قصة الليلة بعنوان .. كوني قوية

المهم ما عرفتكم روزان عمري ١٦

المهم ابي وامي حايرين فيني التي حلوة وجذابة وابي حالف يمين بس خلص مدرسة بزوجيني لاول واحد بدق الباب بس يا اخي انا ما بدي أتزوج!! وامي ما بتخلي ست كبيرة عند شباب خرج جيزة الا وبتحكيلهم عني

وانا مطنشة على الاخر عني دراستي وبس

مرت السنتين على خير واجت سنة البكالوريا والخوف والقلق معبيين عيوني وقلبي والنوم ما عدت مين طعمه كل وقتي دراسة اجت الامتحانات وانا متحمسة وخايفة والحمدلله امتحنت و عطلت وقعدت استنى النتيجة وامي وابوي مو متحمسين بس اختي ناريمان كتير مبسوطة الي واخي زيد كمان . اجا يوم النتائج رحت شوف نتيجتي الصدمة والفرحة جبت ٩٩ وانا مو مصدقة قعدت ابكي واضحك واطيير معقول طبعا ناريمان و زيد عملو حفلة كبيرة وجابوا كنافة لكل البلد مو بس الحارة وفعلا نمت هداك اليوم وانا مبسوطة وصليت صلاة الشكر لربي الحمدلله

وبعد النتيجة باسبوع فاتحت اهلي بقصة تسجيل الجامعة وبدي فوت طب صيدلة اهلي قالو بكل برود مافي دراسة يلا اقعدي بالبيت وانا انصدمت وقعدت ابكي وقالولي جايكي بكرا عريس يلا رتبي حالك قلت ما راح استقبلو لو بتموتو وضربوني زطلعوني بالغصب قال شب غني وعندو بيت وسيارة وضراب السخن وعندو كلشي

يا حبيبي الصدمة طلع راسب بكالوريا لك اخخ انا العبقرية اخد هالجاهل هاد شو بدي في مصاريه وبعدين لمعت فكرة قلت بقدر استفيد من هالمصاري باني اتعلم وبصير اخد حبوب منع حمل حتى ما اتورط بالخلفة وقلت لاهلي اي شو عليه وانا موافقة كلن اطلعوا فيني وانصدموا واتوقعو اني اعمل مناحة بس بعدين فهمت زيد وناريمان كلشي وهنن وافقوني الفاتحة وحددنا موعد كتب الكتاب والخطبة زابط وانا كنت اضحك عليه كتير حاكم هو صح حلو بس عندو شوية هبل وتمت الحمدلله وكتبت كتابي وحددنا العرس بعد شهرين ما شريت كتير لاني مو كل هالقد مبسوطة وبعدين اجا يوم عرس الكل انعجب بجمالي وباناقتي وفستاني من تحت اكبر مصممات البلد ( اي لكن يا عمي الفلوس هي ) ومشيت ليلة للعرس الحمدلله واجا تاني يوم وتالت ورابع ومرق شي اسبوعين وجيت بدي فاتحه بقصة بالجامعة و كالعادة يا عمي اساليب الخفية اللي بستعملها عاملتو متل الخاتم لللي باصبعي وقلتللو : رامي حبيبي كيفك اليوم

رامي : منيح

روزان : حبيبي انا بدي اطلب منك صغير هالقد

رامي : اامريني ام الروز هاتي لشوف

روزان : انت بتعرف منيح اني خلصت البكالوريا بمعدل حلو كتير وبيرفع الراس واهلي حرموني من التعليم كرمال لاني مو متزوجة وخافو علي وهلا الحمدلله انتي زوجي وسيدي وتاج راسي كمان بقا تؤبرني خليني سجل بالجامعة لحتى صير دكتورة وتنبسط فيني وواولادي كمان ؟ زصرت سبل بعيوني

طبعا هو زم شفافو وما عجبوا الكلام بس صار يفكر

قلي بشوف الموضوع وبردلك خبر

بعد كم يوم وبعد اساليب الاقناع والخداع وافقق اني كمل دراسة وانا من فرحتي صرت زلغط وعطول رنيت على نرومة وزيدون يقبروني وبشرتن وانبسطو بس دايما ما بتزبط معي طلعتلي حماتي فص الغفلة الله لا يوفقها الكلبة وقالت مافي تعليم عندك زوج وبيت وبكرا جاييكي ولاد يلا لشوف وشديلي حيلك على شغلة الولاد بدي شوف ولاد ابني عم قدامي

( ان شاء الله بنطو قدامك السعادين والقرود يا حماتي الكلبة ) سفقت الباب بوجها ومن شو بدي خاف منها زلا من ابنها الطرطور يضربو هنن التنين ..

و بعدين نمت على طول وانا ببكي و وقلت ما بكون روز اذا ما بندمكم رحت عطوول طلبت الطلاق وقلت ماني قاعدة عندكم وروحت عند اهلي مطلقة بس معي دهباتي وقلتلن انا بدي كمل دراسة غصبببن عنكم ومعي فلوس كتيير بدي ادسجل في الجامعة وفعلا بعت اسوارة واتسجلت طب الصيدلة حلمي وبعدين قلت كيف بدي كمل شو بدي ضل بيع وهدول خمس سنين والسنة الوحدة بدها مليون ليرة .؟ بحكم انو عقلي ذهبي صرت اعطي دروس خصوصي للبنات والشباب اللي بعمري وصرت اخد فلوس على الساعة وهيك صرت بقدر كفي كل فصل وحقه .. في جزء تاني بس لسا مطول وفي حماس اكتر