طريقة عمل مقلوبة الزهرة بالصور
المقادير:
٣-٤ حبات باذنجان مقطعات حجم كبير ومقليات
حبة بطاطس كبيره مقطعه حلقات عريضه ومقليه نص قلي
حبتين جزر كبار مقشرات ومقطعات اقلام عريضه ومقليه نص قلي
حبة بصل كبيره مقطعه طرانشات عريضه ومقليه
قرنين فلفل اخضر حلو او حار مقلي
٣-٤ اكواب ارز حبه قصيره منقوع
بهارات ( ملح وفلفل اسود وبهار مشكل وهيل مطحون وقرفه مطحونه ربع ملعقه وعودين قرفه
٥ حبات قرنفل و ٤ ورق غار ربع ملعقه جوزة الطيب مطحونه )
كركم او عصفر ( اختياري )الطريقة:
– اول شي بنقلي الدجاج شوي يعني بس يتغير لونه وبنسلقه بملح وفلفل اسود والبهار المشكل وهيل وعودين القرفه وربع املعقةالقرفه وورق الغار والقرنفل ونص حبة بصل مفرومه ).
– وفي قاع الطنجره بنذوب ٣٠ جرام زبده وبنصفت الباذنجان والبطاطا والدجاج المسلوق والفلفل والجزر والبصل المقليين.
– الرز المنقوع بنضيف عليه ملعقه صغيره كركر وجوزة الطيب ورشة بهار وقرفه وبنرصه فوق الخضار والدجاج اللي صفتناه بالطنجره وبنضيفله مرقة الدجاج وبنتركه على نار هاديه حتى يتشرب المرقه وتنضج المقلوبه وبنغلق النار تحتها بنتركها ١٠-١٥ دقيقه وبعدين بنقلبها وبنستمتع بالطعم.
ملاحظات المبدعة جنى/
– انا حطيت ٤ كبايت رز نقعته ٢٠ دقيقه بماء دافئ ونوع الطنجره سيراميك ومرات بستخدم ستانليس ( كروم يعني).
– بس تطبقوا المقلوبه وتحطوا الرز عالخضار والدجاج بتضغطوا عليه شوي.
– وبعد ما تغلقوا النار تحت الطنجره بتخلوها ١٠-١٥ دقيقه بعدين بتقلبها واستنوا دقيقه بعدين ارفعوا الطنجره وازا حاسه انه ممكن تكون لازقه بتبللي فوطه وبتمسحي قفا الطنجره, وصحتين و ألف هنا.
نسعد بمتابعتكم لنا على جروب زاكي لفن الطهي:
طريقة عمل مقلوبة الزهرة بالصور