كرات الكفتة باللبن

كرات الكفتة باللبن, معكم صديقة زاكي الشيف الموهوبة  ام عمر, لو بتدوري على طبخة زاكية وخفيفة كتير على المعدة لازم تجربي كرات الكفتة باللبن جدا أكلة راقية, اكتبولي رأيكم في التعليقات وانتظروني في المزيد من الوصفات.

المقادير

• للكفته:
  نص كيلو لحمه مفرومه ناعم
  بصلتين
  ضمة بقدونس
  حبتين بندورة
  بهارات نص معلقة فلفل اسود معلقة ملح رشة قرفة
• للبن:
  كيلو لبن رايب
  بيضة
  رشة عصفر
  معلقة صغيرة ملح
  مكعب ماجي
  ٣ أكواب ماء او مرق دجاج
• للأرز:
  كيلو رز مصري
  كاسة شعيرية
  معلقة ملح
  معلقتين زيت

الخطوات

بسم الله ببلش بالكفته بفرم البصل ناعم والبقدونس والبندورة وبضيفم للحمه وبضيف عليهم بهارات وفلفل وملح وقرفة وبعجنها منيح

بعمل الكفتة كرات وبحطها بصنية وبدخلها الفرن لحتى تتنشف ميتها وتمسك وبحمرها

بخلط اللبن عالخلاط مع بيضة وبديره بطنجره وبحط عليه الماء ومكعب ماجي وعصفر وملح وبضل احرك فيه ليغلي وبسقط فيه الكفتة وبخليه ربع ساعه وبطفي تحته

بنقع الرز ربع ساعه وبحمص الشعيريه مع فنجان زيت قلي وبدير فوقها الرز وبحط عليها ملح وماء قدر غمرة الرز وبركبه عالنار وبس يغلي بطفي تحته ليستوي

وصحه حبايبي