هاي قصة لصبية معنا طلبت مني اصيغلها قصتها
هاي قصة لصبية معنا طلبت مني اصيغلها قصتها
بتمنى انه تساعدوها وتجبرو خاطرها
هذه القصة تأتيكم من قسم المنوعات في زاكي, متابعة ممتعة وننتظر رأيكم في التعليقات.
اسمي ماخود من جمال الورد وكل عمري حلوة وسعيدة طول الوقت بضحك ما بزعل ولا بزعل الي حولي
بس ما في انسان بيبقى مبسوط طول الوقت خاصة لما بيجي شي يوجع قلبك وتتمرمر بعلاقة حب بتدخل فيها ما بعود فيك تطلع منها
امي( يا ورد وينك يا امي)
ورد( ها ليكني امي )
امي ( يلا امي رح تتاخري على مدرستك البسي وخدي هي سندويشتك )
ورد( يسعد قلبك يا احلى ام بالكون
اعطيني ايدك لبوسها )
طلعت عمدرستي بنط نط بضحك وكلي امل وتفاؤل
فتت عمدرستي سلمت على رفقاتي وقعدت معهم كانو عم يحكو عن اهاليهم وكل وحدة بتحكي عن ابوها وشو بيعملو ابائهم كرمالهم سرحت بخيالي
طيب انا ابي وين ما بشوفه ما بسمع اخباره دايما مسافر مشغول بجمع فلوسه وانا اخر اهتماته
غص قلبي مسحت دمعتي قبل ما تنزل ودخلت عالصف ولا كانه في شي
خلص دوامي بالمدرسة وانا راجعة عالبيت كان في شب واقف بالطريق اجت عيني بعينه ما بعرف ليش من اول ما شفته لهف قلبي حتى هو بادلني النظرات وما شال عيونه عني
ريهام ( لك ورد شوفي هاد الشب من اول ما طلعنا من المدرسة وهو لاحقنا وعم يطلع عليكي)
ورد( خلص امشو ولا كانه في حدا )
رجعت عالبيت بس طول الوقت عم فكر بهالشب فيو شي غريب خلاني مو قادرة فكر بشي تاني غيره
نظرة عيونه ضحكته حتى نبرة صوته بقيو عالقين براسي
تكررت جية هاد الشب كل يوم عطريق مدرستي وانا كل ما شوفه بترد الروح لجسمي متل ام مضيعة طفلها وبس شوفه هالام بتلاقي ضناها
لحتى بيوم كنت مروحة من المدرسة وريهام بهداك اليوم كانت معطلة فكنت مروحة لحالي تجرا شادي وقرب لعندي
شادي( ممكن احكي معك )
ورد( لو سمحت احنا بالشارع واي حدا هلا بشوفك واقف معي شو رح يقول عني )
شادي( صدقيني انا مو جاي لخرب سمعتك لا سمح الله
شوفي هاي الورقة فيها رقمي خديها ولو سمحتي رني علي انا قصدي شريف وحياة الله )
اخدت الورقة من ايده وركضت عالبيت كنت خايفة حدا يشوفني بس بنفس الوقت كنت فرحانة انه واخيرا حكيت معه واخيرا وقف قبالي
بقيت طول اليوم فكر اذا بدق عليه او لا بس خلص لما القلب بيعطي قراره لازم ننفذه
ورد( الو مرحبا )
شادي( اهلا اهلا ورد صح )
ورد( كيف عرفت اسمي )
شادي( بعرف كل شي عنك وبعرف اسمك وبعرف انك احلى من الورد كمان
رح عرفك عن حالي انا اسمي شادي بشتغل بالجيش ما كملت دراسة لانه والدي توفى وانا صغير اضطريت احمل مسؤولية كل شي انا وهاد كل شي عني)
ورد( طيب شو بدك مني)
شادي( انا قلتلك انه نيتي سليمة وانا رح اتقدملك رسمي وحياة ربي )
ورد( ليش انا )
شادي( لانه جمالك بيسحر متل جمال الورد )
يا الله قديه كلامه كان مريح وبيدخل لجوا القلب او لقلب القلب
قويت علاقتي انا وشادي وصرنا دايما سوا وقلتله كل شي عني وهو كمان ما خبى عني ولا شي بخص حياته
واتفقنا اول ما ابي يجي من السفر يجي شادي يطلبني
ورد ( لك ايه شادي شو في ليش هيك عم ترن )
شادي( شوفي موبايلك بعتلك اكتر من صورة لعفش البيت اختاري الي بتحبيه ورح اشتريه )
ورد( شو حلوة هالكلمة بيتنا )
شادي( ايه وفي صور لغرفة ولادنا شوفيهم واحكيلي رايك )
ورد( ولادنا )
شادي( لك ايه بدي جيب ولاد كتيرة وهاد بقلي بابا بدي اكل وهاد يقلي خدنا مشوار وهاد بده مصروف ياااااه يا رب ) ورد( ان شاء الله ربنا كريم )
بهالفترة خبرت امي عن شادي وتعرفت عليه وخبرها انه نيته سليمة وانه ما قصده يلعب
كانت امي مرتاحيتله كتير وكانت عم تستنى اليوم الي رح تشوفني فيه عروس
امي( يا ورد وينك تعي لهون هاد ابوكي وصل من السفر )
استغربت انه ابي اجا من السفر لانه ما خبر حدا بجيته
فرحت وحزنت بنفس الوقت بس كنت متاملة انه بجية ابي رح انخطب انا وشادي رسمي
طلعت سلمت على بابا وقعدت معه شوي
وفتت خبرت شادي بجية بابا واتفقنا انه بعد تلت ايام يجي هو واهله ليتقدمولي رسمي
ورد((عن جد شادي)
شادي( عن جد وجد الجد كمان
ايوا هيك اضحكي لما بتضحكي بتضحك الدنيا )
رتبت انا وامي كل شي وشو بدنا نقول لبابا عن شادي وكيف رح نزبط الموقف وفتت على غرفتي لخبر شادي بس نسيت باب الغرفة مفتوح وابي دخل وراي وسمعني بحكي بالتلفون اخده مني وبهدل شادي وسمعه حكي ما بينحكى وسكر الخط
وان ابتدا فيني ضرب لتنهنهت ،،،، ما كان فارق معي الضرب الي اكلته وما تأثرت فيه قد ما تأثرت لما ابي رفض انه شادي واهله يجو لعنا مع انه امي حاولت كتير تقنعه انه الشب جاي من الباب بس رفض
حالتي الصحية تدهورت وما عاد اكلت ولا شربت ومع هيك ابي قلبه ما حن علي وكان على طول يقلي ( لو بتموتي ما بتاخديه)
بقيت شهر على هالحالة ما احكي مع شادي ولا بعرف عنه شي بس اشتقتله اي اشتقتله كتير
مسكت موبايل امي ورنيت عليه وحكيت معه وخبرته بكل شي وهو طمني انه كل شي رح ينحل بس اصبر
تاني نهار ما سمعت الا صوت ابي بصرخ وبنادي علي
متت من الرعبة رحت لعند ابي كاين مشغل نظام تسجيل بموبايل امي بدون ما اعرف انا وامي وسامع المكالمة كلها الي بيني وبين شادي
وهالمرة ابي قضى علي وضربني اكتر من قبل
فكرت انتحر واقتل حالي لانه هلا لو كان في امل واحد بالمية اتزوج انا وشادي راح
بس رجعت استغفرت ربي وتوضيت وصليت ورفعت ايدي لربنا وقلتله يا رب انت اعلم بحالي
البي ما نسي الموضوع وراح عند شادي عالشغل وكاين يسب ويصرخ عليه وبلشت الامور تتعقد اكتر واكتر
ابي رافض شادي تماما وامه لشادي بعد كل هالمشاكل حلفت يمين على شادي اذا برجع بيحكي معي رح تغضب عليه
بس شادي قلبه ما طاوعه يتركني حتى مع غضب امه بقي يتصل على رفيقتي ريهام ويطمن علي كل فترة
وانا صرت حاكيه من عند ريهام بس المشاكل عم تكبر كل يوم اكتر والامور عم تتخربط
يا الله كيف كنا ووين صرنا
يا الله يا ريت كل العلاقات بتستمر متل البداية
ما اجمل البدايات وما اصعب النهايات
قررت اترك شادي اترك قطعة من قلبي اهون علي من اني ابقى معه وسببله مشاكل اهون علي من اني كون معه وانا بعرف اني ما رح كون اله
صرلي سنة انا وشادي تاركين بعض لقبل اسبوع كان عيد ميلاده دقيت عليه من رقم غريب وما حكيت بقيت ساكتة
شادي( ورد)
ورد( كيف عرفت اني انا )
شادي ( بعرفك من نفسك )
ورد( كنت بدي قلك كل عام وانت بالف خير عقبال مية سنة )
قفلت معه الخط وبكيت بكيت طلعت كل قهر ووجع الايام الي بقلبي
ركيت راسي عالخيط وتذكرت عيد ميلاده قبل سنة لما كنا سوا
شادي ( ايه ورد متى بدي شوفك )
ورد( مممممممم ما بعرف بس هاليومين )
شادي ( لك شو هاليومين معقول ما بدك تشوفيني بكرة )
ورد( بكرة لا ما بقدر )
كان تاني نهار عيد ميلاده وعم يلمحلي عنه وانا عم اعمل حالي مو فهمانة بس انا كنت محضرة ومرتبة كل شي
طلبت الكيكة وحطيت صورته عليها واتفقت مع كافيه يجبو ورد وبلالين واخدت الكيكة عالكافيه ودقيت عليه
اجا لعندي وفرح لما شافني محتفلة فيه
شادي ( عفكرة ما كان في داعي للورد )
ورد( ليش بقا )
شادي( حدا بكون عنده هالورد كله وبيطلع عالورد التاني
انتي الفل والنرجس انت الجوري والزمبق انتي وردي انا )
اااااخ كل هاد هلا ذكرى اشتقتلك يا شادي
اشتقت لخوفك علي
اشتقت لحبك وحبي
اشتقت لتفاصيلك ولكل شي فيك
هاي هي قصتي زعلانة من ابي الي حرم قلبي الحب الي اختاره وزعلانة على حالي لاني ما عدت انا الورد الي كان
ذبل ومستني شادي يسقيه
ادعولي صبايا ربي يجمعني فيه بالحلال
اربعين دعوة من غريب مستجابة ادعو لقلبي يتوفق مع قلبه تحت سقف واحد بالحلال ادعو ربي يحنن قلب ابي وقلب امه لشادي
وربي يجمعكم كلكم باحبابكم