طريقة ملفوف محشي
طريقة طبخ الملفوف السوري
طريقة ملفوف محشي
طريقة ملفوف محشي, معكم صديقتكم المميزة الشيف الموهوبة Mariam Zahrit Almadaen, جهزت الملفوف من بدري عشان اطبخه ع الصوبة بما اني مشغلتها تلقائي . المهم صورتلكم كيف بسلق الملفوف لانه طرق سلق الملفوف بتختلف من سيدة لسيدة, وملفوف بصراحة غير شكل تابعوني بالتفصيل.
المقادير:
راس ملفوف
رز
لحمة مفرومة
بصلة مفرومة
ملح وبهارات مشكلة
فلفل اسود
رشة زنجبيل
رشة هيل
شوية زيت ذرة
ثوم
كمون
طريقة سلق الملفوف:
انا بجيب طنجرة وبحط فيها مي وبحطها ع النار لحتى تغلي وبحب اختار راس الملفوف يكون صغير او وسط حتى يساعدني بالسلق بطريقة ممتازة
هلا انا بشيل الورق اللي بكون اول شي لانه بكون لونه كتير غامق وما بكون نضيف .
بعدين بشيل الجذر اللي بالنص اللي نحن بنسمية قرمية 
😄😄 وبغمق شوية بالسكينة حتى اتمكن من فك ورق الملفوف بسرعة وبحط الملفوفة كلها بالطنجرة وبس تبلش تغلي ببلش اسحب ورقة ورقة ورح تنسحب بسهولة وبالفيديو رح تشوفوا الطريقة .
وبعدين بقطعهم بالسكين لمربعات وبرتبهم فوق بعض ليسهل عليّ لفهم بسرعة
حشوة الملفوف:
الكل بيعرف انه حشوة الملفوف او الكوسا هي نفس الحشوة عبارة عن رز و لحمة مفرومة وبصلة مفرومة وملح وبهارات مشكلة وفلفل اسود ورشة زنجبيل ورشة هيل وشوية زيت ذرة .
في ناس كتير بحطوا اللحمة نية لكن انا بحب اقلبها مع البصلة واملحها وابهرها واضيفها للرز …طبعا الناس اذواق وكل ست وطريقتها بالطبخ .وانا بنصحكم تقلبوها بزيت مع البصلة ورح تحسوا كيف الطعم بيفرق.
بلف الملفوف وبحط بالوسط كم فص توم وبكمل لف وبرضو بحط ع الوجه فصوص توم وملح وكمون وركزوا ع الكمون للملفوف
واليوم حبيت اطبخهم ع الصوبة خليت النار عالية ولما غليت الطنجرة وطيت الصوبة
وان شاء الله المسا بنوافيكم بالصورة النهائية اذا الله راد
وصحة وعوافي
#ملفوفات ام نضال
اكتب كلمة #زاكي في التعليقات لتصلك مزيد من الوصفات المجربة والمميزة خصيصاً لك
هل تحب مشاهدة وصفات بالصوت والصورة؟ اعمل اشتراك لقناة زاكي على اليوتيوب من هنا لتصلك جديد وصفاتنا بالفيديو:
قناة زاكي على اليوتيوب
عندك جوال ذكي؟ ممتاز كتير تفضل أحلى هدية من زاكي لعيونك, حمل على جوالك تطبيق زاكي, أقوى مرجع عربي لفن الطهي, من هنا:
تطبيق زاكي للأجهزة الذكية
عندك حساب على الفيس بوك؟ طيب شو بتنستى استفيد من وقتك وتعلم كل يوم وصفة جديدة على يد أمهر شيفات في الوطن العربي, بالانضمام لمجموعة زاكي وصفحة زاكي على الفيس:
للانضمام على مجموعة زاكي من هنا
للاعجاب بصفحة زاكي من هنا ومتابعة كل جديد
احفظ موقع زاكي في المفضلة على جوالك, لتصلك دوماً جديد وصفاتنا مش هتلاقيها إلا في زاكي
موقع زاكي لفن الطهي