كيف تعملي كيكة شكلاته ع شكل قلب
كيف تعملي كيكة شكلاته ع شكل قلب
المقادير
- ٤ بيضات
- كاسة سكر
- فنيليا
- كاسة حليب سائل
- كاسة الا ربع زيت
- كاستين الا ٣ ملاعق طحين وبتكمليها بالكاكاو
- بيكنج باودر
- مقادير صوص الشكلاته
- كاسة سكر
- ٣ ملاعق حليب
- ٣ ملاعق كاكاو
- نص كاسة ماء
- ملعقة نشا
- زيت
الخطوات
بتشغلي الفرن ع درجة حرارة متوسطة بعدين بتحطي البيض بلخلاط بتخلطي بعدين بضيفي السكر والفنيليا وبتخلطيهم منيح بعدين بضيفي الحليب والزيت وبتخلطيهم بتكوني محضرة جاط بتنخلي في الطحين والكاكاو والبيكنج باودر بعد ما تنخليهم بضيفي الخليط الي خلطنا بلخلاط وبتحركي باتجاه واحد بتكوني محضرة صنية متوسطة الحجم بتكوني داهنيتها زيت وراشة عليها طحين وبديري الخليط وبتحطيها بلفرن بس تنضج منيح للتاكيد بتغزي فيها عود يطلع معك نضيف بس تبرد شوي بتقلبيها مرتين لحتى يرجع عنى الوجه العلوي بتكوني قاصة ورقة ع شكل قلب وبتحطيها ع الكيكة وبتقصي حسب الورقة
طريقة تحضير صلصة الشكلاته
بتحطي الماء وبعدين السكر بتخلطيهم بلخلاط بعدين بضيفي عليهم الحليب البودرة والكاكاو ونشا وبتخلطيهم وهو الخلاط شغال بتبلشي تنزلي زيت شوي شوي تمنو يجمد معك منيح وبتدهني الكيكة وبتزينيها بفواكة حسب الرغبة او اي اشي بدك اياه
للاستفادة من بقاية الكيك بتفتفتيه منيح وبدوبي نسكافية بشوية ماء مع سكر وبتشري الكيك المفتفت وبتعجني منيح وبتعملي كرات وبتغمسي بصوص الشكلاته بعد ما تعمليها كرات وبتزينيها باي نوع مكسرات مثال جوز هند او فستق حلبي او لوز حسب الرغبة بعدين بتحطيها بلفريزر لما يجمد وتقدم
بتمنى انو الوصفة تكون عجبتكم وصحتين ع قلوبكم
