مسابقة ملكة الحلويات الكب كيك بالموز والبرتقال

المقادير

• كاسة ونص طحين
• نص كاسة نشا
• كاسة سكر
• كاسة الا ربع زيت
• معلقتين صغار بكنغ باودر
• معلقة صغيرة فانيلا
• بيضتين
• حبة موز
• كاسة عصير برتقال
• معلقة برش برتقال
• معلقتين حليب بودرة

الخطوات

ننخل الطحين والنشا والبكنغ باودر مع بعض وبتركهم على جنب بالخلاط بحط كل السوائل البيض والزيت وعصير البرتقال وبحط معهم السكر والحليب والموزة والفانيلا وبرش البرتقال وبخلطهم كتير منيح حتى يذوب السكر وبعدين بضيفهم فوق الطحين وبخلطهم وبوزعهم بقوالب الكب كيك بعد ما احط فيهم القوالب ورق الزبدة وبخبزهم تقريبآ عشر دقايق بالفرن المحمى مسبقآ وصحتين وعافية هاي الكمية بتعمل تقريبآ خمسة وعشرين حبة