المقادير

• بكتين بسكوت ساده
• ٥ كاسات حليب
• كاسة سكر
• ٤ معالق ماء زهر
• ١٠ معالق نشاء
• بكيت جلي بنكهة الفراولة او أي نكهة

الخطوات

بنجيب بايركس بنحط في البسكوت وبنكسره لقطع صغيره

بنحط بطنجرة اربع كاسات حليب وكوب السكر وبنغليهم مع التحريك مشان يذوب السكر

بنجيب كاسة الحليب اللي ضلت وبنحط عليها النشا وبنذوبه فيها ولما يغلي الحليب اللي على النار بنضيفله الكاسة بالتدريج وبعدها بنضيف ماء الزهر وبنخليه يجمد ويغلي وبنطفي

بندير المهلبية فوق البسكوت وبنتكره يبرد وبنحطه بالثلاجه ساعه

بس نتاكد انه المهلبية جمدت بنعمل الجلي متل ما هو مكتوب عالبكيت كوبين ماء بنغليهم على النار وبعدين بنضيف بودرة الجلي وبنحركهم لحتى يذوب وبنضيفه فوق المهلبية شوي شوي وبنتركه يبرد وبنحط البايركس بالثلاجه وبس يجمد الجلي بنطلعها وبنقدمها وصحه😘💝