مسابقة ملكة الحلويات كيكة قدرة قادر
مسابقة ملكة الحلويات كيكة قدرة قادر
المقادير
- أكياس الكراميل الموجودة بباكيت الكريم كراميل أو كوب سكر عادي نكرملة عالغاز
- للكيكة:
- 2 بيض
- نص كوب زيت ذرة
- كوب ونص طحين
- 1 ملعقة صغيرة فانيلا
- 2 ملعقة صغيرة باكينج باودر
- نص كوب سكر
- 5 ملاعق كاكاو خام مر
- ملعقة نسكافية لنكسر طعم الحلاه
- كوب حليب.
- لطبقة الكراميل:
- 2 باكيت كريم كراميل
- 4 كوب حليب
- سكر حسب الرغبه والاحسن يكون خفيف
- 8 ملاعق حليب
الخطوات
نضع الكراميل بالقالب انا عملته بقوالب الكب كيك
نبدأ نعمل الكيكه قبل الكريم كراميل عشان ما يجمد بالطريقة الكيكة العادية
نخلط البيض والسكر والزيت والفانيلا بعدين بنضيف الطحين مع الباكينج باودر بالتدريج والكاكاو والحليب
بنعمل الكريم كراميل بالطنجره بنحطة كل اشي ع البارد بعدين بحطة عالغاز يغلى مدة 3 دقايق
اول اشي بنحط خليط الكريم كراميل بالقالب وبعدين بنحط خليط الكيك وما تخافوا أولها راح يمتزج ببعض ويختلط
نضع صينية إلى فيها الخليط أو القوالب بصينيه أكبر ونضيف الماء المغلي فيها يعني حمام مائي
نضعه بالفرن ع درجة 180 والوقت 40 دقيقة بالقالب الكبير وللقوالب الصغيرة 20 ل 25 دقيقة ونتاكد منها بعود أسنان
وبس نطلعها لازم نستنى ربع ساعة وبعدين ندخلها التلاجة لمدة 4 ساعات أو اكتر لتجمد ونقلبها ونقدمها
هلا بهاد المقدار بتطلع حلاتها وسط ممكن نزيد السكر بس بتكون كتير حلوة
