قصة الليلة بقلم حب فوق السحاب بقلم مال الشام
قصة الليلة بقلم حب فوق السحاب بقلم مال الشام
قصة الليلة بقلم حب فوق السحاب بقلم مال الشام
قصة الليلة بقلم حب فوق السحاب بقلم مال الشام, هذه القصة تأتيكم من قسم المنوعات في زاكي, استمتع بالقصة, وانتظرونا كل يوم بقصة جديدة شيقة ومفيدة, وشجعنا بكتابة تعليقك في القصة.
#حب_فوق_السحاب♡
#بقلم_مال_الشام
#من_الأرشيف
الجزء الأول + الجزء الثاني + الثالث + الرابع
+ الخامس + السادس + السابع + الثامن #تمت
انا متلي متل كل هالصبايا… انخطبت بشكل تقليدي عن طريق معارفنا… و اجا الشب و بس شفتو دئ البي لاول مره بحياتي، بس كنت خايفه من فرق العمر كان عمرو 32 اكبر من ب 8 سنين و ابدا مو مبين عليه هالعمر، طار عئلي فيه و خطبنا فترة شهر كنت عايشه فيهن بجنة طايرة بالسما و هو خلصت اجازتو و رجع سافر ع الكويت… كنا نحكي كتير كان يعاملني متل الطفلة و يسايرني… صارت الاحداث و علقت الدنيا و عملت عرس بدون عريس متلي متل كتير بنات… الحمدلله على كل شي… تاني نهار جهزت غراضي و بست ايد امي و ابي و ودعنا بعض كأنها اخر مره منشوف بعض… و عنجد كانت الاخيرة…
طلعت بلهفت عروس…
بحرقة بنت تاركه بيت اهلها لحالها…
برجفة قلب… و دمعة بارده… هي اول مرة بركب طياره و الي كان مهون علي هو انو وصل ولاقي حبيبي ناطرني..
نزلت من الطيارة و انا خايفه و فورا لمحتو من بعيد… فكرت حالي نزلت من الطيارة بس بهديك اللحظة بلشت رحلة طوييييييلة… طويله كتير… و مرعبه…
ركضت لعندو و سلمنا ع بعض و كنت خجلانه كتيررررر بس كنا ماخدين ع بعض شوي… طول الطريق وهو يحكي و مبتسم هاد الشي ريحني… وصلنا ع بيتو… او عبيتنا.. او الاصح… وصلنا على بيتها هي… بيتها الي حتى بعد ما طلعت منو ضلت عايشه فيه و عايشه جوات جوزي… بس كان بعيوني بعدو بيتي انا و مملكتي انا… كان كبير كتير و حلو ما سدئت انو بيتي… مشيت و عم اتطلع حوالي حسيت حدا مسك ايدي… كان سامر… مسك ايدي بحنيه و حس اني مستغربه كل شي و متوترة… رسم ع وشو ابتسامة دافيه
كانت عيونو بالنسبه الي كل الحياه… حبيتو كتير حبيتو و ما خليت شي من الحب لحالي…
حط ايدو ع خدي… جمعت قوتي و همستلو
ليان : بتحبني؟
سامر : لا… انا خلصت معك كل مراحل الحب
ليان : يعني هلا وين صرنا؟
سامر: صرت بمرحلة الجنون… بمرحلة بحرق الدنيا كرمال عيونك هدول… مسك ايديها و كمل: .. بمرحلة مابسمح فيها لحدا يلمس ظفر منك
ليان نزلت عيونا و احمرو خدودها و ابتسمت
سامر: دخيل هالورد الي بفتح ع خدودك… بطيرلي عقلي بتعرفي؟
ضربتو بنعومه ع كتفو و قالتلو انت من زمان طاير عقلك لا تحطها براسي..
قلها هلا انا مجنون… تعي ورجيكي الجنان الحقيقي، و حملها و صار يلف فيها و هي تضحك و هو يضحك..
تاني نهار صحيت اتطلعت بالساعه كانت 11 لقيت سامر نايم قمت شوي شوي ع التواليت زبطت مكياجي و رحت حضر فطور لصحيه… مشيت و صارت تتطلع بالغرف و تفتحهن و تطلع فيهن… كان فارش كل الغرف و كل شي كان من احسنو كانت كتير مبسوطه… وصلت لعند غرفه بدا تفتح الباب لقتو مقفول،، رجعت تحاول ما فتح معا
كانت هي الغرفه باخر الممر… كانت قبري… ناري… و جنتي…
#يتبع
#مال_الشام
#حب_فوق_السحاب
الجزء الثاني :
ما اهتميت للموضوع قلت يمكن ما فرشها و سكرها و خفت يصحى قبل ما حضر الفطور ركضت ع المطبخ ما لقيت شي ابدا بالبيت اخدت ع خاطري انو مو حاسب حساب انو صار عندو عيله و زوجه تعملو اكل و ما عاد عزابي… رجعت ع الغرفه و حطيت راسي و نمت…
صحيت على صوت سامر… كان مكركب كتير و عم يقلي لك قومي قووومي…
انا ارتعبت قلتلو شو فييييي؟؟؟
سامر: قومي البسي و ضبي شنتايه صغيرة بسرعه
انا ضليت مصدومه لو ماني بالكويت كنت فكرت في هجوم و بدنا ننزح لان صارت كتير لما كنت بسوريا…
انتبه علي اني ما تحركت من مطرحي… قلي: شو؟
ليان: شو؟
حك سامر راسو و تنحنح: بدي رجعك لعند اهلك قومي ضبي غراضك
ليان فورا دمعو عيونا و صارت تبكيييييي و سامر صار يضحككككك قلها يا مجنونه حاجز بفندق لاسبوع و لا ما بطلعلنا يا عروس؟
و هيك مرت حياتنا بحب و دلال…
مره عم نتغدا…
ليان: صحيح حبيبي بدي اسالك..
سامر: اي تفضلي
ليان: هديك الغرفه( و اشرت على اخر الممر) ليش قافلها؟
سامر صار يسعل و شرب مي: لا ولا شي بس مو بحاجتها نحنا.. انا قابم نام و ارتاح شوي
ليان مستغربه: سامر
وقف و هو معطيها ضهرو
ليان: انت كل يوم بالليل بتخليني لنام و بتقوم ع روس اصابعك ع الغرفه و انا اعطيتك وقت تقلي شو القصه و ما حكيتلي شي و هلا انخطف لونك بس سالتك … فهمني شبك؟
سامر رجع ع الطاولة و مسك ايد ليان و اشر باصبعو ع الغرفه: هي الغرفه… و رجع بنفس الاصبع اشر ع جبين ليان… شيليها من راسك… و باسها ع حبينها و راح ينام… و ليان كانت كتير مزعوجة و مو فهمانه شي….
كانت تراقب سامر كيف بحاول بكل وقت يصحلو يفوت ع هالغرفه و يسكر وراه… كان يترك جوالو برا
ما لاحظت عليه اي شي بيدل انو بخوني… ما حسيت بشي… كنت حاول اسمع شي كنت اسمع همسو حكي ما افهمو و ما كان في غير صوتو هو… و بس يطلع يكون بحالة غريبه كتير و انا بطل نهاري نهار و لا ليلي ليل… و افكار تاخدني وتجيبني عن هالغرفه المسكرة… اتخانقنا كتير… ولا مره لقيت نتيجة… مره قلي انو ازا هالغرفه بتنفتح… حياتنا رح تدمر
صرت شوف كوابيس… وهو صارت تكتر فوتاتو ع الغرفه… و انا حالتي ما بعلم فيها غير الله ..
بيوم من الايام كان تعبان كتير… نام و ما حس على شي.. و انا كنت ناويه هالنيه من زمان..
قمت شوي شوي و طلعت مفتاح الغرفه من جيبتو… و رحت لناح الغرفه
كنت ماشيه وخايفه كتير… دقات قلبي زادت و عرقت… حطيت المفتاح بالباب و ايدي عم ترجف و عقلي عم يقلي لا تعملي هيك… جيت لدور المفتاح ما لقيت حالي الا وقعت عالارض… صرخت و خفت شفت سامر
سحب المفتاح… ونزل مسك شعري
كانو عيونو حمرررر و عروق ايديه مبينين… ما قدرت حرك لساني كنت ارجف بين ايديه
كانو اسنانو شادين ع بعضهم
سامر: انا مو نبهتك؟
ليان: ( كنت خايفه منو بس حاولت مابين هالشي) انا مرتك و هاد بيتي و من حقي اعرف شو في جوا
تركني و وقف قبال الحيط ركن راسو ع الحيط و كان شادد ع المفتاح بكل قوتو كأنو خايف عليه..
سامر: انا حرمتك من شي؟
ليان: لا
سامر: انا نقصت عليكي شي؟
ليان: لا
سامر لف علي و نزل عالارض: تطلعي بعيوني
رفعت راسي و اتطلعت فيه
سامر: ازا فتحتي هالباب رح تكوني فتحتي قبري بايدك…
مسك ايدي و باسها و كمل حكي.. مشان الله. انسي هالغرفه… مشان الله…
#يتبع
#مال_الشام
لجزء الثالث:
3
فكرت شوي … وقلتلو بدي اقعد مع حالي ومنحكي بعدين ..
ما ناقشني و رجع خبى المفتاح بجيبتو وراح ينام … ضليت فكر قديش هو منيح معي واي بنت بتتمنى حياتي هي … و انا متاكده ما في بشر جوا لان ما بفوت اكل ولا بسمع صوت حدا معو بس بسمع همسو … انا لازم طلع هالموضوع من راسي و اتهنى بحياتي انا بعدني عروس و لازم انبسسط و ريح جوزي … ما لازم خلي الشك يفوت لقلبي ما في أي شي يدل انو في شي بحياتو … خلص يابنت .. كبري عقلك ..
فتت اخدت دش وقررت اطوي هالصفحة و انسى كل شي صار .. و نكمل حياتنا طبيعي … و حكيت لسامر هاد الشي و انبسط كتير و صار يعاملني احسن من اول … هدايا و مشاوير و اخر شي قرر يعلمني السواقه و يجبلي سيارة مشان ما مل لحالي بالبيت … ركزو بموضوع انو ما مل لحالي بالبيت … كان يحاول يشغلني بكل الطرق … بس إحساس الامومة كان اقوى من كل شي … بهديك الليلة ..
ليان : حبيبي سامر
سامر : شوي يا روحي ؟
ليان : ممم اديش صرلنا متجوزين ؟
سامر : ههههه مو خايف منك حافظهن … اربع شهور و أسبوعين ..
ليان .. : طيب انا بدي ..
سامر : قولي شو بدك وبيحضرر
ليان وخدودها حمر : بدي ولد … بيشبهك ..
سامر تجلس و انخطف لونو .. و صار ريتمتم : لا .. وــ ـ ل ــ د … لا لا … ولد لا .. لا
ليان : ليييييييييييييش ؟؟
سامر : لا و بس و بتضلك تاخدي الحبوب فهمانه … لا يعني لا ….
وقام فورا وراح عالغرفة … و فجأة سمعت صوتو وهو عم يبكي … وصوت تكسير … صرت دق ع الباب واندهلو … قلي روحي من هون انا رح نام جوا …
مرق بعد هالحادثه يومين و انا صرت حاكي حالي ورح جن … و اخدت قرار بخوف بس ما منو مهرب ، ما كان عندي غير هالحل .. تعاملت مع سامر بشكل طبيعي جدا … و خليتو يرتاح اني شلت فكرة الولد من راسي … وقلتلو أصلا بكير علينا خلينا نتهنى ببعض … فطرتو وودعتو ع الباب … و فتت عالمطبخ .. جبت مفك و سكينه و مطرقه … و رحت ع باب الغرفه و ضليت حاول فك المسامير و افتح الباب … تعبت اخر شي كسرت القفل .. و ضل ساعتين ع رجعة سامر و ما كنت عارفه شو رح يعمل فيني بس يرجع … حطيت ايدي ع الباب سميت بالله و توكلت ع الله و فتحت الباب … فتحت عيوني … وما فهمت شو هاد الي شفتو !!!!
#مال_الشام
الجزء الرابع:
4
الغرفة كانت كبيرة كتييييييييييييييييرررررررر
قربت من التخت … و دورت بالغرفه ما كان فيا أي شي … انتبهت ع الخزانه رحت لافتحها … العمى كمان مقفووولة !!!!! ياربي كيف بدي افتحها … ضليت دور شبر شبر … و ما انتبهت انو الوقت سرقني .. اتطللعت ع الساعه ضل نص ساعه على وصلت سامر .. صرت ارجف … صرت اضرب ع وشي وقول يا الله انا شو عملت بحالي … ياربي تلطف فيني … ياربي لطفك … شو عملت بحالي شو عملت بحالي ..
طلعت ورديت باب الغرفه غسلت وشي ونسيت قصة الخزانه و صرت فكر ب سامر شو رح يعمل فيني … حطييت الغدا و استنيتو و انا عم حاول ضل قويه …. وصل فات غير تيابو و اجا لعندي … قعد يتغدا … وانا قررت احكيلو قبل ما يشوف .. بس حاولت احكي بأسلوب يهون علي مصيبتي …
ليان : سمورتي ..
سامر : ايه ؟
ليان ( وهي عم تاكل طبيعي كأنو ما في شي ) : ليش ما قلتلي انك حابب يكون الك غرفه لحالك ترتاح فيها والله ما كنت بزعل منك
سامر : ما فهمت ؟؟
ليان : مممم الغرفه … يعني انا … انا كتير كنت … انو مشان الغرفه ..
سامر : رجعنا للغرررفه … رجعنا للغرررررفه .. و ضرب الطاولة بايدو و قاااام
غمضت عيوني بقوة وصرخت بصوت عالي: انا فتحت الغرررفففففة
كنت متوقعه منو أي ردة فعل … الا انو يركض متل المجنون عالغرفه … انا شفتو هيك و ركضت ع غرفتي وقفلت الباب …. مرت دقيقه دقيقتين … تلت ساعات … ما في ولا صوت بالبيت … فجأة سمعت صوت طرق ع باب غرفتي ارتعبت … طار عقلي كأن الباب رح ينكسر من الضرررب .. تخبيت بالزاويا و صار صوت سامر يقلي افتتتحي البااااااااااااااب …. و انا ابكي بصوت عالي … ابكي كتير … رجع اختفى الصوت … بعد ساعتين دق علي الباب بهدوء …
سامر : افتحي الباب بدي احكي معك
ليان : احلف ما بتعملي شي ؟
سامر : في حكي لازم نحكيه … افتحي الباب
قربت وانا عم ارجف … وفتحتلو الباب
#مال_الشام
الجزء الخامس
مسكني من ايدي بقوة …. حاولت ابعد قلتلو انت حكيت ما رح تعملي شي اتركني … اتركني اتركني
سامر : انتي مو بدك تعرفي شو في بالغرفة ؟
ليان : لا ما عاد بدي اعرف شي والله خلص اخر مره
سامر : لا يا ليان مو بهل بساطة انا نبهتك و حذرتك ،، انا كنت معيشك بجنة وانتي ما احترمتي مشاعري … انتي ما بتعرفي حالك شو عملتي … انتي دمرتي حياتي … و انا رح احرق قلبك متل ما حرقتي قلبي … وسحبها و هي تعيط وتقلو كرمال الله اسفه اسفه ما عملت شي … فوتها ع الغرفه و زتها قدام الخزانه ….
سامر : جاهزة ؟
ليان : شو بدك تعمل ؟ …
سامر : بدنا نفتح الخزانه مع بعض ، انتي فتحتي باب الغرفه وانا رح افتحلك الخزانه
ليان خافت كتير و كل فضولها تبخر : لا سامر ما بدي شوف شي
سامر : له له له .. ما بصير بعد ما وصلتي لهون …
قرب سامر عالخزانه و طلع مفتاح من جيبتو و فتحها … طلع اربع صناديق تلاته كبار وواحد صغير …. و فجأة تغيرت ملامح سااامر … صار متل الطفل …. يلمس الصناديق باصابعو و يحكي حكي غريب لدرجة فكرتو مجنون …
أتطلع فيني … قلي بتعرفي شو هي الغرفه ؟
ليانا بخوف : لا … مو فهمانه شي بدي اطلع من هون
سامر : هي غرفة ريم …
ليان : راح خوفها .. وحست انها فهمت كل شي … طلع في مرا بالموضوع … قامت من الأرض ومسحت دموعها وقربت منو …. قالتلو كل هالشي عملتو فيني مشان وحده ؟ كل هالخوف مشانها ؟؟؟؟؟؟؟ مين هي ؟؟؟ وينها مين هيييي
سامر : انا وعدتها ما يفوت غرفتها من بعدها وحده تانيه … وعدتها وحاولت حافظ على وعدي بس انتي خربتي بيتك و خربتي حياتي … ريم مرتي…
ليان : متجووووز ؟؟؟ لك متجووووز ؟؟؟ ضحكت علي … لك امك ليش ما قالتلي …. ليش ضحكتو علييييي
سامر : اهلي ما بيعرفو … انا التقيت بريم هون و حبينا بعض … و بيوم رحت لعندا وانا طاير فرح وقلتلها بدنا نتجوز …. ووافقت متلي لان حبيتا حب ا في متلو بالكون … ووقت خبرت اهلي انبسطو كتير و طلبو ابعتلن صورتا للي بدي اخطبها …
ليان : ايه ؟؟
سامر : بعتلهن الصورة و امي اتصلت تعيط علي وتقلي لك ابعتلنا صورة البنت بغطا ليش باعتها بدون حجاب ياعيب الشوووم .. قلتلها يامو البنت موم حجبه … حلفت ما بتمشيلي بهل جوازه … بس انا ما قدرت ابعد عنها … كنت بموت عليها و بحبها بكل صفاتها … كنت حبها كتير …
ليان : ليش طلقتها ؟ و وين راحت ؟ وليش جبتني لهون ؟
سامر : انا لهلا بحبها … اقنعت أهلها انو اهلي كبار وما خرج يجو وتجوزنا و عشنا احلى أيام عمرنا ….
ليان : لك ليييييييييش ليييييييييش ازا بتحبها ليش تجوزتني ليش عملت فيني هيك يا حقير ولك ليش ؟؟؟؟؟؟؟
سامر : هي راحت وما عاد قرت اوصللها … قبل ما تروح طلبت مني انو ما تدوس غرفتها وحده غيرها و حاولت اعمل الي بدها ياه بس انتي … انتي
ووقف وقرب مني و انا خفت منو بس كنت حاسه كل مصايب الدنيا وقعت فوق راسي …
ليان : طقلني و رجعني لعند اهلي ..
سامر : لا … بالاول بدي عرفك علىيها … و الي عملتيه رح تتحاسبي عليه …
ليان : لو تموت ما بروح لعندا … فشرت انت وياها
قام سامر من مطرحو و ضربني كف ووقعني ع الأرض … حسيت اسناني وقعو من الضربه … ضرت أن و اتوجع … وهو سحبني من ايدي … و جرني للسياررررة … و قلي تعالي سمي ع ريم … اعتئري منها …
ضلينا ماشين وانا خايفه احكي أي حرف … كنت كتير خايفه و مو مسدئة اني راييحه شوف ضرتي … و قف السيارة بمكان ما تخيلتو ولا لحظة … وقع قلبي و حسيت نشف الدم بعروووقي
الجزء السادس :
6
فتح الباب و قلي انزلي … قلتلو وين ؟ وين جايبني ؟ المقبرة ؟
سامر : انزلي …
سحبني ووصلنا لعند قبر … قعد عندو و صار يبكي … أتطلع في قلي هي ريم
لف وشو و كان في قبر لطفل … قلي و هاد محمد …
كانت اكبر صدمه بحياتي … حسيت بمية إحساس … حسية بحسرة عليه وهو عم يبكي متل الصغار و حسيت بنار عم تاكلني … نار ضلت شاعله بصدري … عدوتي ميته !! تحت التراب و مو مخليتني اتهنى … تحت التراب وعايشه ببيتي … تحت التراب و بتنام بيني وبين جوزي …. هاد اصعب شي مريت فيه بكل حياتي … الانسان الي حبيتو قلبو مو معي ولا بعمرو رح يكون … انكتب علي عيش مع واحد بيبكي عند قبر مرتو كل يوم … وببكي بغرفتها كل لحظة …. يمكن هاد اسوء عقاب ممكن يتعاقب فيه أي انسان …. يمكن هاد امتحان من رب العالمين الي …. بس انا من هلا … فشلت …
قربت منو وحطيت ايدي ع كتفو …
ليان : اسفه كتير …
ما رد علي … قلتلو ليش مانك حاطلهن ورد ع القبر ؟ أتطلع فيني والدموع بعيونو
حط راسو ع صدري …
سامر : حرقتلي قلبي وراحت … كنا ناطرين ابنا … كنا نستناه كل ثانيه … لو بعرف انو رح ياخدها مني كنت بعمري ما فكرت بالولاد … كانت اضعف من انها تحمل تلت أرواح … انا وهي وابنها تعبناها كتير … هههه حبت ابنها اكتر مني اخدت روحو معها … ماتو التنين و تركوني لحالي …
حسيت قلبي تقطع عليه بس انا شو ذنبي ليش تظلمني معك لييييييش …
رحت ع السيارة جبت معي و رجعت سقيت القبرر و قومت ساامر عالسيارة و رجعنا ع البيت … فورا نام ع الكنبايه ونام بدون ما يحس ع حالو من التعب و انا هموم الدنيا كلها كانت فوق راسي … وبدون ما حس قمت ع الغرفة و قربت من الصناديق و فتحت اول صندوق
كان فيه تيابها … بعدهن بريحتها … و الصندوق التاني كان فيه عطرها و التالت كان فيه دباديب و هدايا كان سامر يعطيها ياهن … و التالت كان فيه
كان فييه … صورها هي وسامر و رسايل بيناتهن … كان جمالها ما بنوصف … احلى مني بمليون مره … يمكن احلى بنت شفتها بعمري … يمكن لو كنت ناويه رجع جوزي الي … هلا ما ضل عندي امل بشي … خفت سامر يصحى رجعت ضبيت كل شي بسرعه و رجعتن ع الخزانه و ضبيت الغرفه و سكرت بابها و قمت عملت عشا و صحبتو …
ليان : سامر اصحى تعشا
قام و غسل وشو و اجا قعد
ليان وهي عم تاكول : بكرة جيب النجار يعمل قفل للباب … و جبلنا معك جاج و لحمه و رز و شوية خضرا … انا فايتها نام … قمت لخبي دمعتيي … بدي اتخبى بغرفتي ما بدي يشوف دموعي بحبو كتير والله بحبو ما بقدر عيش بلاه … قلي ليان انا اسف … مسحت دمعتي و ابتمست و لفيت عليه
ليان : على شو حبيبي ؟ مرتك و ابنك الله يرحمهن يارب .. لازم قلتلي هاد شي ما بتخبى … انت ارتاح وانا رح اعملك كل شي بريحك
سامر : عنجد بتعملي أي شي ؟
ليان : قالت بقلبها ( بدك اكتر من الي عملتو ) … أي طبعا أي شي
سامر : روحي البسي فستان من فساتين ريم و تعالي ..
جمدت بأرضي … عم يحكي من عقلو … شو الي سمعتو !!!
#مال_الشام
الجزء السابع
بهديك اللحظة تاكدت انو مريض نفسي … حسيت بالخوف … خفت قلو لا … و مستحيل اعملو الي بدو ياه
تماسكت و قلتلو يمكن ما بيجو على قياسي
سامر : امبلى بيجو .. ( وملامحو بلشت تصير جديه )
ليان : طيب بكرة لاغسلن
سامر : اوووووعي …. اوعي يا ليان والله بدبحك ..
جمدت باررضي … شو يدبحني … شو اعمل ياربي دخيلك شو هاد
ليان : طيب ضروري هلا ؟
سامر قرب ومسك ايدها : والله بعيشك ملكة والله الي بدك ياه بيصير
ليان : كل الي بدي ياه ؟
سامر : كل شي والله كل شي
ليان و هي متردده : حتى لو كان انك تروح ع دكتور نفسي ؟؟
سامر : دكتور نفسي !!!!!!!!!!
ليان : حست ردت فعلو بسيطة كانت متوقعه يضربها او يجن عليها … قوت حالها و قالتلو رح البسلك فساتينها و حط عطرها و مننتقل لغرفتها بس بتروح ع دكتور نفسي … هاد شرطي و ما عندي غير هاد الحكي …
سامر بدون تفكير : طيب موافق …
ليان : منروح ع الدكتور سوا وبعدين منعمل الي بدك ياه .. و حست انها ارتاحت لان سامر ابدا مو طبيعي و بدو علاج حست حالها مجنونه لان عم تعمل هيك بس ما بتقدر تتركو وتروح لانها بتحبو من كل قلبها …. وقررت تفوت هالمعركة وما ترجع لاهلها مطلقة حتى لو كانت عدوتها … #روح
بالفعل تاني نهار صحاني لنروح ع طبيب نفسي وانا فورا لبست و طلعنا … قعدت مع الدكتور لحالنا و قعد مع سامر لحال وسامر ا جبلو سيرة انو طلبل مني عيش معو كأني ريم … بس انا قلتلو كل شي و كان هو املي الوحيد .. كان الدكتور فهمان كتير وشاطر و طمني وقلي انو هي مجرد صدمة لان خسر ابنو ومرتو مره وحده وما كان في حدا جنبو يساعدو وانو هو لسه ما تقبل فكرة انها ميته و انو غلط كتير خليها عايشه بخالو ولازم طلع ذكرياتها من البيت بالتدريج بدون ما نسببلو صدمه او نجبرو على هاد الشي بس مبدئيا معليش سايرو لنوصل للحل …
رجعنا عالبيت و راح جبلي الصناديق وحطهن بغرفتي بس خبى صندوق الصور و كأنو هو نفسو بدو يينسى شكل ريم و يزرع ببالو شكلي انا …. مشيت بالموضوع واكن اصعب من الموت بالنسبه الي … كنت حس بريحة الموت بتياب ريم … وخاف كتير … بعدين صرت شغ قران بالبيت و المعوذاات و ضل صلي واذكر رب العالمين … سامر نفسيتو تحسنت وكان مواضب مع الدكتور و يروح على مواعيدو وانا كنت متماسك لحدا ما اجا يوم وسمعتو يناديني (((( ريم ))) !!!! وقف قلبي من الخوف شوه الجحيم الي عايشه فيه ما عاد قادرة اتحمل … لاحظ عصبيتي و حاول يكفي حديثو كانو بدو يجبرني اتقبل كل شي …. قلي مو كان بدك ولد ؟
لهف قلبي و ضحكت فورا وقلتلو اييييييييه بدي …
قلي واانا بدي نجيب محمد …
حسيت انو بثانيه طيرني بالسما وبثانيه وقعني ع الأرض … قمت من عندو وفتت ع التواليت و اتصلت فورا ع الدكتور وقلتلو الي صار … حاول يهديني وطلب مني روح لعندو بكرا وانو ساير سامر كتير …
رحت تاني نهار وقلي انو ما في استجابه للعلاج وانو الحل بايدي انا … لازم خليه يحبني الي مو لريم … ووقتها حسيت اني صرت بارض المعركة لحالي .. حسيت انا عم حب بالأرض و سامر وريم عم يحبو بالسما ع الغيوم و السحاب ..
بلشت فكر و خطرلي اهرب لعند اهلي لان صرت خاف منو … بس لا انا بحبو وهو مريض … لازم وقف جنبو ورجعو الي … انا الي فتحت هالباب … وانا رح ارجع سكرو ..
ليان: حبيبي انا لازم اغسل تياب ( ريم )
سامر توتر : ل ل ليش ؟؟؟؟
لييان : ريحتن طلعت حبيبي وبدي عزل الغرفه و ارمي الأغراض القديمه
كالعاده رفض بس انا ما سكتت … قلتلو مشان محمد ؟؟؟ كانت اقوى نقطة ضعف الو هي ريم ومحمد و كان لازم هن الي يساعدوني لرجعو لحياتو الطبيعيه
الجزء الثامن
#بقلم_مال_الشام
بلشت بالتدريج طلع أغراض ريم من البيت بدون ما يحس و بس يسالني عن شي بشطارتي شتت انتباهو و خليه ينسى شو سأل و بعد شهر طلعت حامل … ودعيت ربي تكون بنت لان ما بدي جوزي يضل بوهمو ويضل متأمل يرجعلو محمد على ايدي انا …. والله استجاب لدعائي … جبت بنوته اسها ( نور ) دعيت ربي تنور حياتي و ضليت ادعي لجوزي و شغل القرآن بالبيت حط بنتي بين ايديه وقلو بدي جبلك غيرا سبع ولاد و مع الوقت ما ضل شي من أغراض ريم عنا بالبيت قدرت اخلص من كل شي بالتدريج اوقات كان يجن علي بس لما بنتي تبكي يسكوت و يهددني ما ضيع شي تاني من اغراضها بس ما كنت خاف منو لان فهمت شو دواه و صرت عودو نروح نزور قبرها هي وابنو كل أسبوع وعودو انو ريم ميته كل ما ينزكر اسمها قلو ( الله يرحمها)… ( الله يدخلها الجنة بدون حساب) و كل فترة و فترة قلو نحنا لازم نطلع صدقة عن روح ريم … تعبت معو كتييييييييييييير و جيت نور نستي كل الهم و التعب الي عشتو و كان تأثيرها كتير كبير ع ابوها الي نسي كل الدنيا بس شاف بنتو .. كان بدو يسميها ريم و قدرت اقنعو بصعوبه ما يسميها هيك مشان ما تزكرها بكل مطرح … حاولت اعمل كل شي ليحبني من قلبو وما حسستو للحظة انو ريم عدوتي او بغار منها … صار يزور قبرها كل أسبوعين مره … بعدين كل شهر مره … و فورا قررت جبلو ولد تاني لما شفتو قديش بحب الصغار …. و هلا … بعد أسبوع رح ننتقل ع بيت تاني !!!! رح نترك الغرفة و الخزانة و ريحة ريم… و بلش مع حبيبي من جديد
حبيبي الي عشت معو المره قبل الحلوة
#تمت
…………….النهاية ………..