قصة الليلة بعنوان ما وراء الأقنعة بقلم هلا غرابلي

هذه الوصفة مقدمة من قسم المنوعات في زاكي, تابعونا يوميا لتقرؤا قصة جديدة, وننتظر رأيكم في التعليقات.

#ما_وراء_الاقنعة_بقلم_هلاغرابلي
نزلت هالقصة بناء على طلب كتيرمن الأعضاء..لو سمحتوا ارفعوا القصة حتى كل الأعضاء يشوفوا…

الاجزاء: ١/٢/٣/٤/٥

الجزء الأول:
28/4/2008-الساعة11:00مساءا
اعطيت مفاتيح سيارتي لناطور ابو ايمن ليصفا بكراج الفيلا و طلعت على البيت ،كان نهاري متعب و طويل و ختمتو بسهرة انا و رفيقتي تالا ، طلعت بوجهي على غرفتي ،شلحت تيابي و فتت تحممت و بعدا لفيت المنشفة على جسمي و طلعت ، فتحت خزانتي و طلعت قميصي النوم الحرير الاسود ، ومسكت لوشن الجسم بريحة الخزامى و بلشت ادهن جسمي ،فجاة سمعت صوت حركة من برا ،رحت على شباك غرفتي ، القيت نظرة سريعة و ما شفت شي ، فتلت ضهري لارجع على تختي ،فجاة انفتح الباب و طلع قبالي واحد طويل و لابس اسود من فوق لتحت، بلوزة و بنطلون اسود و لابس طقية سودة براسو و ما مبين من وجهو الا عيونو ، وقع قلبي و خفت و رجعت خطوتين لورا و ما عرفت شو بدي اعمل ولا شو بدي احكي ..
مين انت … كيف طلعت لهون..
انا جارتكن ام فادي جاي اشرب عنكن فنجان قهوة….يعني مين انا، ما مبين من شكلي مين انا …
بلشت صرخ و قول حرامي …..حرامي …..و برمت ضهري لافتح الشباك و نادي لناطور بس كان اسرع مني و بلمح البصر مسكلي ايدي و حطن ورا ضهري و حط ايدو التانية على تمي و قرب تمو على داني و قلي ولا نفس بدي اسمع ، خليكي هادية و ساعدينا لنخلص شغلنا بسرعة و منطلع من هون و ما منأذيكي ،بس اذا بدك تعذبينا و تتذاكي عيارك طلقة براسك و خلي ابوكي و امك يترحمو على شبابك …
بلشت ابكي وحسيت حالي رح يغمى علي بس ما قدرت اتحرك ابدا حتى ما توقع المنشفة عن جسمي ، و قبل ما يكمل حكيه ، اجا شب تاني على الغرفة لابس نفس اللبس
… جعفر مين هاي يلي بين ايديك ؟
جعفر: يمكن هاي بنتو التانية ؟؟؟
….على اساس قلنا وفيق انو ما في حدا بالفيلا الا الخدامة و الناطور و كلن بايطاليا …
جعفر: هيك حكى بس شكلو حتى هو ما بيعرف انو في بنت تانية بقيت بالبيت و ما راحت مع اهلا، بس ما في مشكلة بجوز وجودها يخدمنا اكتر ما يضرنا ، شو صار معكن ؟
…كل شي تمام، الخدامة و الناطور ربطناهن و حطيناهن بالمطبخ و شلحنا الناطور تيابو و لبسناهن لصالح و بالنسبة للكاميرات نكسرن الا نتركن؟ …
جعفر: لا اتركن يصورو كل شي حتى بس يرجع من سفرتو السياحية يقعد يتفرج على الفيلم يلي بدنا نعملو اياه ،انت اسبقني للمطبخ و قلو لصالح يفتح عيونو منيح اي حدا اجى يخبرنا فورا ..
…تمام معلم…
جعفر : و هلأ يا شطورة انت ،رح قيم ايدي عن تمك و وقفي بكا و اذا فكرتي ترجعي تصرخي ،شايفة هالمسدس يلي على خصري ،رح فضيه براسك….
دانة: طيب … ممكن تطلع لالبس تيابي بس …
جعفر : لاا ..لاا …ما رح اطلع ، انت ما رح تغيبي عن عيني و لا ثانية ،حتى ما تعمليلك حركة هيك او هيك…
دانة : شو يعني بضل بالمنشفة قدامك..
جعفر: لا رح ابرم ضهري دقيقتن بس و بتكوني لبستي تيابك فين…
دانة:ما بكفوني دقيقتين بس، بعدين شو بدو يعرفني انو ما رح تبرم ضهرك و انا عم غير تيابي ،اطلع من الغرفة انا هيك برتاح اكتر…
جعفر :خدي هاي قميصك يلي بدك تلبسيه و معك دقيقتن بكفوكي و زيادة …شو رايك اجي لبسك انا و بدقيقة وحدة كمان و بالنسبة لطلعة الغرفة ما رح اطلع و حاج تاخدي و تعطي معي لانو نفد صبري و معك دقيقتين اذا ما لبستي فين رح نزلك لتحت بالمنشفة ….
برم ضهرو و لبست تيابي فورا و ركضت على تختي لامسك الموبايل و دق لاهلي و ما لحقت امسك الموبايل بايدي ، هجم علي و سحبو من ايدي و مسكني و قلي مشي قدامي ،دخيل خلفتو لابوكي انا، الذكاء عندك اخديه وراثة من ابوكي و امك النصابين …..يتبع

الجزء التاني :
دانة : شو بدك مني ؟
جعفر : بدي منك تكوني متعاونة معنا …
دانة : اتعاون معكن على شو ، على سرقتنا…
جعفر : ما تسميا سرقة ، سميا استرجاع اموال مسروقة ، يا مهند جيبن للخدامة و الناطور من المطبخ و حطن بالصالون ،القعدة هون اريح و ابرد ،و انتي مشي معي على المطبخ انشالله يكون في شي عنكن بينشرب لانو نشف ريقي…
دانة : انت ما بس واحد حرامي و وقح كمان ،بدك تتفتل بالبيت و كانو البيت بيتك…
جعفر: اممم و انت حلوة و امورة بس لسانك الطويل مخرب جمالك ، رح مرقلك اياها هالمرة بس تاني مرة ما بقا تعيديا و تقول وقح لانو لسا ما شفتي شي من وقاحتي لهلأ و خليكي تمام حتى ما تشوفي شي ما يعجبك ابدا …
دانة : خوفتني على اساس…
جعفر: يا اولاد …هادا براد الا سوبر ماركت، امسكي لقلك معي ، بتشربي بيبسي الا كوكا كولا ….
دانة : سم الهاري …
جعفر : شو حكيتي ما سمعت !
دانة : ولاشي ، ما بشرب شي…
جعفر: في كولا دايت اذا بدك ،بعرفكن انتو البنات بتاكلو الاخضر و اليابس و الصحون و الطاولة و الكراسي و و وقت بدكن تشربو كولا بصير بدكن اياها دايت كرمال ما تنصحو…
دانة : انا ما من هالبنات المفاجيع يلي عم تحكي علين ،كل واحد و مستواه و بيئته..
جعفر : ياييي دخيل مستواكي و مستوى امك انا ، يلي ابوكي جابها من الشارع و من ورا الزبالة و لبسا و عملها بني ادمة ..
دانة: ما تحكي عن مامي هيك اذا بتريد حتى ما اضطر احكي شي يزعجك…
جعفر : انت من جماعة مامي و بابي ،امشي قدامي،ما اتقل دمك،قعدي هون ،مهند تعا ربطلا ايدا ورا ضهرا …
دانة : لا ما تربطلي اياهن ،هاي قاعدة بمحلي و ما رح اتحرك منو ..
جعفر: تعا ربطا ما ترد عليا ،كذابة…
دانة : انا كذابة يا واطي يا حرامي ولله لخليكن تخو بالحبس انت و شلتك الحرامية …
جعفر: و حطلا لاصق على تما و ريحنا من صوتا مياووو ميااووو،صوتك مزعج بيضرب على الراس و حكيك كمان..
دانة: خلص ولله بسكت بس ما تحطلي لاصق لانو انا ولله عندي جيوب بانفي و بتنفس من تمي يعني بختنق اذا حطتلي لاصق…
جعفر: طيب ماشي بس ما تحكي الا لاطلب منك تحكي ،مهند خليك انت هون عندن و انا طالع لفوق ،شو اسمك انت ؟
دانة : اسمي دانة
جعفر : وين صاير مكتبو لابوكي و الخزنة يلي بحط فيها المصاري ؟
دانة : المكتب فوق تالت غرفة على ايدك اليسار و ابي ما عندو خزنة لانو بحط المصاري بحسابو بالبنك …
جعفر : بالله، اولا فيلا طويلة و عريضة و ما فيا خزنة و تانيا انا بعرف و انت بتعرفي انو ابوكي الجربان ما من النوع يلي بحط المصاري بالبنك لانو ما بيثق باي بنك و الحرامي ما بامن على مصاريه الا بجيبتو ،لهيك وين صايرة الخزنة حتى ما ضيع وقتي انا و عم دور عليا …
دانة : قلتلك ما عندو خزنة…
جعفر : و اذا طلعت فوق و دورت و لقيت انو في خزنة شو بدي اعمل فيكي….. شو شفتك سكتي ..
دانة : ما عندو خزنة و اطلع بنفسك اتاكد.
طلع جعفر على الطابق التاني على المكتب و بقي مهند معنا بالصالون ، اطلعت على الخدامة و الناطور كانو قاعدين على الكنبة و نايمين و كنت مطمنة من ناحية الخزنة انو ما رح يلاقيا جعفر ما لانو نحن ما عنا خزنة لانو الخزنة ما مكانا بالمكتب و موجودة بالقبو و الخزنة كبيرة كتير و مقفلة بباس ورد ما حدا بيعرفو الا البابا ،يعني رح يطلعو متل ما فاتو فارغين الايدين ،اطلعت على الشب يلي كان اسمو مهند و بلشت احكي معو ….#بقلم_هلاغرابلي
دانة : انتو بتعرفو للبابا ؟
مهند: …..
دانة:هاييييي عم احكي معك رد
مهند:…..
دانة : كانو اخرس يعني ،طب حركلي براسك اي الا لا
مهند:…..
حاولت حكيه و سايرو لاسحب منو معلومات بس ضل ساكت و ما رد علي ،و انا ناطرة جعفر ليرجع و شوف ملامح وجهو و اشمت فيه، نعست و نمت على الكنباية ،و ما فقت الا على صوتو و هو عم يهزني و يقلي دانة قومي فيقي ،فقت وللوهلة الاولى كنت نسيانة كل شي ، اطلعت فيه وانا متفاجئة
دانة: مين انت ؟.
جعفر: اوووف ولو بنومتك هالساعتين نسيتي كل شي …..
دانة: اي تذكرت فكرتكن كابوس و صحيت منو بس طلع حقيقة ..
و رجعت ابكي ، جاب كرسي و حطو قبالي و قعد و قرب علي ، و قلي اطلعي بعيوني ، كان عيونو كبار مكحلين و عسلي فاتح متل لون الشمس ما شفت اجمل من هيك عيون بحياتي
جعفر : وووين سرحتي …ركزي بيلي بدي قولو و صحصحي معي ….خدي مي و اشربي ….قليلي لشوف ابوكي وين حاطط الخزنة …
دانة: قلتلك ما في خزنة …
سكت شوي و بعدا مسكني من ايدي و قربني عليه و قلي اسمعي علي منيح انا من هون ما طالع قبل ما اخد الشي يلي جاي اخدو ، ابوكي و امك واختك ما رح يرجعو من ايطاليا قبل 10ايام ، يعني بهالعشرة ايام انا مستفضي و قاعدلك و ما متحرك من قبالك قبل ما تقولي وين ابوكي حاطط الخزنة ،و عندي وسائل كتيرةلاتبعا معك و خليكي تحكي بساعة وحدة ما بس عن محل الخزنة و عن سيرتك الذاتية من اول ما خلقتي لوقت ما شفتي طلتي البهية ،يعني مثلا فيني دخلك على الغرفة و ضل اضربك لتحكي و فيني اغتصبك مرة و اتنين و تلاتة و فيني جوعك و عطشك و احرم عيونك من النوم ،شو قررتي ،اي طريقة حبيتي اكتر لبلش فيا يا بنت فادي ؟…
دانة : حرام عليك اعتبرني متل اختك، بترضا حدا يعمل فيها هيك،لك انت شو ما بتخاف ربك ..
جعفر : انا عندي مخافة من ربي بس ابوكي و امك هن يلي ما عند مخافة من ربن ، ابوكي القاشوش يلي بقش على الطالعة و النازلة و يلي عامل حالو دكتور شريف و قد الدنيا بتعرفي انو بشتغل بتجارة اعضاء و بتعرفي انو ناصب على ناس كتير بياخد منن مصاري ليعملن عمليات زرع و بالاخير يا باجلن لسنة و اتنين يا اما بحطلن اعضاء تالفة وغير متطابقة مع جسمن و بتعرفي هالاعضاء من وين بجيبا؟؟ من القبور ….اي ..من القبور….ابوكي بينكبش قبور لياخد اعضاء الميتين و خاصة اذا الميت طازة.. يعني لا الاحياء و لا الاموات خلصو منو و من طمعو و حتى بمجال التجارة موسخ ايديه و اكبر واحد نصاب و غشاش و معامل المرتديلا يلي عندو كلها لحوم فاسدة عم ياخدا بربع سعرا و يعيد تصنيعا و بعلبا و بنزلا على السوق و لا معامل الجبنة يلي خالصة مدتا لك ما تارك شي الا و الو ايد فيه ،وامك ..يلي عاملة حالها انسانية و بتحب الخير و فاتحة جمعية خيرية لتجمع تبرعات لمساعدة المحتاجين و بتاخد نص التبرعات من هون و بتصرفن على لبسا و طلعاتا ،ما بترضى تلبس جاكيت الا يكون جلد و فرو اصلي و ما بتعطي للفقراء يلي عم تاخد باسمن من الجمل الا دانو و لسا عم تقليلي مخافة الله ، انا هون لرجع للناس المعترة يلي ابوكي و امك سرقو منن تحت قناع الانسانية ..يتبع

الجزء التالت:
دانة : كذاب انت واحد كذاب ابي ما هيك و لا امي هيك ما في احن من قلبن ،انت النصاب يلي فايت على بيتناا لتسرق شي ما من حقك….
جعفر : ما من حقي ! هاي سيارتك الفورد اخر موديل يلي حضرتك راكبتيا ، بتعرفي اكام واحد مات و انصب عليه لانت تركبي هيك سيارة يلي هي ما من حقك و حق هالناس الغلبانة…
دانة : حاج تحكي ،ما رح صدقك ، كل حكيك كذب ، لو حكيك صح ما كنت شفت سمعة ابي طيبة بين الناس و الناس بعدا بتجي لعندو …
جعفر : طبعا لانو ابوكي لابس قناع الدكتور الانساني و عم يتعاقد مع مشافي و ما بيشتغل شي بايدو حتى ما يثبت عليه اي تهمة ، ما تنغشي بالاقنعة الظاهرة و ما تشوفينا نحن لابسين قناع الحرامي و تفكرينا شباب سيئة و فلتانة و عم نعمل الحرام و ما منخاف ربنا ، ورا هالاقنعة شباب بتكره الظلم و الاستغلال و عم نحاربو بكل الوسائل الممكنة و ابوكي ما ترك قدامنا الا هالخيار ،بقا احكي وين ابوكي حاطط الخزنة؟
بلشت ابكي و انا ما مصدقة معقول ابي و امي هيك ،ابي يلي بحياتو ما رفضلنا طلب و كان يدللنا و يخاف علينا من النسمة الطايرة ، كان قدوتي ،كان الاب و الزوج المثالي ، كنت شوف حالي فيه قدام رفقاتي ،معقول يكون بهالشكل ما عندو ذرة انسانية و بيعمل كل هالشغلات البشعة و المقرفة ،حاصرتني كل هالافكار و حسيتا اكبر من انو عقلي يستوعبا دفعة وحدة ، مستحيل هيدا واحد كذاب و عم يحاول يوهمني بصورة غلط عن اهلي حتى اتعاون معو …
دانة : انت كذاب و رح ضل قلك هون ما في خزنة هون ما في خزنة …
و قبل ما كفي جملتي ، حسيتو عصب كتير و بلشو عيونو يقدحو شرارة نار و طلع فيني و غمض عيونو ثانية واخد نفس طويل و قلو لمهند وين في غرفة فيا تخت و كاميرا ،قلو في غرفة نوم باخر هالممر كانو مخصصة للضيوف ،اطلعت فيه و قلتلو شو بدك تعمل؟،ما جاوبني وحملني و اخدني عليا و زتني على التخت ، و انا عم صرخ و اضربو و قلو نزلني يا واطي و بعدا شلح بلوزتو و قلي انت ما تركتيلي خيار تاني ، انا ما حابب ائذيكي و ازعجك و دخلك بتخبيصات اهلك بس انت مصرة تكوني الضحية و بلش يفك سحاب بنطلونو ،و انا بلشت ابكي….#بقلم_هلاغرابلي
دانة: شو عم تعمل يا مجنون ..
جعفر: متل ما شايفة ،قلتلك فيني اعمل فيكي شغلات كتيرة و ما حدا بيقدر يخلصك مني و انا حابب بلش بهالشغلة ،خلينا نعلم على ابوكي و نفرجيه بنتو و هي عم تغتصب ،بتمنالو مشاهدة ممتعة …
دانة : لحظة لحظة خلينا نتفاهم و نحكي شوي …
جعفر: النا من مبارح المسا و نحن عم نحكي و طلع الضو علينا و ما حكيتي ولا كلمة ، خلص وقت الحكي و هلأ دور الفعل …
قرب علي و ثبتني على التخت و بلش يشلحني تيابي
دانة : بالقبو ….بالقبو.. الخزنة بالقبو ،بس بعد عني …
جعفر : اي برافو عليكي كنت بعرف من الاول انك رح تحكي بهالطريقة ، على كل حال انا بعتذر و هلأ مشي قدامي على القبو و دليني وين حاطا لهل الخزنة…
دانة: بس فك الحبل عن ايدي لانو صارو يجعوني..
جعفر : لحظة لالبس تيابي بالاول الا عاجبك منظري هيك …
دانة : ..طبعا لا ما عاجبني ..
جعفر : اي معناتا ديري وجهك ليش عم تطلعي …
طلعت فيه و زورتو و درت ضهري و قلتلو ما بس معك دقيقتين معك ساعة كاملة المهم انك تلبس و تريحني من هالمنظر …..
جعفر: اصلا يصحلك…
لبس تيابو و مسكني من ايدي و طلعنا من الغرفة و اخدتو على القبو ، فتحت باب القبو و شغلت الضو و نزلنا
دانة: ليكا هون ،ورا الخزانة هاي بتلاقيا …..
جعفر: امم كبيرة كتير ، شو الباس ورد؟
دانة : ما بعرف ، ما تطلع فيني هيك عنجد ما بعرف…
جعفر: وكيف بدنا نعرف ؟حكي ابوكي و اساليه و قليلو لزمني شوية مصاري و مضطرة علين…
دانة : مصاري شو بدو يلزمني ؟ مصاري اشتراك الجامعة دفعتن من شهرين ،اذا سالني لشو لازمينك بالضبط شو بدي قلو ….
جعفر: قليلو لازمك مصاري لتعبي بنزين سيارتك او لازمك شوية تياب، اتحججي باي شي …
دانة : شو الساعة ؟
جعفر : الساعة 7، هلا بكون نايم ،مشي نطلع نفطر و على الساعة 11بعطيكي موبايلك دقيلو ….
طلعنا على الصالون و قلو جعفر لمهند فك ايديا للخدامة حتى تفوت هي و دانة على المطبخ ليحضرو الفطور و انت خليك مع الناطور و حكي صالح شوف كيف الوضع عندو،شو اسما خدامتكن؟
دانة : ساشا
جعفر: اي حكيا بطريقتك و قليلا تقوم معك تحط فطور لانو جعنا …
دانة : حكيا عربي بتفهم عليك و انا ما بعرف حط فطور ، ساشا هي يلي بتعمل كل شي …
جعفر : اي قومي تعلمي منا و ساعديا،اذا فطور ما بتعرفي تعملي ، شو بتعرفي لكن ،بنات اخر زمن …
دانة : بعرف فوت على بيت و اسرقو ،شباب اخر زمن…
جعفر : عقاب الك على حكيك يلي بلا طعمة بدك تقليلنا عشر بيضات و تفرمي معن بصلتين….
دانة : انت شو مفكر حالك ما فيك تجبرني اعمل شي ما بدي اياه ،قلتلي دليني على محل الخزنة و دليتك و هلا عم تقلي اقلي بيض و بصل و لقدام ما بعرف شو بدك تطلب مني لسا….
جعفر : شو بدك تسوي مجبورة تتحمليني لبين ما نخلص شغل….
دانة: بيض و بصل …بيض و بصل …مستحيل بدمعو عيوني و بتقلب معدتي من ريحتوو بدوخ….
فتت على المطبخ انا و ساشا و ورانا جعفر ،قعد على الكرسي و بلش يتامر علي …
جعفر : افرمي البصل ناعم ….اخفقي البيض و حطيلو بهار ، اي منيح هيك ….ما تحرقي البصل انت و عم تقليه ،يا سوشي اذا عنكن بندورة افرميلنا حبتين …
دانة : اسما ساشا ما سوشي ..سوشي اكلة يابانية
جعفر: بعرف.. بعرف بس انا حبيت دلعا و قلها سوشي يا دندن
دانة : دندن ….معلش ما دلعني انا ….
جعفر: اهلك ليش سموكي دانة !يمكن امك كانت عم تتوحم على معكرونة دانة و هي حامل فيكي هههههه
دانة : و انت امك على شو توحمت وقت كانت حبلة فيك ؟اكيد على بيض ني ؟ لانو بحس بينك و بين البيض علاقة قوية يعني نفس مستوى الزناخة ..
جعفر: لا و حياتك توحمت على عسل …
دانة : واضح ….ساشا تعي كفي عني دخيل الله ، دخت ما بقا قادرة اوقف على رجلي و شم الريحة…
جعفر : يييي شو صرلك!سوشي اتركي شغلك و هاتي مي باردة ، دانة شبك خلص قومي ما بقا بدنا بيض و بصل ، يا مهند ..يا مهند
مهند : اي …ليكني جيت…شبا ..شو صرلا !!
جعفر : مابعرف ، خليك مع هاي سوشي لفوت سطحا على الكنبة ، شكلا عنجد بدوخ من ريحة البيض و البصل ..
مهند: جبلا نص بصلة بتشما و بترجع لوعيا …
جعفر : لك بقلك يا زلمة داخت من ريحة البيض و البصل و انت بتقلي شمما بصلة …
دانة …دانة …قومي
دانة : نفسي عم تلعي …حاسة حالي بدي استفرغ….قلتلك بدوخ من البيض و البصل …
جعفر: انا فكرتك بتمزحي و بدك تتهربي..
دانة : و بعدين يلي بدو يفيق التاني برش عليه انينة مي باردة كاملة ، اوووف ليك كيف صار منظري ،صار لازم بدل تيابي …
جعفر : هلا بس افطر بطلع بجبلك تياب من غرفتك و بتبدلين بالمطبخ ،كيف صرتي ؟
دانة : منيحة..احسن… بس بعد عني شوي لانو ريحة البيض و البصل معقلة بتيابك …
جعفر:طيب، انا مضطر ارجع ربطك حتى ما تتحركي و رح قلا لسوشي تجيب فطورك الك و للناطور ….
دخل جعفر على المطبخ و بعد ربع ساعة هو طلع على غرفتي و مهند رجع على الصالون و جايب معو ساشا يلي كانت جايبتلنا سندويش و عصير ، رجع مهند ربطلا ايديا بالحبل و فك الحبل عننا لنفطر و بعد ما فطرنا فتت غيرت تيابي بالمطبخ و طبعا بوجود جعفر جنبي يلي ما فارقني لحظة وبعدا طلعنا قعدنا بالصالون…يتبع

الجزء الرابع:
دانة : انا نعست كتير و بدي نام ،و من مبارح لهلا ما نمت الا ساعتين…..
جعفر : نامي مين ماسكك بدك اجي غنيلك يعني حتى تنامي !!!!…
دانة : ما اخف دمك ..لا طبعا انا صوتك و انت عم تحكي ما قادرة اتحملو ،بدك لسا تغنيلي ….
جعفر: انا صوتي ما حلو ابدا بالغنى بس صوت مهند كتير حلو ، مهند غنيلنا …
مهند: شو بدي غني ، اغني لفيروز؟
جعفر : لا حرام عليك فيروز بنت عالم و ناس ،غني لهيفاء وهبي ….
مهند: بوس الواوا ..خلي الواوا.يصح.. بقربك خليني.. بحضنك دفيني..

دانة : هههههه خلص ههههه خلص ما بقا قادرة فرطتونا من الضحك ساشا بتعرف بتغني احسن منك بتسلو اكتر من كيلو بزر ،شو رايك تغني غنية الحرامي المهضوم !!انا كنت عم قلك بدي نام حتى تفك الحبل عن ايدي لانو ما بقدر نام هيك و لسا في وقت لتصير الساعة 11 بس خلص هلأ طار النوم من عيوني ،شو في عنكن مواهب لسا ؟بتعرفو ترقصو؟
جعفر : ولله اخدتي وجهي و كترتي ،فعلا انتو البنات ما بتنعطو وجه، اذا بتحبي الرقص كتير ،انت رقصي و مهند بغني و انا بقعد بزقفلكن!!
دانة :لا ما بحب الرقص ، و بعدين شبك بضل تقول انتو البنات و بنات اخر زمن،عم حسك معقد من البنات ،شكلو شي وحدة حبيتا و خانتك حتى صرت بتكره كل البنات و حاقد علين…
جعفر: مين هاي يلي بدا تعرفني و تقدر تخوني ؟مين ما شافني بحبني…
دانة : الا انا ما حبيتك..
جعفر: شعور متبادل و بتفهم الموضوع لانو انتو الاغنيا ما بتحبو الا المصاري لهيك ما بلومك…
دانة : و هاي كمان طلعت حاقد على الاغنيا كمان ،شوفي كمان عندك عقد نفسية …
جعفر: ما عندي ولا عقدة لحمدلله انا انسان متصالح مع نفسي و بعرف شو بدي و كيف اخد يلي بدي اياه بطريقة ما ضر حدا و ما بربي ثروتي على حساب غيري حتى و لو بدي ضل فقير طول العمر ….
دانة : امم..وصلت الفكرة بس انا كل حكيك عن ابي ما اقنعني….
جعفر : على مهلك ما تقتنعي ،عم يرن موبايلك المتصلة تالا ،مين هاي رفيقتك..
دانة : اي رفيقتي ،هات رد عليا…
جعفر : لا ما في داعي تردي ،كلها ساعتين و منخلص و منطلع من هون و وقتا اقعدي احكي معا و لا تنسي تخبريا عننا، هاي سكرت ، يلا خدي حكي ابوكي و رح حطو على السبيكر و اياكي تحكي كلمة هيك او هيك و هاي المسدس براسك..
دانة : طيب …..ما حدا عم يرد…
جعفر : منرجع منحاول مرة تانية..
دانة : ….الو بابا صباح الخير
ابو دانة : صباح النور حبيبتي..
دانة : كيفكن انشالله تكونو مبسوطين بايطاليا…
ابو دانة : اي كتير راح عليكي كتير شغلات لو جيتي معنا ما كنت ندمتي …
دانة : يا ريت لو رحت معكن ، ندمت كتير
اشرلي جعفر بايدو و قلي فوتي بالحديث فورا
دانة : بابا انا لازمني مبلغ مصاري و ما معي اياه لهيك دقتلك بدي تعطيني رقم الباسورد تبع الخزنة ..
ابو دانة : باسورد الخزنة ….ما في داعي بابا لتفتحي الخزنة انا هلأ بحكي عمك ابو فؤاد و هو بيعطيكي المبلغ …
دانة : ما بحب اخد من حدا …
ابو دانة : هادا ما حدا هيدا رفيق ابوكي المقرب و بعدين الخزنة فيا اوراق مهمة و مرتبة و بخاف تشربكي الاوراق ببعصن…
دانة : بابا في رجال حاطة سلاح براسي و بدا تقتلني اذا…
و قبل ما كفي جملتي اخد جعفر الموبايل مني، و ضربني كف و انا بلشت ابكي و سبو
جعفر : معك دقيقة وحدة بس هات الباسورد قبل ما فضي المسدس براسا..
ابو دانة : مين انت …اترك بنتي
جعفر :رح تخلص الدقيقة ..
حط الموبايل على داني و قلي قليلو شو فينا نعمل فيكي
دانة : بابا الله يخليك اعطين الباسورد الن من مبارح المسا هون و حاول واحد منن يغتصبني …
و رجع سحبو و قلو مصير بنتك بايدك ؟ عم اسمعك..
مسك جعفر الشنتاية السودا و نزل فورا على القبو ،و بعدو عم يحكي مع ابي و اشرلو لمهند على اصابعو رقم 2 ، اتصل مهند بصالح و قلو الخطة 2 ، بعد شوي طلع صالح و يلي كمان كان لابس اسود متلن و حامل معو بيدون بنزين و بلش يزت البنزين على الارض و العفش
دانة: شو عم تعمل بدك تحرقنا
صالح : كل شي تمام ،انا سابقكن على الباب خلفي بس زتو عود كبريت قبل ما تطلعو …
مهند : ما تخافو ما رح نحرقكن يلا قدامي انتو التلاتة على الطابق التاني . ..
و نحن عم نطلع على الدرج اجا جعفر و حاطط الشنتا على ضهرو و كان بايدو اوراق ، قلي خدي اقراين منيح لهل الاوراق حتى تقتنعي انو ابوكي واحد نصاب و بعتذر على الكف بس انت خنتي الاتفاق ،قلتلو ولله لردلك هالكف عشرة ،قلي بلا كترة حكي و اطلعو على غرفتك و افتحي الشبابيك و ما تخافو اذا شميتو ريحة حريق ،رح نحرق الطابق السفلي بس و حكينا سيارة الاطفائية بتكون على الطريق هلأ و هو عم يحكي معنا اجت سيارات الشرطة ، و نحن طلعنا لفوق و اختفى جعفر و مهند عن عيونا بلمح البصر بعد ما ولعو النار ….
و بعدا بدقيقة اجت سيارة الاطفائية ،بلشت الاطفائية طفي بالنار و الشرطة وقفت ما قادرة تعمل شي او حتى تقدم خطوة لقدام و بعد ما طفو الحريق ، انفتح الباب علينا و قلولنا طلعو و قلتلن انا بنتو للدكتور فادي و حكتلن بالتفصيل عن كل شي صار معنا من اول ما فاتو الحرامية لوقت ما طلعو ….
المسا وصلو اهلي من ايطاليا و فاتو لعندي حضنوني و صارو يبكو ،و حكتلن كل شي صار معي و مسكت الاوراق يلي اعطاني اياهن جعفر و اعطيتن لابي و قلتلو شو هدول ..الشاب يلي سرقك بيعرف عنك كل شي بيعرف عنك اكتر من اهل بيتك اول ما حكالي ما صدقت و قلتلو انت واحد كذاب ابي انسان شريف و ما عندو هيك دخلات بس وقت قرات الاوراق ما ضل عندي شك و كل شي حكاه مزبوط ،قلي دانة هاي اوراق ما مزبوطة بتصدقي الغريب و بتكذبي ابوكي ،قلتلو انا مابنت صغيرة لحتى ما ميز المزور من الاصلي و بالاخص ميز توقيعك على هيك صفقات تجارية ،ما في داعي لتبرر و تحطط حجج وهمية ما في شي بالدنيا بخليك تكون انسان هيك ،انا مستعدة عيش بالفقر و ما يكون ابي انسان ظالم و بلا رحمة وما عندو مبادئ و مستعد يعمل كل شي كرمال المال ،انت خبصت و انا دفعت التمن ،كان ممكن الشب يقتلني او يغتصبني و يدمر حياتي….. االصورة المثالية يلي كنت اخدتا عنك هلا انهارت ،هلا صرت بخجل انك ابي بعد ما كنت شوف حالي اني بنت الدكتور فادي ،و انت امي كمان ما احسن من ابي عم تاجري بقضية الفقراء و المحتاجين ، قلتلي كذاب ما تصدقيه هيدا واحد عم يشوه سمعتنا ولله لندفعو التمن غالي ، قلتلا بدي قلكن شغلة ال 12ساعة يلي قضيتا معن و الشي يلي شفتو منن اهون علي بمية مرة من انو اعرف انو اهلي طلعو هيك ،انا تعبانة و مالي نفس احكي اكتر و بدي نام …
ابو دانة : وين بدك تنامي بهالخرابة ، رح نروح نقعد بالفندق لبين ما اعمل صيانة للفيلا
ام دانة : ليش ما منطلع على بيت المصيف، فادي معقول نحن نقعد باوتيلات ..
ابو دانة : لازم نضل قريبين على البلد لانو بدنا نتردد على مركز الشرطة حتى نتابع الموضوع اول باول ،لازم نلاقين لك سرقو كل المصاري ما تركو شي و انت دانة هالحكي رح نأجلو لبعدين لانو ما وقتو بدي ما تنسي اي تفصيلة تخلينا نوصلن…
….يتبع

الجزء الخامس:
رحت تاني يوم انا و البابا على مركز الشرطة و رجعو اخدو اقوالي و سحبو تسجيلات الكاميرا من الفيلا و كانو كل شهرين يدقولنا و يستدعونا على المركز لنتعرف على مشتبهين جداد و اذا طلع واحد منن جعفر و عصابتو …
مرت سنة كاملة و ما صار اي شي جديد بهالموضوع و ما قدرت الشرطة تتوصل لجعفر لانو كان شب ذكي و ما ترك وراه ولا دليل او حتى طرف خط يوصلنا الو و ما مر يوم علي نسيت فيه الحادثة ،لمرة كنت انا و رفيقتي تالا بالجامعة و قلتلي شورايك بما انو عنا وقت فاضي نمر على كلية اختي و نقعد بالكافتريا معا شوي لانو قلتلي من الصبح انو عندا وقت فراغ كتير بين المحاضرتين ،قلتلا بروح ما عندي مشكلة ، فتنا على كافتريا كلية التجارة و الاقتصاد و جبنا قهوة و قعدنا و فجاة سمعت صوت ضحكة عالية لشب ،صوت الضحكة مألوفة لداني فتلت وجهي لشوف صاحب هالضحكة و حطت عيني على شاب ،قاعد مع رفقاتو ، هيدا جعفر ، هيدول عيونو لجعفر ،ولله هو ،بقدر ميزن بين عيون كتيرة لانو هن مميزين باللون و الرموش و الحجم و النظرة،فين جاذبية ما لقيتا عند حدا ، حسيت قلبي رح يوقف من الفرحة ،صابتني ضحكة هستيرية ..
تالا: شبك جنيتي شو صار معك حتى عم تضحكي هيك لحالك
دانة : ولاشي شفت شي بضحك كتير ، بانة هيدا الشب يلي قاعد هنيك بتعرفيه شي ، يعني من كليتكن ؟
بانة : قصدك مراد الشب يلي لابس قميص ابيض ..
دانة : اي
بانة : اي بعرفو هيدا اسمو مراد بيدرس تجارة و اقتصاد سنة رابعة ،ليش عم تسالي عجبك يعني؟!
دانة : لا ما لهل الدرجة بس لفتلي نظري من طريقة ضحكتو الغريبة ..
بانة : امم هيدا مدوب قلوب البنات ، هيك البنات بيركضو وراه بس هو ما عاطي وجه لحدا ابدا ،شايف حالو كتير ..
دانة : ليكون بحب وحدة من برا الكلية لهيك ما عاطي عين لحدا؟
بانة : لا ابدا لو بحب وحدة كنت شفتي الكلية كلا انطبلت بهيك خبر و كانو البنات استسلمو و بطلو يلاحقو …
دانة : على شو يعني شايف حالو بقا؟
بانة : على شو؟!! اولا شب حلو و تاني شي من الشباب الاوائل على دفعتو يعني حلو و ذكي و بعدين عندو شعبية كبيرة لانو صوتو حلو و بغني بالحفلات و الرحلات يلي بتنعمل برا الجامعة و رفقاتو يلي معو واحد على الغيتار و التاني على الطبلة يعني عاملين فرقة موسيقية …
دانة :شو اسماءن رفقاتو؟
بانة : ابو البلوزة السودة اسمو نادر و ابو القميص الازرق اسمو عمار…
تالا: ليش عم تسالي كل هالاسئلة؟ شايفتك مهتمة كتير فيه …
دانة : ولو تالا بتعملي من الحبة قبة متل ما بدك مهتمة فيه ،بانة كيف احوالو المادية ؟
بانة : منيحة على حد علمي
دانة : يعني قصدي منيحة عن جديد الا من يوم يومو احوالو منيحة
بانة : لا هيدا هو انا الي 3سنة بالكلية و بعرفو من بعيد و ما تغير فيه شي بس من سنة و نص تقريبا ماتت امو و غاب فترة منيحة و ما بقا شفناه..
دانة : معلش بدي اتغالظ عليكي كيف ماتت امو ؟
بانة : حسب ما سمعت انو كان عندا فشل كلوي يا حرام و بعدين عملت عملية زرع كلية و ما نجحت و ماتت فورا ،ما كتير بعرف التفاصيل بس هيك سمعت …
خبر وفاة امو بهالطريقة صدمني و اتأكدت انو ابي كان الو ايد كبيرة بوفاة امو و عرفت ليش تصرف بهالطريقة و كان قاسي كتير معي لانو كان بوقتا بعدو زعلان على وفاة امو ،ما فكرت ابدا انو ارجع عند ابي و قلو اني انا لقيت العصابة يلي سرقتك او حتى بلغ الشرطة عنن ما بس لانو هن عملو هالشي بهدف انساني و نية شريفة بانو يرجعو المال لاصحابا لانو انا كمان حبيتو لمراد ، كانت حقيقة صعبة علي اني اعترف اني انا حبيت الحرامي يلي فات يسرقنا و يلي حاول يغتصبني و يلي ضربني كف بس انا حبيتو و ما قدرت اتحكم بمشاعري اتجاهو ،خلال هالسنة ما نسيتو ابدا و كانو على طول حكياتو و صوت ضحكتو ترن بداني و احيانا كنت اضحك لحالي وقت اتذكر مواقف مرت علينا و احيانا كنت ابكي لانو فقدت الامل ارجع شوفو مرة تانية و لانو اتورطت و حبيت هالانسان ، صورتو ما كانت تغيب عن بالي ابدا حبيت كل شي فيه كيف بيوقف و كيف بيقعد و كيف بيحكي انا بالمختصر بعشق هالشخص و اتاكدت اكتر وقت شفتو و كانو كنت مضيعة شي و لقيتو اخيراو مستحيل اتركو يضيع مني مرة تانية…
رجعت تاني يوم لحالي على كلية التجارة و الاقتصاد و اخدت برنامج دوام السنة الرابعة حتى اعرف ايمت مراد بيتواجد بالكلية و ايمت بكون بالكافتريا لبلش العب معو لعبة الغموض و التشويق ….
بعد يومين رحت على كليتو و شفتو بالكافتريا ، ما حاولت اظهر قدامو و خليه يشوفني و شفت شب بعمر ال 18سنة بيشتغل بالكافتريا ، قلتلو لو سمحت ممكن حكيك كلمتين ما رح اخد من وقتك كتير ، قلي تفضلي انسة ،قلتلو هاي الف ليرة و بس بدي اياك تروح تعطي هالورقة الصغيرة للشب يلي قاعد بالطاولة رقم 7و لابس بلوزة سودة و اذا سالك مين اعطاك اياها قلو شاب بس ما لحقت احفظ شكلو منيح،قلي ايه تكرمي ،وقفت من بعيد لراقب ملامحو وقت يفتح الورقة و يقرا (what did you do last summer )ماذا فعلت الصيف الماضي؟ ، فتح الورقة و قرأها والتفت يمين و شمال و بعدا اعطاهن لرفقاتو يقرؤها و بعدا نادى للشب و سالو عن صاحب الورقة ، كان واضح على ملامح وجهو انو الورقة شغلت فكرو و بالو و رح ياخدا على محمل الجد و خاصة انو ما في حدا بالعالم ما حاضر فيلم الرعب سكريم ، و بعد يومين رجعت بعتلو طاقية سودة نفس يلي كان لابسة بوجهو يوم حادثة السرقة و جواتا ورقة كتبتلو فيا (اهداء الى جعفر)، كنت حابة ضل العب معو هاللعبة بس هو اختصر الطريق علي فورا و بعد يومين كنت طالعة من كليتي و رايحة لسيارتي و انا عم افتح الباب ،اجا حدا من وراي مسكني بقوة و فتلني لعندو و لزقني بباب السيارة ،خفت كتير و كنت رح صرخ بس وقت شفتو تغيرت ملامحي ..
يتبع…

#ما_وراء_الاقنعة_بقلم_هلاغرابلي
انتهت القصة 👇 👇 👇 
الاجزاء: 6/7/8/9/10/11/12

الجزء السادس: 
دانة : هيدا انت ….بعد عني شوي …عم قول هالدفاشة ما جديدة علي…
مراد : اي قلت بتكوني اشتقتيلا …
دانة : اهلين يا مراد الا جعفر ….
مراد : لا مراد اسمي الحقيقي ، جعفر الاسم الحركي ، اطلعي بالسيارة …
دانة : ههههههه شو بدك تخطفني بسيارتي هالمرة ، الا بدك تسرق السيارة و تزتني بشي محل ….
مراد : بتصدقي ما خطرلي هالفكرة ، شكلك بتحبي الاكشن كتير و حابة اني اخطفك يعني ،ما عندي مشكلة بخطفك بس ما جايب العدة معي. و بعدين سيارتك هاي ما محرزة ليش مبدلتيا شكلكن فقرتو….
دانة : لا ما فقرنا بس هيك بدلتا تغيير شكل …
تركني و لف و طلع من الباب التاني و قلي يلا اطلعي شو ناطرة ، طلعت بالسيارة و انا عم اطلع فيه
مراد: شبك امشي..ليش قاعدة وصافنة فيني ..
دانة : اي ماشية و بوجهي على اقرب مركز شرطة و بدي سلمك ،ببالك انك ذكي و فيك تهرب من عملتك…
مراد : اي سلميني و قليلن هيدا يلي سرقنا هديك السنة و اذا قلولك وين الدليل قليلن ما عندي دليل بقلولك طيب روحي عمو من هون ما فيكي تتهمي حدا بدون دليل ملموس …
دانة : شو بدك مني هلأ !!ليش طلعت بسيارتي اتفضل انزل ..
مراد : انا ما بدي شي ، انت يلي بدك ، انت يلي عم تلاحقيني و تبعتيلي رسائل …
دانة : اي حبيت العب معك و وصلك رسالة اني عرفتك و خوفك شوي ..
مراد : تخوفيني …يلي متلي ما بخاف من شي الا من يلي خلقو …
دانة : انت انسان مستفز كتير و شايف حالك و مغرور و مفكر حالك انك ذكي و ما في حدا بذكائك و انو لعبتك لعبتا بدون ما تترك وراك اي دليل يكمشك و يحطك بالمطرح المناسب …
مراد : اي روقي شوي انا ما معك ابدا بالسطر الاول بس من عند اني انسان ذكي هيدا الحكي مزبوط بس اني مطرحي المناسب بالسجن لا ما معك بهالشي ، هيدا المطرح مناسب لابوكي و امك اكتر …
دانة : اوووووف …ما بقا تجيب سيرة اهلي على لسانك ….عم تستفزني بحكيك كتير …
مراد : طيب ماشي ، بس انت ما تقليلي مطرحك المناسب بالسجن لانو انا لا اراديا لساني بيفلت على اهلك ، هلأ انتو البنات كلكن هيك بتسوقو السيارة ، بتوقع وقت تجي من بيتك لجامعة بتطلعي قبل ب3ساعات ويمكن بتفطري و بتبدلي تيابك على الطريق لانو يا دوبك اصلا توصلي على موعد محاضرتك….
دانة : لا ما لهدرجة بس نحن سواقتنا رايقة ..
مراد : هلا صار يلي ما بعرف يسوق بقول عن سواقتو رايقة …
دانة : شو رايك تجي تعلمني السواقة ؟
مراد : ما عندي مشكلة… صفي هون و انزلي لقلك كيف بسوقو…..
دانة: اي تفضل..
دانة : لاااا ….خفف شوي …انا بخاف من السرعة … عنجد عم احكي خفف شوي اذا بتريد
مراد : على شو بدي خفف ، اصلا انا هيك مخفف لانو بعرف انو البنات بخافو بس انت سواقتك ميتة ،لوين بدك تروحي ؟
دانة : خدني على المقبرة..
مراد: مقبرة !ليش على المقبرة ؟
دانة :بدي زور قبر امك…
مراد: امممم ….قبر امي ….ولله صرتي بتعرفي عني شغلات كتير و بتعرفي كيف ماتت امي و اصلا من ايمت معناتا شايفتيني و عم تلاحقيني؟
دانة : ما عم لاحقك و شفتك بالصدفة و وفاة امك سمعتو بالصدفة كمان ،انا ما من النوع يلي بدخل بخصوصيات الناس و بعرف انو ابي الو ايد بوفاة امك …
مراد : كتير منيح في تقدم معك من سنة لهلأ
دانة : انا علاقتي تغيرت كتير مع اهلي من وقت ما عرفت عنن هالشي لحد اليوم بس هالشي ما بيعني انو اسمح لحدا يغلط علين لانو بضلو اهلي و يا ريت تحسن شوي طريقة حكيك معي ….
مراد: طيب بس هالشي بيرجع الك لتتحسن بالاول طريقة حكيك معي و تقيمي من راسك اني انسان حرامي و سيئ …
دانة : بحاول بس يلي شفتو منك بهيداك اليوم ما بينسى بسهولة ..
مراد : ليش شو عملتلك انا ؟ما اذيتك و لا ضريتك ؟ ويلي عملتو كنت مضطر اعملو و ما تفكري ابدا انو كان ممكن انو اغتصبك لانو انا ما من النوع يلي بيقدر يقرب على اي بنت لياخد رغبتو و بس …
دانة : شو قصدك ؟ يعني انا بنت ما حلوة و ما فيني شي مغري …
مراد: هههههههههه …الي زمان ما ضحكت هيك ضحكة من قلبي ،لك انت كيف بتفكري!!، يعني لا ان غتصبتك خالص و لا ان ما اغتصبتك خالص معك ،انا كان قصدي انو انا ما بقدر قرب على بنت ما بحبا…
دانة: يعني انت بتكرهني؟
مراد : اوووف ما قدرت وصلك الفكرة لهلأ ، انا ما بكرهك و ما بحبك ، يعني بالمختصر انا ما بنام الا مع البنت يلي بحبا و بعشقا يعني مع مرتي حصرا ، انشالله تكوني فهمتي هلأ..
دانة : امم فهمت
مراد : وصلنا نزلي
فتنا على المقبرة و قرانا الفاتحة عن روح امو لمراد و قلتلو الله يرحما اكيد تعذبت كتير قبل ما تموت ،قلي اي كتير بس انشالله كلو بميزان حسناتا سالتو انت كل اديش بتزور قبر امك ، قلي كل اسبوع مرة بجي بقعد ساعة تقريباحكيلا كل شي صار معي خلال الاسبوع ،راحت و اخدت كل شي حلو بحياتي اخدت الضحكة و الفرح معا ،كانت الام المثالية بعد وفاة ابي ما رضيت تتزوج و فضلت تتفرغ النا و تربينا ،حسيتو عم يحكي عن امو و قلبو محروق عليا ،ما عرفت كيف بدي واسيه و انا حاسة بالذنب و الخجل اني انا بنتو للدكتور فادي ،طلعنا من المقبرة و حسيتو انو مزاج تغيرر و صار كئيب و ضل ساكت لانا بلشت احكي معو
دانة : انت عندك شي محاضرة هلأ ؟ يعني بتحب رجعك على الجامعة الا عندك وقت فراغ لسا؟
مراد : ليش عم تسالي ؟ ناوية تاخديني لمحل تاني يعني ؟
دانة : اي ما انا يلي بدي اخدك انت يلي بدك تاخدني ، في كف ضربتني اياه من سنة و اذا حابب سامحك عليه ، لازم تعوضني عنو
مراد : اي صح معك حق رح اخدك على منطقة حلوة انا بحب روح عليا كتير

الجزء السابع:
دانة : على فكرة انت كذبت علي بشغلة ..
مراد : شو هالشغلة ؟
دانة : قلتلي صوتك ما حلو و صوت رفيقك احلى و بعدين طلع اانو صوتك انت الحلو ،و بتغني كمان بحفلات…
مراد : اي صح هيك بقولو صوتي حلو …
دانة : سمعني لاحكم …
مراد:احم احم ….بدي شوفك كل يوم يا حبيبي و ما تغيب عني ولا يوم يا حبيبي
و اتسلم علي يا حبيبي ع بكرة و عشية
و خبيك بعيني يا حبيبي
يا وردة مقطوفة من اجمل بستان بتوعد و ما بتوفي يا قمر الزمان
و بتعرفني بحبك قد البحر بحبك و ما تعطيني قلبك يا حبيبي….
دانة : جد صوتك كتير حلو و كلو احساس وبالنسبة للغنية خلص ماشي رح شوفك كل يوم ههههه …
مراد:هههههههه طيب دورك انت هلا سمعيني صوتك بلكي كمان طلع صوتك حلو و انت ما بتعرفي بلكي عملنا دويتو مع بعض هههههه
دانة : اوك ماشي بس انا غير مسؤولة عن الاضرار …
مراد: هاتي لنشوف
دانة : جوايا ليك احساس بيكبر كل يوم
العين تنام و القلب عمرو ما جالو نوم
من كتر شوقي و لهفتي شايل هموم
ارتحتلك احساس غريب بحسو لما ببصلك و بحنلك لو حتى جنب حضن قلبي بحنلك
سلمتلك اغلى ما عندي حتى قلبي فتحتلك..
شو رايك بنفع غني بالحفلات ؟
مراد: بتنفعي كتير و خاصة اذا كان عدد الحضور كبير و بدنا نخفف منو وقتا منبعتلك تجي تعملي وصلة غنائية …
دانة: خلص وصلت الفكرة ..
مراد : وصلنا… نزلي لنشوف يا اليسا النشاذ
دانة : على البحر انا بحب البحر كتير
مراد : و هو بحبك كمان ….هاتي ايدك …
دانة: بدنا نطلع لفوق ،الصخرة كتير عالية و بتخوف
مراد : القعدة فوق بتستاهل صدقيني ، بتحسي حالك معزولة عن كل هالعالم و البحر كلو قدامك و خاصة هلا وقت تغيب الشمس رح تشوفي منظر حلو كتير
دانة : و بلكي تفشكلت و وقعت بموت قبل ما اعطس …
مراد : لا المسافة منيحة لتحت اطمني بتلحقي تعطسي قبل ما تموتي …
دانة : ما ابيخك …
مراد : لك هاتي ايدك ما تخافي انت و معي …
دانة : لا اذا هيك ريحتني كتير …
طلعنا على الصخرة و انا ماسكة ايدو و ما شفت احلى من هيك منظر بحياتي ، كنت روح كتير على البحر و شوف منظر الغروب بس ولا مرة كان منظر الغروب هالقد حلو و مميز يمكن لاني عم شوفو من موقع عالي و مميز او يمكن لانو كنت برفقة هالشب يلي سيطر على عقلي و تفكيري ، انا و هو و البحر تمنيت الوقت ما يمضي بسرعة
مراد : شايف البحر شو كبير كبر البحر بحبك …
دانة : يلا بقا قلنالو صوتك حلو و ما بقا نهديه …
مراد: هههه الناس بتدفع مصاري لتسمع صوتي و انت صححلك تسمعيه ببلاش و معترضة على الموضوع …
دانة : ما بتفكر تصيرر مطرب مشهور؟!
مراد : لا ابدا ،الغناء عندي هواية بس مو اكتر و ما حابب يكون مصدر رزق الي لانو حابب اشتغل بشهادتي ، بس هلا باخد احيانا مصاري على الحفلات يلي بعملا و بصرفا على تكاليف دراستي من كتب و مصروف شخصي و هيك شغلات
دانة : اممم هلا المصاري يلي سرقتن …عفوا قصدي يلي اخدتن من الخزنة وين رحت فين ؟
مراد : قسم منن صرفتو على سهراتي و قماري و القسم التاني عملت فيه سياحة حول العالم و كمان اشتريت سيارة اخر موديل ليكيا هنيك صفيتا …
دانة : يالله منك …كل شي بتاخدو مسخرة..عنجد عم احكي بعرف انو ما روحتن على هيك امور بس حابة اعرف التفاصيل..
مراد : في ناس كتير كان ابوكي ناصب علين و هنن باعو كل شي معن ليامنو المبلغ كرمال العمليات يلي وعدن ابوكي فين ،ببساطة رجعتلن حقن و تبرعت بالباقي لجمعيات خيرية للفقراء و الايتام و المرضى و لو اخدت شي منن الي كنت لاحظتي هالشي علي فورا …
دانة : بعرف ما كان قصدي هيك …شكرا على التوضيح، هلا بدي اسالك كيف الك قلب تمسك سلاح و تحطو براسي ما خفت انو تقتلني بالغلط ؟؟؟
مراد: ههههههههه صدقتي انو يلي معي سلاح حقيقي ،عنجد انت بنت طيوبة كتير ،هيدا مسدس ابو ال 200ليرة اشترينا من البسطات و بينحط فيه حبات صغيرة بيلعبو فيه الاولاد الصغار …
دانة : عنجد!!
مراد : اي طبعا السلاح الحقيقي سعرو غالي و بدو ترخيص و ما اي حدا بيقدر يحملو ….
قعدنا ساعة و بعدا نزلنا وا وصلتو على شارع قريب على بيتو و اناتابعت على بيتي ،كنت طايرة من الفرح ، وصلت على البيت و طلعت على غرفتي ووزتيت حالي على تختي و بعدا قمت و صرت نط على التخت من فرحتي و اضحك و غني ، اجت اختي على صوتي و قلتلي شبك جنيتي ،قلتلا انا مبسوووطة كتير اليوم ما يمكن اقدر نام من فرحتي،تعي ارقصي معي ،قلتلي ارقصي لحالك مجنونة و طلعت و سكرت الباب وراها و انا بقيت عم احتفل مع حالي،كان احلى يوم بحياتي و ما توقعت الامور تطور بيني و بين مراد بهالسرعة و بهالطريقة الحلوة ….
تاني يوم دقتلو و مريت على كليتو اخدتو و قلتلو اليوم المشوار على كيفي و انا كنت محضرتلو مقلب مرتب ،كنت حابة عيشو شوي الجو يلي عيشني اياه من سنة ….يتبع

الجزء التامن:
مراد : لوين اخدتيني؟
دانة : الطريق طويل شوي لسا …
مراد : كانو عم نطلع برا البلد…
دانة : اي على الريف ، في احلى من الريف و طبيعة الريف الخضراء..
مراد : لا ما في ،رح حط اغاني شو بتحبي تسمعي ؟
دانة : ما بتفرق على ذوقك ، في CDلوائل كفوري اذا بتحبو..
مراد : اي ماشي حالو …
بعد ساعة وصلنا و قلتلو يلا انزل وصلنا
مراد : حلو …كانو غابة …الشجر فيا عالي ،ما جاي على هيك منطقة من قبل….
دانة : اي حلوة كتير و في نهر لقدام …مشي لقدام …
مشينا انا و مراد بالغابة و تركتو يمشي قدامي و انا تباطئت بالحركة و وقت فتل راسو ليشوفني وين وصلت ، شافني واقفة وراه و مصوبة مسدس باتجاهو
دانة : شو ببالك ليش جايبتك لهون ، لمشورك و شممك الهوا ، بدي صفي حسابي معك ، اوعى تكون فكرت اني نسيت شو عملت فيني و الخوف يلي عيشتني اياه هديك الليلة ،ارفع ايديك لفوق …
اطلع فيني مصدوم و رفع ايديه لفوق
مراد : انا توقعت انو بلشنا صفحة جديدة ..
دانة : طبعا لا اا ، سنة كاملة ما عرفت طعم النوم و الراحة ،كنت كل ما غمض عيوني اتخيل حدا عم يضربني و حاطط مسدس براسي ،و هلا اجتني الفرصة لعندي لاقتلك بايدي ، عندك شي بدك تحكيه قبل ما اقتلك ؟
مراد : يعني خلص مصممة بدك تقتليني ،قرار نهائي ما في استعانة بصديق؟؟
دانة : قرار نهائي يا مهضوم و يبقى خلي خفة دمك تنفعك ..
مراد : طيب ماشي اقتليني بس قبل ما تقتليني ،بدي قلك كلمتين بس …
(اكيد رح يقلي انو انا حبيتك )و هيدا يلي كنت ناطرة اسمعو منو ….
دانة : تفضل احكي عم اسمعك..
مراد : قيمي اللزقة الفضية تعيت صنع في الصين عن المسدس يا ذكية ههههههه …. هههههه… لا و عاملة فيها جو و عايشة الدور و جايبتني من اخر الدنيا لهون لتقتلني بمسدس اولاد صغار ،عرفتي تعبيه حبات ملونة ولا بجي بعلمك؟
انا احمر وجهي من الخجلة و اطلعت بالمسدس … كيف ما انتبهت قيم اللزقة وقت اشتريتو من البسطة
دانة : يالله ما اغباني ،يا فرحة ما تمت …
قرب علي ولفني وبعد شعراتي عن وجهي وحط ايديه على ايدي و رفعن و صوبن على الشجرة و قلي اول شي ما هيك بحملو مسدس ، انا صح فتت على بيتكن بمسدس مزور بس بعرف بالاسلحة لاني خدمت عسكرية قبل ما فوت على الجامعة ، و المسدس الاصلي بكون وزنو تقيل يعني انت البنت لازم تمسكيه بايديكي الاتنين ما بايد وحدة و عم يلعب بايدك يمين و شمال يعني انا كنت كاشفك من الاول بس قلت سايرها يا شب لشوف شو بدا تعمل بس ما قدرت امسك حالي للاخر …
حسيت حالي رح دوب على الاخر و اوقع بارضي و كانو ما ضل هوا بالجو الا نفسو و ريحة عطرو ، كنت رح قلو بعد عني دوختني فيك بس ضغطت على حالي و قلتلو طيب ، بعد عني و قيم ايديك عني ، يلي بدو يعلم التاني ما بيلفو هاللفة …
مراد : عفوا ، ما انتبهت ..
دانة : كنت حابة اعمل مقلب فيك بس ما نجح للاسف ، خلينا نرجع لانو بدنا وقت لنوصل على البلد….
طلعنا بالسيارة و قلي انا رح سوق عنك ،انت ارتاحي اكيد بتكوني تعبتي بطريق الجية لهون ، و على الطريق نمت و بس وصلنا فيقني مراد و قلي يلا تعي اقعدي محلي انا رح انزل هون
دانة : ما بالعادة بتنزل هون …
مراد : مواعد بنت خالتي بالكافتريا يلي بهالشارع
دانة : بنت خالتك !!! شو عمرا ؟
مراد : 23سنة
دانة : اممم ماشي سلم عليا
تركني و راح و انا عم اتصارع مع افكاري مين هاي بنت خالتو يلي طلعتلي هلأ ، معقول بحبا و بتحبو ، رجعت على البيت و انا مزعوجة و قلت ما رح دقلو بس ما قدرت اصبر اكتر من ساعة
دانة : الو كيفك
مراد : اهلين دانة لحقتي تشتاقيلي
دانة : لا بس كنت بدي اسالك المسدس وين حطيتو
مراد : ما بعرف ضل معك شو بدك فيه ؟
دانة : ولاشي حتى ما يضل بسيارة و يلي يطلع معي يفكرو حقيقي و يخاف ، انت وينك ؟
مراد : راجع على البيت
دانة : اممم يعني ما مع بنت خالتك قلتلي بدك تقعد معا
مراد : اي قعدنا نص ساعة و وصلتا على بيتا و راجع هلأ
دانة : طيب ماشي هلا بدور عليه منيح باي
سكرت و رجعت للتفكير و انا عم فكر دقتلي رفيقتي تالا لتعزمني على عرس اختا شذى الكبيرة و قلتلي تعي اوعى تفكري ما تجي بعدمك ها ،سكرت الخط معا و لمعت الفكرة براسي و رجعت دقتلا فورا
دانة: وليه العرس مختلط اكيد
تالا : اي ليش عم تسالي
دانة : لانو ما رح اجي لحالي متل الهبلة ، بدي جيب معي شخص..
تالا : مين هالشخص ؟
دانة : طيب رح قلك بس ما تبلشي تحقيق معي ، بحكيلك كل شي بالتفصيل بعدين ،بدي جيب مراد..
تالا : مراد! مين مراد ! ااه مراد ما غيرو يلي بكلية اختي بانة !وليه ايمت لحقتي تتعرفي عليه ؟
دانة : قصة طويلة بعدين بحكيلك المهم رح ابعتلك اسمو و كنيتو حتى تكتبين على كرت الدعوى لانو مستحيل يروح بلا عزيمة رسمية شو قلتي؟
تالا : لاسال العروس بالاول ؟لانو بضل شب غريب
دانة : يلا بقا ما تعملي منا قضية ،على اساس انتو فري مايند و ما كتير بدققو، قليلا انو بكون ابن خالتي وما حلوة الكل جاي كوبل الا انا ، و نبهي على بانة ما تغلط شي ، و اذا ما اجى مراد معي ما رح اجي هاي عم قلك من هلا..
تالا : يبعتلك الهنا ما اقواكي و رتبتي كل شي فورا طيب بشوف و بردلك خبر…
دانة : حبابة زبطيا و رديلي خبر حتى جهز حالي…
يتبع…

الجزء التاسع:
دقتلي رفيقتي تالا المسا و قلتلي مشي الحال بس بتقلك بانة بشرط انو يغني مراد كام غنية بالعرس ،قلتلا موافقة يلا سكري لحكيه و اعزمو ،سكرت الخط مع تالا و دقتلو فورا
دانة : الو مسالخير
مراد : مسالنور
دانة :دقتلك لقلك انت معزوم على عرس بعد بكرا…
مراد : عرس!عرس مين !عرسك ؟
دانة : اي عرسي
مراد : ولله و مين العريس سعيد الحظ؟
دانة : لسا ما اجا سعيد الحظ عرس اختا لرفيقتي
مراد : اختا لرفيقتك و انا شو دخلني لانعزم
دانة : انت انعزمت على انك ابن خالتي و صراحة انا ما حابة روح لحالي و خاصة الوقت بالرجعة رح يكون متأخر و العرس مختلط يعني كل يلي جاي كوبل ….
مراد : يعني اخديني بودي كارد معك الا لانو ما لقيتي شب يروح معك ؟
دانة : لا ولو ليش هيك فهمتا ،انا حابة تروح معي و بس
مراد : اي قولي هيك من الاول ،قولي انك بتحبي رفقتي و خلص ….طيب بروح و امري لله
سكرت الخط مع مراد و رحت نمت لانو تاني يوم رح يكون كلو مليان بالتجهيزات للعرس ،فقت تاني يوم و رحت اناو اختي على السوق و اشتريت فستان لعرس شذى و شوية اكسسورات و رجعت لعند تالا حتى اخد كرت الدعوة تبع مراد و قعدت عندا و حكتلا كل شي و انو مراد هو نفسو الحرامي يلي فات عنا هديك الليلة، و رجعت على البيت و بلشت بالماسكات و الكريمات و انعجقت كانو العرس عرسي و اجا يوم العرس ، دقيت للكوافيرة و اجت حطتلي ميك اب ناعم و لبست فستاني الاحمر و نزلت من البيت و حكيتو لمراد اني خلصت و رح مر اخدو، صفيت السيارة و اشرتلو من بعيد
مراد : مسالخير
دانة : مسالنور الي ساعة عم اشرلك بايدي
مراد : اي ما عرفتك ،كتير طالعة حلوة
دانة : تسلم عيونك الحلوين ، انت طالع جنتل
مراد : ….. ….
دانة : شبك ساكت ما على طبيعتك…
مراد: ما ملاحظة انو فستانك اوفر كتير..
دانة : شو يعني ؟ما فهمت قصدك ؟من اي ناحية اوفر ؟
مراد : يعني ضيق على جسمك و مكشوف من الصدر شوي …
دانة : اي و اذا ضيق و مكشوف ،عادي
مراد : عادي عادي انا شو دخلني صحي حتى احكي بهالطريقة معك …
دانة : ما حلو يعني ؟
مراد : حلو بس ما لعرس مختلط ،يعني هلأ بدي فوت معك على الصالة و ما رح يضل شب ما يطلع عليكي و لاتنسي انا ابن خالتك قدامن و انا ما برضى بنت خالتي تطلع بهيك فستان…
دانة : اه يعني بدي احرجك …
مراد : اي رح تحرجيني ، ما جايبة معك شال
دانة : اي جايبة بس مو لحطو بالعرس ، بحطو بس اطلع من العرس ….
مراد : اي اعطيني اياه شوي و صفي السيارة..
صفيت السيارة و اعطيتو الشال ، قرب و لف الشال علي و قلي هيك احسن بشوي من قبل ،و ما تقيميه لا بالعرس و لا بعدو ، وصلنا على العرس و نزلنا على الصالة و قعدنا ..
مراد : ليكي العروس صابغة اشقر متل ما توقعت ،يعني ليش انتو البنات بتفاجئو العريس و بتصبغو اشقر و كانو من الطقوس و العادات هالشغلة ، ولله حلو الوحدة ضل على طبيعتا و هالاشقر المبتذل بشع كتير…
دانة: صح و انا معك بهالحكي بكرا انشالله انا ما رح اصبغ اشقر بعرسي…
مراد : هو انت يجي عريس الهنا و ما منختلف اصبغي وقتا فستقي و فوسفوري هههه…
دانة : ليش بتحسسني اني ما حلوة و مرغوبة …
مراد : انا !شبك عم امزح !انت حلوة بس نكدة…
دانة : نكدة ، هيدي يلي طلع معك ،انا نكدة
مراد : ههههه شفتي كيف نكدة و يمكن هلا تقعدي طول العرس و انت منكدة بس لانو قلتلك انت نكدة
دانة : لا ما نكدة و حتى اثبتلك قوم نرقص يلا
مراد : ما بعرف ارقص كتير ، بجوز فشكلك انا و عم ارقص معك
دانة: بتعرف تغني و ما بتعرف ترقص …يلا قوم ولو هاي الغنية بحبا كتير
مراد : قايم بس تصطفلي هاي انا قلتلك ما بعرف ارقص
قمت رقصت انا و مراد و بعدا قلتلو ارجع على الطاولة انا رايحة مشوار و راجعة ، رحت عند تالا و قلتلا شو مشان مراد بدو يغني ، خلين ينادو اسمو على الميكريفون باسم النجم اللامع مراد ، انا ما خبرتو انو بدو يغني تاركتلو اياها مفاجئة ، و رجعت على الطاولة ، و وقت جيت شفت بانة قاعدة معو ، كان نفسي امسكا من شعرا وقيما من وجهو لانو بعرف انا معجبة فيه ،استغلت غيابي و اجت تاخد و تعطي معو ، رجعت قعدت جنبو و قربت اسمع شو عم يحكو مع بعض و كانت عم تقلو اي هاي المادة صعبة كتير ، كل المواد بكفة و هاي بكفة تانية ، لهيك بكون ممنونتك اذا بتشرحلي اياها لانو ما عم افهما من الدكتور ،و انا سمعت قلتلو اعطيني رقم موبايلك حتى نتفق وين نتلاقى و جنيت و قمت من كرسيي بعصبية و رحت لزبط مكياجي و رجعت قلتلا بانة بدا اياكي تالا قومي حكيا ،قلتلي يلا قايمة ، و اخيرا قامت ،قعدت و قلتلو شو بدا منك ؟ ، قلي بدا اياني اشرحلا مادة ، قلتلو اييييه و انت بدك تشرحلا ، قلي اي طبعا ما حلوة لانو وعدتا و بضل من طرفك ، قلتلو طيب ، قلي كانو سمعت اسمي ، قلتلو صح عم ينادولك لتغني ، قلي ليش مين قلن اني انا بغني ، قلتلو انا يلا قوم سمعنا صوتك ،كنت عاملتلك اياها مفاجئة ،قام رجعت بانة و قلتلو يلا مراد قوم الناس ناطرة تسمع صوتك ، قام مراد و راح على ستيج الغناء و بعد شوي بلش باول اغنية و كانت قومي تنرقص يا صبية ،كنت عم اطلع فيه و ابتسم و هو يطلع فيني و يتحلفلي ..
قربت بانة علي و قلتلي شو في بينك و بينو ، قلتلا في كل شي و ضحكت
بانة:جد شو في بينك و بينو
دانة : منحب بعض كتير
بانة : ايمت لحقتو تتعرفو على بعض و من فترة سالتيني عليه
دانة: قصة طويلة ما الي خلق احكيلك اياها هلأ و انت تركتي كل شباب كليتك و جاي لعندو ليشرحلك هالمادة
بانة :شوو قصدك يعني ؟
دانة: قصدي واضح
بانة : قصدك انو انا بدي اياه يشرحلي هالمادة كرمال حاطة عيني عليه
دانة : ما في تفسير غير هيك ، انا بعرف انك معجبة فيه بس ما تحاولي معو لانو هو بحبني
بانة : ما واضح انو بحبك ، شكلك انت يلي عم تركضي وراه
دانة : انا ، فشرتي وحدة متلك بتركض ورا شاب مو انا
و بلشنا نتخانق انا و بانة و عليت اصواتنا و ضربتني كف و رجعت ردتلا الكف و التمو الناس علينا و ترك مراد الستيج و اجا ركض يفك بيناتنا و هو ما عارف شو القصة و بعدين مسكني من ايدي و طلعني برا الصالة
مراد : بوجهك على السيارة فورا ، شو هالبهدلة هاي ، عرس محترم و صبايا واعين على اساس ، على شو علقتو و انبحتو على بعض هالبحتة؟
دانة: هي استفزتني ، انو ليش لابسة الشال فوق فستاني قلتلا ما دخلك و خليكي بفستانك و بحالك
مراد : علقتو كرمال هالسبب التافه
دانة : اي تافه كتير
….يتبع

الجزء العاشر:
مراد : رح رجعك على البيت
دانة : لا شو على البيت ، هلأ اهلي بسالوني ليش راجعة بكير و انا ما بدي قلن عن المشكلة
مراد : وين لكن بدك تروحي ، و انت لابسة هيك فستان؟
دانة : رح ابقى بالسيارة و انت افتل شوي بالشارع لنضيع وقت ،عم تتصل تالا..
مراد : ردي عليا
دانة: الو اي تالا
تاالا: معقول انتي هيك انا عزمتك على عرس اختي بتقومي بتعلقي مع اختي و بتلمو ناس عليكن و بتخربيلي جو العرس
دانة: اختك هي يلي بلشت ، و بتعرف حالها و هلأ ليش عم دقيلي ،حابة نرجع نكمل المشكلة معك يعني ؟

تالا: لا ابدا بس انت لا رفيقتي و لا بقا بعرفك من يوم و رايح…
دانة :اي بالناقص ، بس العيب على اختك الخبيثة يلي بدا تسرق اغراض غيرا و يلا الله معك
مراد : علقتي مع رفيقتك تالا ، انت كتير مشكلجية، كلو كرمال الشال قامت هالمعارك…
دانة : مراد خلص بقا لسا كل شوي انت نكدة و انت مشكلجية و انت ما بعرف شو
مراد: انت شبك ما بينحكى معك ابدا و على كل كلمة بدققي و بتعملي منا قصة
دانة: انا ما بدقق و لو بدي دقق ما كنت شفتني معك هلا ،بس انت ما عاجبك شي و شايف حالك توب و انسان مثالي و انا كل عيوب الدنيا فيني…
مراد : انا هيك طلعت هلأ ، مو الحق عليكي ،الحق علي انا يلي عم ضيع وقتي معك،اصلا ليش موجود معك انا هلأ
دانة:صحي ليش!تفضل انزل من السيارة
مراد :رح انزل بس لوصلك بالاول على بيتك
دانة : ما في داعي انا بروح لحالي
مراد : طيب على راحتك
نزل مراد من السيارة و بدون حتى ما يلتفت علي تابع طريقو و انا دورت السيارة و مشيت ، كانت ليلة سيئة دخلت الامور ببعضا ، ما توقعت الامور تصير هيك ، رجعت على البيت و غيرت تيابي و تحممت ومسكت موبايلي كذا مرة لدق لمراد لاعتذر منه بس كنت غير رايي باخر لحظة و قول ما انا الغلطانة ، هو الغلطان و هو يلي لازم يتصل و يعتذر ….
تاني يوم ما رحت على الجامعة و بقيت بغرفتي و وموبايلي ما نزل من ايدي و ناطرة ليتصل مراد و الساعة 2 الضهر، سمعت صوت بابا عم يقول وينا دانة ، قلتلو ساشا هي بغرفتا ،سمعت صوت خطواتو طالع لعندي و كانو عم يركض و هو ما بالعادة بيجي بهالوقت ، فتح الباب علي حتى بدون ما يدق و اجى لعندي و ضربني كف
ابو دانة: عم تحبي و تتمعشقي الشب يلي سرق ابوكي ، لك انت شو ، انا هيك ربيتك ، ليش ما جيتي قلتيلي انك شفتيه و عرفتيه ، ليش خبيتي علي ،عاطيكي الثقة و الحرية و بالاخير هيك بتعملي فينا
انا وقفت مصدومة وما عارفة شو احكي ، كيف ابي عرف بمراد و مين خبرو بكل هالتفاصيل، اخد الموبايل من ايدي و قلي اسمعي ما بقا الك طلعة لمحل برا البيت و موبايلك انسيه و سيارتك رح اسحبا منك لانك ما بتستاهلي و بالنسبة للاذعر مراد صار بالحبس و ولله لربيه و خليه يعفن بالسجون و اعرفو مع مين علقان ما بس سرق كل شي معي و لفيان على بنتي هلأ ، بنتي الهبلة يلي باعت اخلاقا و مبادئا كرمال واحد حرامي و اعملي حسابك بدك تنزلي على مركز الشرطة بكرا تأكدي انو هو الشخص يلي سرقنا و بعد ما خلص كل الحكي يلي انا ما همني منو الا مراد انحبس و اكيد فكر اني انا يلي بلغت عنو بعد ما علقنا مبارح ، طلع من غرفتي و نبه على امي و ساشا ما تخليني اطلع لمحل ، بكيت كتير على مراد ، شو بكون عم يعمل هلأ ، بس ما في غيرا هي يلي خبرت ابي ، اكيد تالا خبرت اختا بانة و بانة حتى تقهرني و تبعدني عن مراد اتصلت بابي و خبرتو كل شي ،دقتلا من التلفون الارضي و بهدلتا و سكرت الخط بوجهي قبل ما خلص حكيي معا ، قعدت طول نهاري بغرفتي انا و عم ابكي و امي و اختي فاتو عندي بهدلوني شوي و طلعو و انا كل حكين ما كنت مركزة معو كان كل عقلي و تفكيري مع مراد ، حاولت اطلع من البيت و روح على مركز الشرطة بس ما خلتني امي و قفلت الباب علي و قلتلي ليجي ابوكي اقعدي تفاهمي معو……
رجع ابي المسا على البيت و طلع على مكتبه ،فتت لعندو
ابو دانة: شو جابك لهون ، ما حابب شوفك قدامي هالفترة
دانة : بدي احكي معك
ابو دانة : ما تقليلي بدك تحكي معي كرمال هالاذعر الحرامي يلي بلا شرف
دانة : ما تحكي عنو هيك
ابو دانة :عم توقفي معو على ابوكي
دانة : انا واقفة مع الحق ،هو انسان كويس و ما سرق المصاري لجيبتو ، سرقن و رجعن لصحابن ، و بعدين هالشب انت قتلتلو امو
ابو دانة : دانة روحي من وجهي انا مصدوم فيكي
فتح درج المكتب و طلع CDو زتو بوجهي
ابو دانة : ارجعي اتفرجي على الCDشكلك نسيتي شو عمل فيكي هديك الليلة ضربك و حاول يغتصبك و ربطك ، و لسا بتقولي عنو كويس
دانة : اي كويس ما اذاني و ما اذى حدا و ما نصب على ناس وقتل مرضى و ما نكش قبور لياخد اعضاء ميتين و لا نزل على السوق بضاعة فاسدة ، احسن منك هو
و قبل ما خلص حكيي ، اصفر وجهو لابي و داق نفسو ، ركضت لعندو
دانة : بابا شبك ..بابا. احكي ….لك
شوصرلك. ….امي…..ساشا …دخيل الله لحقوني

الجزء الحادي عشر:
كان حاطط ايدو على صدرو وعم يتوجع ، ركضت لعند امي ،و قلتلا لحقيني ابي مدري شو صرلو ،طلبو سيارة الاسعاف بسرعة ،و رجعت لعندو انا و امي كان غايب عن الوعي ، بكينا و صرخنا كتير و بعد ربع ساعة اجت سيارة الاسعاف و طلعت معن و اخدوه على المشفى و على الطريق عملولو صدمات كهربائية لقلبو ، بس ما كان في اي تجاوب و قلولي البقية بحياتك ، قلتلن مستحيل كذابين ابي ما مات ارجعو حاولو مرة تانية ،قلولي طولي بالك اذا بتريدي حاولنا مرة و اتنين ابوكي خلص مات ، عقلي ما تحمل الصدمة و صرت هزو لابي و قلو قوم بابا …انا يلي قتلتك …قوم ما تعمل فيني هيك ….مستحيل سامح حالي…
صار معي انهيار عصبي بسيارة الاسعاف ،و فوتوني فورا على المشفى و اعطوني ابرة مهدئ اعصاب و وقت فقت كانت خالتي بالغرفة ، رجعت ابكي و قلا انا قتلتو ،قلتلي طولي بالك ما حدا بموت الا بيومو ارتاحي ،قلتلا وينا امي و اختي اكيد ما بدن يشوفوني و صارو بيكرهوني ، انا شو عم اعمل هون بدي روح شوف ابي ،قمت من التخت و بلشت البس بتيابي ، طلعت خالتو من الغرفة و نادت الممرضات و اجو هدوني ، صرخت فين و قلتلن بعدو عني ،اتركوني ، بدي روح شوف ابي ،لازم شوفو للمرة الاخيرة ،خالتو الله يخليكي حكين انا صرت منيحة و ما فيني شي ،قلتلي يا دانة ارتاحي هالليلة و بكرا منرجع على البيت قبل الدفن ،رجعت الممرضة و اعطتني ابرة مهدئ اعصاب و كانو ممنوع ازعل و احزن على ابي و تاني يوم رجعنا على البيت و اهلي كانو فاتحين عزا ،مرو ٣ايام علي متل الكابوس و اجت رفيقتي تالا لتعزيني بس انا قلعتا و قلتلا انت و اختك السبب بالشي يلي انا فيه و تالت يوم العزا رن موبايلي
دانة : الو اهلين
…..معي دانة بنت الدكتور فادي…
دانة: اي تفضل
…..انا المحقق ماجد سمعت انو الوالد توفى من يومين البقية بحياتك
دانة : و حياتك الباقية
المحقق ماجد : انا اضطريت لاتصل فيكي بهالظرف ،بعتذر منك بس الموضوع مستعجل ، ابوكي قبل وفاتو قدم بلاغ على شب و قال انو بنتو يلي هي انت رح تجي تاني يوم لتتعرفي عليه و تقرري اذا هو الشخص يلي مسؤول عن حادثة سرقتكن من سنة ، بس ابوكي توفى و انت ما جيتي و الشب الو 3ايام عنا و اهل الشب عم يجو يسالو عن الموضوع كل يوم ،يا ريت تمري لتشوفي المشتبه فيه حتى نعرف اذا نسكر المحضر ولا نعرفو للمحكمة …
دانة : امم فهمت عليك ،مسافة الطريق انشالله
نزلت من البيت و رحت على مركز الشرطة و بدون ما خبر امي اني انا رايحة لهنيك ، فتت على المركز و سالت عن غرفة المحقق ماجد
دانة : مرحبا المحقق ماجد مو هيك
المحقق ماجد : اي تفضلي ارتاحي ،البقية بحياتك الله يرحمو مات فجاة
دانة : و حياتك الباقية
المحقق ماجد: رح ابعت ورا الشب لتشوفيه
بعد شوي دخل مراد ، و اطلع فيني وتفاجا بشكلي و لبسي الاسود و وقفت قبالو وطلعت بعيونو و برمت وجهي و قلتلو لا ما هو ، هيداك لونو عيونو بني غامق و رجعت قعدت محلي
المحقق ماجد : ماشي ما رح نأخرك اكتر من هيك ياريت بس تبصمي و توقعي هون حتى نسكر البلاغ و نطلع الشب اليوم
وقعت و طلعت من غرفة المحقق و شفت شاب واقف برا و بيشبه مراد كتير و توقعت انو يكون اخوه ، قربت لعندو
دانة : انت اخوه لمراد
باسل: اي انا اخوه مين حضرتك ؟
دانة : انا اسمي دانة رفيقتو لمراد ،هلا هو رح يطلع بعد شوي من هون ، بدي منك تقلو بس على لساني اني مو انا يلي بلغت عنو و طلعت من المركز و رجعت على البيت ….
مرت سنة على وفاة ابي ، و انا ما قدرت سامح حالي ،اما مراد ما شفتو ابدا فين و ما حاولت ارجع اتواصل معو مع انو ما مر يوم علي نسيتو فيه ، علاقتي مع امي كنت متوقعتا تسوء كتير و تحملني ذنب وفاة ابي ، بس تعاطفت معي كتير لانو انا تغيرت من جوا و صرت انسانة حزينة و كئيبة و حاولت كتير طلعني من يلي انا فيه بس انا انعزلت عن الحياة و افراحا بعد الصدمات النفسية يلي تعرضلا من سنة ، تراجعت احوالنا المادية خلال هالسنة و اضطرينا نبيع الفيلا و ننتقل لبيت تاني لانو المعامل تسكرت بعد وفاة ابي و بعد ما تخرجت من الجامعة ، امي طلبت مني ارجع افتحن و ديرن من جديد و خاصة انو مجال دراستي ادارة اعمال بتساعدني شوي بالشغل ، كانت مسؤولية كبيرة علي بس كان هيدا اقل شي بقدر اعملو لعوض عن الشي يلي كنت انا السبب فيه بس هالمرة فتحتن بطريقة نظامية و بضاعة نظيفة ، و بعد سننتين بلش يتحسن وضعنا و تعطي المعامل مربح مقبول و رجع اسما قوي من جديد بالسوق ، كنت اطلع من الصبح و ما ارجع للمسا على البيت ، كنت حابة عبي وقتي بالشغل حتى ما يبقى وقت لفكر فيه اديش انا انسانة تعيسة بحياتي و حتى ما ابقى فريسة لافكاري بانو مراد اكيد حب و تزوج و تابع حياتو …..

الجزء الثاني عشر:
انخطبت اختي ريما للشب يلي كانت بتحبو بالجامعة و تحدد عرسا بعد اسبوع ، فرحتلا كتير لانو حظا كان افضل من حظي و اخدت الشب يلي حبتو ، و ما مرت بربع الشي يلي انا مريت فيه ، مع انو كانت امي تقلي انت الصغيرة بس انت شخصيتك اقوى من اختك الكبيرة ، الشي يلي مريت فيه عمل منك انسانة صلبة
انا كنت انسانة قوية من برا بس من جوا كنت انسانة بينشفق عليا ، رحت على عرس اختي ريما و كنت حزينة كتير لانو انا حرمتا من انو ابوا يزفا لعريسا بهالليلة ، قعدت بالعرس و طابق صدري و كنت ما مصدقة ايمت يخلص العرس ، فتت لزبط مكياجي وانا طالعة مسكني حدا من ايدي و سحبني لعندو ، اطلعت فيه و بلعت ريقي و كانو شفت شبح قدامي
دانة : مراد …
مراد : اي مراد
دانة : …..شو عم تعمل هون …
مراد : انا من معازيم العريس زوج اختك بكون رفيقي
دانة : امممم
مراد : بعد زمان ، حليانة و لابقلك هالفستان كتير
دانة : تسلم ، عن اذنك انا لازم ارجع للطاولة
بعدتو عني و مشيت رجع سحبني من ايدي
مراد : تعي لهون ما خلصت حكيي حتى تتركيني و تمشي
دانة : مراد خلص من يوم ما فتت حياتي من 4سنين لهلأ و انا حياتي انقلبت حتى انا تغيرت عن قبل
مراد : دانة …انا حبيتك و بهالسنين ما غبتي عن بالي ابدا و لا حتى عن عيني كنت شوفك من بعيد بس ما اقدر اقرب احكي معك ، خفت من ردة فعلك اتجاهي بعد ما سمعت بوفاة ابوكي و انو علاقتنا كانت السبب بوفاته
دانة : انا يلي كنت السبب بوفاته ،انا الحق علي حكيتو بدون ما راقب طريقة حكيي معو ما توقعت قلبو ما يتحمل هالشي
و بلشت ابكي و قلو انا السبب ،حضني بين ايديه
مراد: ما تبكي دخيل الله ما تلومي حالك عمرو خالص ، ادعيلو بالرحمة و التفتي على حالك و التفتي علي انا يلي عم دوب كل ما بشوفك قدامي عم تغرقي بالهم اكتر واكتر
دانة : مراد نحن ما لبعض اتعرفنا على بعض بطريقة غلط و الغلط ما بيكمل و بيخلص الا بالغلط
مراد : طيب هلا انت مدايقة و ما رح احكي معك اكتر من هيك بس بدي تعرفي شغلة اني انا بحبك واني انا ما متل اي شاب ممكن يستسلم و يمشي و انت بتعرفي هالشي منيح ، رح اتركك ترجعي على طاولتك بس النا لقاء تاني….
تركني و مشي و انا مسحت دموعي و رجعت زبطت مكياجي و طلعت و رحت قعدت محلي و قلبي رجع يدق من الفرحة ، مراد بعد كل هالسنين ما نسيني ابدا و قلي انو بحبني شو كنت مشتهية اسمع منو هالكلمة ،بقيت طول العرس انا اطلع فيه و هو يطلع فيني و كانو عيونا عم تحكي مع بعضا و خلال العرس طلب صهري من مراد يغني اغنية اهداء للعريس و للعروس و قام يغني و ما شال عينو عني
يا هوى روح وقلو
قلو كتير اشتقتلو
لو بدو عمري كلو بعطيه
و لما يا حب تردو
رح كمل عمري حدو
ناري تطفيلو بردو ودفيه
ردو يا هوى لعندي قصرلي المسافات
حامل بإيدي وردة آهات وذكريات
حبيبي يللي بحبو
قلبي معلق بقلبو
وعم بحلم فيه
خلص عرس اختي يلي كان احلى شي صار بحياتي من وقت وفاة ابي لهلأ ،بعد العرس باسبوع نادتني امي لتحكي معي
ام دانة: دانة بدي احكي معك بموضوع
دانة :تفضلي
ام دانة : جايكي عريس
دانة : بتعرفي شو رأيي بهالموضوع
ام دانة : لايمت بدك ضلي هيك ، بدي افرح فيكي متل اختك و امن عليكي قبل ما موت
دانة : امي اذا بتريدي ما بقا تجيبيلي سيرة عرسان انا ما بدي اتزوج
ام دانة : العريس منيح و ابن ناس و صهرك شكر و حمد فيه كتير
دانة : صهري !!هو من طرف صهري يعني ؟
ام دانة : اي رفيقو
دانة : شو اسمو الشب
ام دانة : اسمو مراد يمكن
دانة : اممم طيب ماشي رح شوفو كرمال خاطرك بس، بس هالشي ما بيعني اني وافق عليه ، يلا انا فايتة نام تصبحي على خير…
ام دانة : و انت من اهلو رح حكي هلا زوج اختك و قلن يجو بكرا ..
كنت بدي روح على غرفتي لابكي من المفاجأة ، ما نمت هديك الليلة من الفرحة ، ما صدقت ايمت يجي بكرا و شوف مراد عنا قاعد بالبيت ….
كان احلى من كل مرة بشوفو فيا،اجا هو و خالتو و بنت خالتو ،قعدت جنب الماما و انا عم اطلع فيه و ابتسم و كل شوي فوت على المطبخ اضحك و اطلع ،عرفونا عن حالن بانو خالتو عندا مركز تجميل و حكا مراد عن حالو لامي بانو متخرج من كلية التجارة و الاقتصاد و بيشتغل بشركة خاصة براتب جيد و انو يتيم الام و الاب و عايش مع اخوه باسل يلي اصغر منو بسنتين و عندو اختين متزوجين برا البلد ،و كملت عنو خالتو بانو مراد عندو بيت عم يجهزو هلأ و ما كتير مطول ليخلص ،قلتلن ماما الله يقدم يلي فيه الخير ، وبعد ما طلعو من عنا قلتلي شو رايك ، قلتلا الشب مؤدب خلص رديلن خبر انو موافقة ، قلتلي فورا بهالسرعة ما بدك تقعدي معو تتعرفي عليه ، قلتلا لا ما في داعي في خطبة و بتعرفي عليه على راحتي
14/2/2012
كان يوم عرسي ، كان اليوم يلي لبست فيه الفستان الابيض لمراد ، و اول ما شافني حملني و دار فيني و وقت رقصنا سلو اعترفلي بشغلات كتيرة
مراد : بدي قلك شغلة ما قلتلك اياها من قبل
دانة : عم اسمعك
مراد : انا وقت دخلت عنكن على البيت و قبل ما فوت لعندك على الغرفة كان الباب مشقوق شوي و ما فتت فورا وقفت راقبك شو عم تعملي ، كنت وقتا طالعة من الحمام
دانة : يا محتال شو كنت ناطر لتشوفني عم البس تيابي
مراد :لاا ما تفهميني غلط اول ما شفتك جذبتيني كتير و شليتي حركتي و ما بقا عرفت شو اتصرف لهيك وقفت اتفرج عليكي شوي بس وقت عمار طلع صوت من برا و انت انتبهتي انا تحركت فورا و فتت على غرفتك
دانة : يعني بفهم منك عجبتك فورا
مراد : اي و كتير و كنت اجي على طول لتحت البيت عنكن و اطلع على شباكن بس ما فكرت ابدا اخد خطوة جريئة و حتى وقت فتي على الكافتريا انت و تالا شفتك فورا و حتى الفتلك نظرك ضحكت بصوت عالي …
دانة : اي صح تذكرت
مراد : على كل حال شو بدك تعشينا بعد العرس
دانة : ولله انا بعرف العشا بكون جاهز للعروس يوم عرسها
مراد : صح بس انا بدي اكسر القاعدة و بدي تعشيني بيض و بصل ههههه
دانة : شوووو !بيض و بصل ! الله يرحم ايامك يا جعفر هههه
انتهت…