مسابقة ملكة الحلويات كيكة الريد فلفيت
مسابقة ملكة الحلويات كيكة الريد فلفيت
المقادير
- ٤ بيضات
- معلقتين بكنج باودر
- معلقتين فانيلا
- نص كوب زيت
- ٢٠٠ غرام زبدة
- كوبين لبن رائب
- بطرف المعلقة كربونة
- نص معلقة خل
- نص معلقة صبغة حمراء
- اربع اكواب طحين
- كوبين سكر
- للكريمة:
- علبة كريمة جاهزه
- معلقة زبدة
- رشة فانيلا
- نص كوب سكر
- كوب ماء بارد جدا
- جبن كريمي او جبن مثلثات
الخطوات
في وعاء بخفق الزبدة مع السكر لحتى يتجانسو بنضيف البيض وبنخفق بنضيف الزيت وبنرجع نخفق وفي وعاء تاني بنخل الطحين والكاكاو والفانيلا والبكنج باودر ورشة الملح وبنضيفهم للبيض وبنرجع نخفق هون الخليط بكون جامد
بنجيب اللبن وبنحط عليه الصبغه الحمرا وبمزجو منيح وبضيفه لخليط الكيك مع الخفق بحذر لحتى ينمزج منيح مع خليط الكيك
بحط بصحن الكربونه وبحط عليها الخل وبضيفها لخليط الكيك وبقلب بالمعلقة
بجهز صنيتين حجم صغير بدهن فيهم زيت ورشة طحين وبحط فيهم الخليط بالتساوي وبدخلهم الفرن المحمى مسبقا ١٨٠ لنص ساعه لكل صنيه
بخفق الكريمه مع كأس الماء البارد لحتى تتماسك وبحط عليها جبن كريمي او جبن مثلثات حسب المتوفر ومعلقة فانيلا ومعلقة زبده والسكر وبخفقهم منيح
بس يستوي الكيك بنطلعه من الصنية وبنتركه يبرد وبنقسم كل كيكة لنصين بسكينة كبيرةبنستخدم ثلاث طبقات وطبقة بنطحنها بمحضرة طعام وبنخليها للزينة
بنحط طبقة كيك وبعدين كريمه وبعدين طبقة كيك وبعدين كريمه وبعدين اخر طبقة كيك وبندهن الوجه والجناب وكل الكيكة بالكريمه والكيك المفتت بنثبته على الجناب وبعمل وردات بالكريمه وبحط عليهم فراوله
