بيف ستير فراي او اللحم البقري بطريقة الستير فراي الصينيه, أكل صيني لذيذ جداً
التتبيله/
١/٢ كيلو لحم بقري طري شرايح
١ م ك سكر
١/٤ م ص توم بودره
١/٤ م ص فلفل اسود
١/٢ مكعب مرقة لحم او خضار
٣ م ك صويا صوص
١ م ك خل ابيض
٢ م ك زيت
١ م ك نشا
بالترتيب نخلط النواشف مع بعض
ماعدا النشا ونضيفهم عاللحمه ونقلب
كويس بعدين نضيف السوائل ونقلب
وآخيرا النشا واتركيهم في التتبيله
قبلها بيوم
المقادير/
٣ فص توم مفروم
١ م ص جنزبيل بودره
٢ جزر شرائح طوليه رفيعه
١ فلفل اخضر شرايح رفيعه
١ كوب بروكلي
١ بصل اخضر حلقات
٢ م ك سمسم محمص
١/٢ كوب صويا صوص
اقل من ١/٤ كوب مايه
الطريقة:
– سخني الطاسه (الووك) كويس بمعلقة زيت ونزلي اللحمه “بدون تقليب”عشان يتكرمل السكر ويبقى لونها بني (مش هاتتحرق ماتقلقيش لان النشا حاميها).
– وبعدين قلبي الجهة التانيه تاخد نفس اللون والكرمله وخليها عالنار (أقل من ١٠ دقايق) مع التقليب هاتستوي جدا
واركنيها.
– في نفس الطاسه نزلي الجزر والفلفل والبروكلي مع معلقة زيت يتشوحو وضيفي التوم يصفر والجنزبيل والمايه وغطيهم ٥ دقايق وقبل السوا الكامل ضيفي الصويا صوص والبصل على نار هاديه ونزلي اللحمه والسمسم ١٠ دقايق وطفي وقدميه مع النودلز المقليه او الرز.
نسعد بمتابعتكم لنا على جروب زاكي لفن الطهي:
بيف ستير فراي او اللحم البقري ,أكل صيني لذيذ جداً