مسابقة ملكة الحلويات Apple pie عالطريقة التركية

المقادير

• 250 غرام مرغرين
• نص كوب سكر بودرة
• 1 ملعقة كبيرة لبن
• 1 ملعقة صغيرة فانيلا
• 1 ملعقة صغيرة باكينج باودر
• بيضة
• 3 كوب طحين وممكن نحتاج اكتر حسب ما تتماسك العجينة
• للحشوة: 2 تفاح اصفر حلو المذاق مبروش نص كوب سكر عادي 1 ملعقة كبيرة قرفه نص كوب جوز مبشور

الخطوات

#اول اشي لازم تكون مرغرين مو زبدة عادية

#نضع جميع المكونات عدا الطحين بعدين بنضيف الطحين بالتدريج لحد ما تتماسك العجينة ونتركها بالتلاجة نص ساعة

#نبشر التفاح ونضعه عالغاز مع القرفة والسكر وبس يتنشف كل المي إلى عليه بنطفي ونضيف الجوز عليها

#بنطلع العجينة من التلاجة ونقطعها كور ونحشيها ونشكلها متل ما بنحب

#نضعها بالفرن ع درجة 180 والوقت من 10 ل 13 دقيقة انا ستوت من تحت حطيتها تحت الشوايه بس ما خليتها تتحمر

#نرش عليها سكر بودرة

#ونقدمها كتير زاكية وبدوب بالتم دوب