طريقة الزرب, ارز بالخضار والدجاج بطريقه شهيه مقدمه من الصديقه المبدعه / زهور الحياة, ويعج الزرب من الأطباق المميزة التي يتم طهيها في العادة في الخلاء, وذلك بعمل حفرة في داخل الأرض, ووضع برميل يتم إشعاله بالحطب حتى يصبح على درجة حرارة عالية, ثم نضع الدجاج أو اللحم به, مع الأرز ونتركه ينضج, ستحصل على نكهة روعة للدجاج, ولكن يمكن عمل الزرب في فرن العادي في البيت, لنتابع الطريقة الان.
المقادير للتتبيلة الدجاج:
دجاج مقطع 8 قطع لكل دجاجه
ملعقه خل
ملعقه كبيره كاتشب
ملعقه كبيره صلصه بندوره الي هي نفسها رب بندوره
ملح وبهارات مشكله وبابريكا حلوه مطحونه ملعقه صغيره وكمون وشوي كاري وفلفل اسود وبهارات كبسه
زيت ذره
وعصير ليمون ملعقه كبيره
كلهم بنخلطهم سوا وبنتركه على جنب شي ساعتين
طريقة الخضار:
بازيلا
وجزر مقطع مكعبات
وبطاطا مقطعه مكعبات
وحبه بندوره مقطعه مكعبات
وبصله مقطعه مكعبات
وفصين ثوم ومفروم ناعم
بنخلطهم على جنب وبنتبلهم بملح وبهارات مشكله
بننقع رز بسمتي لمده نصف ساعه
طريقة طبخ الارز:
بنحط زيت وجزره مبروشه وبصله مقطعه شرايح وبنحركهم مليح وبنبضيف الارز وبنحط عود قرفه وورقه غار وحبتين هيل وحبه ماجي مذوبه بماء بنضيف الماء على الارز وبنطبخو لحتى يستوي.
طريقة تطبيق الوصفه:
– بنحضر صينيه تيفال وبندهنها زيت وبنصف الدجاج فيها مع بقايا خلطته وبعدها بنضيف الخضار على الدجاج طبعا الدجاج ني والخضار كمان بعدها.
– بندخن الدجاج مع الخضار بفحمه مولعه بنحطها بزيت وبنغطيه بقصدير لحتى تمسك ريحه التدخين بنكشفو وبنضيف الارز المطبوخ طبعا على وجه الخضار وبنحط قصديره على وجه ارز بشكل صحن فيها زيت وبنحط فحمه للتدخين وبنغطي الصينيه بقصدير وبنسكرها منيح بنحطها بالفرن لمده ساعه.
– ونصف على نار حاميه اول ربع ساعه وبعدها بنهدي النار وبنتركها طبعا عالرف الاول وبس تنتهي الفتره بنشيل القصدير وبنقلبها بسدر وصحه.
نسعد بمتابعتكم لنا على جروب زاكي لفن الطهي:
طريقة الزرب