قصة الليلة بعنوان مبروك الصبي بقلم مال الشام
قصة الليلة بعنوان مبروك الصبي بقلم مال الشام
قصة الليلة بعنوان مبروك الصبي بقلم مال الشام
هذه القصة تأتيكم من قسم المنوعات في زاكي, استمتع بالقصة, وانتظرونا كل يوم بقصة جديدة شيقة ومفيدة, وشجعنا بكتابة تعليقك في القصة.
#مبروك_الصبي_بقلم_مال_الشام
#مبروك_الصبي
تلت سنين و انا و جوزي نركض من دكتور لدكتور مشان يجينا ولد… ما ضل شيخ و لا مخبر طبي ولا مستشفى ولا مشعوذ الا و رحنا عليهن مشان الولد 
😶😶 حتى في عشبة براس الجبل لازم اشربها و انا واقفه على رجل وحده و مغمضة عين وحده كمان نقعتها و شربتها 
😓
وجبت الولد بفضل رب العالمين حملت و خلفت و جبت ابني وسيم كانت ولادتي سهلة وما تعزبت مع انو اول ولد … طلعوني من المستشفى و انا اتغندر و اتدلل
اخ لا تحركوني… اخ اخ دخيلكون لا تدئروني
ااااخ لك مشوني شوي شوي يا امي دخيلك اصبع رجلي الصغير عم يوجعني … وجوزي يعلي عليه يسايرني و يقلي حاضر حاضر… بس حماتي و سلفتي عم يبحلقو فيني هيك 
😳😳
وصلنا عالبيت و رميت حالي عالفرشة و صرت اتوحم عالحامض و الحلو و المالح و حتى السوشي طلبتو وما وفرتو
🍙
🍘🍙 سمير جوزي يركض متل ام العروس يجيبلي الي بدي
و سلفتي تقلي قدامو ( لك وداد الوحده بتتوحم شهر شهرين انتي من لما حبلتي لوقت ولدتي عم تتوحمي)
بس انو زوء على دمي و استحي!!! لا والله 
😎
شايفه حالي ومبسوطة كأنو ما حدا خلف و جاب غيري…
والله العليم كيت ميدلتون مرتو لولي عهد بريطانيا ما تدللت متلي
ضليت اسبوع على فرد نومة لوقت ما طلعت سلفتي الحربايه رويدة لعندي و اعطتني قنبلة الموسم..
#مال_الشام
رويدة: تعبانه سلفتي ماهيك؟ ما عم تقدري تقومي
وداد: اااااخ يا سلفتي ااااخ… تاري الخلفه صعبه كتير
رويدة: ايه والله معك حئ… مع انو بكرا عاملين جمعه ببيت عمي كل بنات حماي جايات و الجارات كمان
انا سمعت هالجملة من هون و طار عقلي… جمعة!! بنات حماي! الجارات!!! والله ليحطو سيرتي مع كيلو بزر و يسهرو علي لوش الصبح… شو بدي اعمل شو بدي اعممممل!!! 
😟
وداد : ليش ما تأجلوها؟
رويدة: لا والله صعب نحنا متفقين انو بكرا…
وداد: ايوه… خير ان شاء الله…
صرت فور و اغلي متل ابريق القرفه الي الو اسبوع عالغاز…
بس طلعت رويدة قمت من فرشتي و حسيت رسمة الفرشة مطبعة على جنابي 
㊙
㊗㊙㊗
🈺
و بلشت اتفتل بهل بيت و روح و اجي.. بس فات جوزي انفلج و انبسط كتير و قلتلو خلص صرت متل الجحشه مابني شي
قلي له حبيبتي ليش بتحكي هيك قولي متل الغزالة
قلتلو غزالة حصانه جحشة ما مشكلة…المهم بكرا بدي روح على جمعة بيت اهلك 
😍😍
و اخدلهن الصبي يفرحو فيه خطي 
😇
تاني نهار قررت فاجئهن كلياتهن جهزت حالي المسويات ولبست عبايتي الي جبتا توصايه من الكويت 
👰 و جهزت ابني و شلتو و نزلت على بيت عمي وخليت جوزي يمسك ايدي و ينزلني درجه… درجه…درجه…درجه ( على مهلك سمير… اخ اخ اخ… على مهلك نزلني شوي شوي) … كنت انا ساكنه رابع طابق وتحتي سلفاتي و بيت عمي اول طابق…
نزلت و دقيت الباب بكل ثقة 
😌
فتحتلي بنت حماي
بنت حماي: وداااااادددد!!
وداد: ان شاء الله الكل اجتمع؟ اشتئتلكن خيرات الله قلت ما رح فوت هالجمعه علي ( وعم قول بقلبي والله ما بتحلمو بهل فرصه 
😈)
بس فتت الكل تطلعو فيني وما حكيو ولا حرف 😳😳
انصمدت بالصدر و عملت حالي مابعرف شبهن و ليش مستغربين 
☺ حطيت ابني وسيم بحضن حماتي و بلشت اشتغل شغلي… وين ما شفت تنتين حاطين راسهن بروس بعض ادحش حالي بالنص وما اتروك مجال لتشكل الاحزاب و الكتل المعارضه 
😪…
صارت الساعه 12 و انهن ينعسو و يفقسو هالسهرة ما كانو لا يزوئو ولا يحسو!!
صرت نام و انا مفتحه… تشرطو حناكي من المتاوبة… حسيت عيوني طلعو من محلهن و صارو بالقولون العصبي!!
لك و بعديييين!! …
خلص!! هيك كتير!! انا استسلمت… عادي يحكو علي اصلا الله رح يحطهم بالنار 
😢
اساسا انا واثقه من حالي 
😭
الله لا يوفقهن الهي 😭😭
مال_الشام
وداد: ماشي يا جماعه… لكن انا بستأزن…
نطت العقرب سلفتي: وين وداد قاعدييييين
تخيلتها متل الحية الي طالعه من وكرها…
قعدت وقلتلها ايه شو عليه… قاعدين…
كمان نص ساعه… رفعت الراية البيضه 
🎌 🎌
وداد: خلص عنجد تعبت يلا تصبحو على خير
حماتي : و انتي من اهلو كنتي 
😏
قلت بقلبي ( القافلة تسير والكلاب تنبح 😭😭)
وصلت باب البيت وجوزي كان قاعد مع عمي بالصالة… قلتلو يلا سمير نطلع على البيت تعا طلعني شوي شوي 😌😌
سمير: وداد وين الولد؟
صفنت شوي.. اي ولد؟! … العمى 😳… صحيح وين الولد 
😱😱
ركضت لجوا قلتلهن يا جماعه وين ابنيييي😭😭
حماتي: مابعرف ما نزلتيه معك
لك شو ما نزلتو معي وين ابني 😳😳
سلفتي: ايه وداد ما نزلتيه 😱
يعني ابني فوووق 😳 ابني 😱😱
ركضت متل سوبر مان رفعت عبايتي و طلعت اركض قطعت الاربع طوابق باربع ثواني و وصلت على شقتي وجوزي يركض وراي … فتت عالبيت وصرت دور عالولد ما لقيتو
سمير: لك يا مخلوئة الولد نزل معك انا شفتو!!
رجعت رفعت عبايتي و نزلت عم اتزحلئ على دربزين الدرج لاوصل بسرعه 😭😭 حتى سمير ما لحقني…
فتت ع بيت عمي و قلتلهن ليكو بئى بلا مزح جوزي قلي انو الولد نزل معي طلعوه 
😒😒
حماتي: لك مزبوط نزل معك و طلعنا نحنا لفوق
يعني الولد هلا تحت ولا فوق 😭😭😭
بنت حماي: فوق وداد فوق…
اخدت نفس و اتطلعت بسمير كان هلا واصل من الدرج وعم يلهث ونفسو مقطوع
#مال_الشام
قلتلو الحقني الولد فوق…. رفعت العباية و ركضت عالطابق الرابع… وصلت وما لقيتو لوسيم
ابني مو هون 😭😭… وين ابني 😭😭
مسكت قميص سمير و قلتلو ( اين ابني يا الخياندرو 😭… احضر لي طفلي ارجوك… اتوسل اليك 
🙏)
ما شفتو الا مسكني من شعري وقلي الله ينعن ابوكي على هالخلفة العاطلة 
😮😮😮 … و بلش يجرني عالدرج..
مسحت درج الاربع طوابق بعبايتي الجديدة الي ب25 الف ليرة 😭… لو نظفتو بلساني اهون علي 😢…
ضل يجرني لوصلنا و زتني ببيت عمي وهو معصب و الدخان عم يطلع من راسو
( لماذا فعلت بي هذا يا اليخاندرو 😭)
اجت مرت عمي و اعطتني الولد و الكل فارط علي من الضحك
سلفتي: لك وداد الولد من الاول بايد مرت عمي قدام عيونك كيف ما شفتيه 
😂😂
فتحت تمي و تطلعت بالولد 😳😳 لك اي والله هاد ابني 
😨😨😨
سمير: الله ينعن ابو الي بيتجوز على ابو الي بدو يجيب ولاد… الي ساعه بركض وراكي من طابق لطابق… ولك الي اسبوع بخدمك وانتي ملقحة بفرشتك… طلعتي متل القردة مافيكي شي.. مال_الشام
وداد: اخ… اخ… دخيلكون ضهري…
سمير: اخ مو هيك؟ … علي الطلاق بالتلاته يا جماعه محدا فيكون بيروح على بيتو… هلأ بدي روح جيب لمرتي كرشة و روس تطبخلكن و تعشينا حلوان قومتها من الفرشه بالسلامه 
😠
كرشة!!! روس!! … عشيهن 😳😳😳
اميييي😭😭😭…. لا 😭…لا 😭…no please
الساعه 1 بالليل ما بعرف من وين جاب كروش و روس و معلاق ما بستبعد انو سرق غنمة و دبحها 
😑… و ضليت واقفه بالمطبخ تلات ساعات عم اطبخ و نظف و جهز الاكل.. و دموعي عم يشرو 😭😭
صدقا مو هون المعاناه… ولا هون المصيبه …
كلهم نامو حتى سمير حطيت الطنجرة بأنفو ليشم الريحة ويقوم بس ما قام و من قهري حطيت صدر الكرشات و اكلتو لحالي 
😦😦😦
بس للامانه… الكرشات طيبه 
🙈
و الروس مع بصل اخضر شغله يا عمي 😍
اول مره بجربهن بس غير شكل 
👌
ايه والله غير شكل 😭😭😭
#بقلم_مال_الشام