افضل طرق تفريز ورق الدوالي والنتيجه لون وطعم وشكل
الطريقة:
– اغلي الماء و بستقطي الدوالي واقلبيه عالجتهين وانشليه فقط ليأخذ لون, هتلاحظي لونه تغير, بمجرد ما اللون يتغير اقلبيه على الجهة الأخرى, ثم اخرجيه من الماء, بعدين حطيه بماء بارده وانشليه حطيه بمصفايه لحتى تنزل الماء منه بعدين سفطيه باكياس وعالفريزر.
– هلا وقت الطبخ بس طلعيه من الفريزر قبل بوقت ليذوب الثلج واذا كنتي مستعجله حطيه بماء بارده.
– ويهذه الطريقة, نحن أصبحنا بغير الحاجة كلي نسلق ورق العنب عند لفها, فقط طلعيه قبل بوقت ليفك التجميد, وابدئي بلفه.
– ماهي أسباب أن يصبح ورق العنب به تمزعات وشقوق, بعد عمليه التفريز؟
بتخزق ورق العنب لما ما تصفيه من الماء بشكل جيد و أيضاً بكون الكيس مش مغلق كويس لازم تفرغي الهواء منه.
من سنين وانا بعملها هيك وكمان انا عندي دوالي كثير بلقط وبفرز وبوزع كثير وكل اللي اخذوا من عندي صاروا يعملو نفس طريقتي.
وإليك طرق أخرى عزيزي القارئ, تُخبرنا عنها المبدعة إم بلال السويركي:
الطريقة الأولى/ طريقة التخليل
– اغسلي الورق وقمعيه ورصيه بمرتبان الضغط وضلك رصي منيح واعملي مي وملح بعيار البيضه بس زودي الملح ملعقه زياده وحطي نص كاسه خل ابيض وحطي على الورق وما تسكري المرتبان.
– هلا تاني يوم بتلاقي هبط وصار فيه وسع ارجعي حطي ورق اخضر حتى يتعبأ على الاخر كملي مي وملح وخل وعلى الوجه زيت زيتون وقفليه منيح.
– ميزته انك بتاخدي قد مابدك من الورق وبترجعي تسكريه انا جبت مرتبانات على قد الطبخه صراحه, صحتين وعافيه.
الطريقة الثانية/ طريقة الماء والملح
بحط على ورق العنب ماء وملح وخل لمده 3 ايام بعدين بعصره منيح وبلفه برول البلاستيك وبفرزه.
الطريقة الثالثة/ التفريز
وهذا متل طريقه الاخت ايمان سلقته خفيف وبردته بالمي والتلج وبس برد منيح عصرته ولفيته بالبلاستيك برضه وفرزته.
الطريقة الرابعة/ اللف مثل السيجارة
وهذه الطريقة مقدمة من المبدعة Nesreen Kamal طريقة الزجاجات بحط فيها الورق بدون غسل بلفه متل السيجارة وبعبيه في زجاجات ولما بدي اياه بقطع الزجاجة وبغسله منيح وبسلقه شوي.
نسعد بمتابعتكم لنا على جروب زاكي لفن الطهي:
افضل طرق تفريز ورق الدوالي والنتيجه لون وطعم وشكل