طريقة الكعك بالطحين
طريقة الكعك بالطحين
المقادير
- اربع كاسات طحين
- كاسة وثلاث أرباع سمنة
- كاسة سكر بودرة
- نص كاسة حليب بودرة
- معلقة صغيرة محلب
- معلقتين كبار فانيلا
- حليب سائل للعجن الكمية حسب نوع الطحين
- مقادير حشوة
- التمر هية تمر معجون
- معلقة يانسون مطحون
- معلقة شومر مطحون
- ربع معلقة صغيرة جوزة الطيب
- نص اصبع زبدة
الخطوات
بحط السمنة والسكر وبخفقهم مع بعض وبعدين بضيف عليهم الحليب والفانيلا وبخلط وبعدين بحطلهم الطحين والمحلب وببسهم مع بعض كتير منيح حتى يصير عندك العجين مخملي وبعدين بعجنها بالحليب حتى احس العجين صارة متل المعجونة بإيدي بقدر اشكلها وبعدين بتركها ترتاح شي ربع ساعة وبكون عاجنة مكونات التمر مع بعض وببلش أشكل وبس أخلص الكمية كلها بجيب حليب بودرة بحلو بمي باردة وبخلي يكون شوي ثقيل وبدهن الكعكات في وبشويهم بالفرن مشعل فوق وتحت محمى مسبقآ بالرف الوسط حتى يتحمر من تحت وفوق وصحتين وعافية معلومة انا متأكدة رح تسألوني وين الخميرة او البكنغ باودر انا عن نفسي ما عمري استخدمتها بطلع غير شكل جربو واعطوني رأيكم ودعواتكم الي
