت سيرة غرام قدام ايمان ابدا ولا باي شكل.. بس بعض الجارات..مت هدول يلي بحبو ينغصوا ع الناس فرحتهن..صاروا يجو بغيابي ويقعدوا مع ايمان ويسردو قصة حبي الها وشو كنت اعملها..
بس ايمان ذكية تدارك هالشي معهن وتقلهن مو مهم الماضي المهم الحاضر.. بس يلي اكبر من هالشي السؤال المحرج الي يسألوها مانك.حامل..ايمان عرفت قصدهن حطت ايدها ع بطنها وقالت ان شاءالله..يمكن كلمة ان شاءالله غيرت كل شي… ايمان حامل بعد،تلت شهور زواج…الحمد لله انا حاليا اب…وغرام انخطبت والله يهنيها..بس انا حبيت اذكر هالقصة لان مو دائما الشب هو ظالم..والبنت مظلومة.. انا حاولت كون افضل انسان بالنسبة لغرام بس ربنا حرمني من شي ما كان بايدي وهي ما صبرت معي…هاي قصتي