غدا لذيذ

الخطوات

ده غدا لذيذ..مافيهوش حاجه مميزه غير قدمته بطريقه حلوة…حضرت السفرة الديكورات والمفارش..والسرفيسات اللي هحط فيها والاكل علي النار…يعني رتبت ديكورات السفرة كلها والاطباق الفاضيه ولما استوي الاكل رصيته وذوقته العمليه سهله عايزه بس شويه تنظيم

طبعا محشي كرنب كلكم عارفينه..مش هقول طريقته…شيش طاووق رووعه..طريقته في اخر الصور…وريش في صينيه في الفرن..تبلتها قبلها بيوم..بصويا صوص..وملح وفلفل وبهارات وجنزبيل وقرفه..وبابريكا ولمون..وصوص الباربيكيو…وبصل وتوم..وتاني يوم…اخدتها كم غلوة فوق علي البوتاجاز..وبعدين غطيتها ودخلتها الفرن تستوي.. وبطاطس ويدجز عليها صوص جبن…البطاطس جاهزه..انا عملت بس الصوص…وكرات اللحمه بالوايت صوص…

لحمه مفرومه..حطيت عليها بصله..وملح وفلفل وقرفه وجنزبيل وبقسماط مطحون وبهارات…وكورتها كور صغيره..وحطيتها في صينيه في الفرن..ولما استوت…حطيت عليها الصوص..اللي هو كريمه طبخ..وعليه توم باودر وملح وفلفل وشويه دقيق..وقلبتهم علي النار لغايه ماتقل شويه.. وصينيه رز باللحمه المفرومه بالبشاميل…