فطار من قرص وكوكيز وكلوب ساندوتش

الخطوات

مساء الفل…

فطار لذيذ..قرص..وكوكيز..وكلوب ساندوتش

القرص..

كوبيتين دقيق عليهم معلقه كبيره خميرة فوريه..ومعلقه كبيره سكر..ورشه ملح…نضيف عليهم نص كوب سمنه سايحه نخلط كويس جدا..نضيف ربع كوب زبادي..ونص كوب لبن دافي..تعجني كويس..لقيتيها بتلزق..ضيفي دقيق..لقيتيها ناشفه ضيفي شويه لبن.هتبقي عحينه طريه..نغطيها ونسيبها تخمر في مكان دافي..لمده نص ساعه..اعملها كور..واحشي كل كوره جبنه بيضه..واكورها تاني..واضغط عليها عشان تبقي قرص..في صينيه مدهونه..اسيب مسافه بين كل واحده انا دهنت وشها بيض..ورشيت سمسم وحبة البركه..هدخلها فرن سخن في النص تحمر من تحت واولع سنه من فوق…واول ماتطلع تغطيها بفويل شويه..

اما الكوكيز…

١٠٠جرام زبده في درجه حراره المطبخ..هضرب معاها بالمضرب..تلتين كوب سكر..هضرب كويس بعدين اضيف بيضتين..واحده ورا التانيه واضرب..اضيف فانيليا سايله..واضرب كله..اكون محضره بوله فيها كوبيتين دقيق عليهم ربع معلقه صغيره..بيكنج صودا..اقلبهم مع بعض..اضيف خليط البيض علي الدقيق واعجن كويس…اضيف نص كوب تشيكولت تشيبس واعجن بايدي العحينه هتكون لينه ..هحط ورق زبده واشكل الكوكيز..واسيب بينهم مسافات..وعلي الفرن…اهم حاجه التسويه..هتحطي الصينيه في النص..ويدوب تبتدي الكوكيز تتماسك.وتحمر سنه صغيره من تحت..تولعي فوق تفضلي واقفه قدامها لانها مش بتاخد حاجه هتحمر سنه..تطلعيها فورا..يعني الكوكيز بتطلع وهي طريه من الفرن مش جامده..طرييييه..ماشي..هي بقي بتنشف بره لما بتتعرض للهوي..عايزاها طريه تحطيها في علبه علي طول وتقفلي عليها أول ماتطلع من الفرن..عايزاها ناشفه..سيبيها مكشوفه فتره لما تطلع من الفرن…

اما كلوب ساندوتش…مافيهوش فن..توست كذا طبقه بينهم لنشون وجبن وزيتون..وقطعته مثلثات..ممكن تحمصيه في جريل السندوتشات تغيير..في الشكل مش اكتر