المقادير:
٣باكيتات بيكنغ بودر ( الباكيت يُعادل 10 غرام يعني المجموع الكلي 30 غم أو 3 ملاعق كبيرة)
٢كاس لبن (زبادي باللهجة المصرية)
١ كاس زيت
٤-٥ كاسات طحين(ممكن ياخد اكتر حسب نوع الطحين)
بالاخر عالوجه قرشلة أو بقسماط أو كعك مطحون
الطريقة:
– منعجن هالاربع مكونات وهي الطحين واللبن والزيت والباكينج باودر وبتتشكل عنا عجينة منحشيها يللي منحبو ..انا حشيت شي بجبنة وشي بزيتون اسود مهروس (بينباع بمطربانات).
– ومنشكلها ومنغطسها بال galeta unu ومنصفها بالصينية وبعدين منكون محمين الفرن من قبل وحاطين ورق زبدة عصينية الفرن ومنخبزها لتتحمر وصحة وهنا على قلوبكم.
ملاحظات ?
– الشكل المستطيل كيف عملتو بتعرفي .. كيف وقت منعمل دائرة منفتح العجينة فوق ايدنا دائرة ومنحط فيها الحشوة ومنلم الاطراف عبعضها ومنكورها ومنخلي محل الفتحة لتحت حتى ما تفتح وقت تنفش بالفرن … المستطيل نفس الشكل افتحي على ايدك العجينة بس افتحيها على شكل بيضاوي و مستطيل يعني تكون مفتوحة بالطول ..وحطي الحشوة بالطول وبعدين لمي الطرف العريض على بعضو وبعدين الطرف الديق وزبطي الشكل وخلي المحل يللي كان مفتوح لتحت .. وانا بعدين بالسكينة عملت تلات شخط بالمائل يمكن بالصورة ما طلعو اضحين بس عالحقيقة طلع شكلهم حلو.
– ابدا ما تتركيها تتخمر لا بعد العجن ولا بعد التشكيل .. هاي خاصيتها انو تعجنيها وتشكليها وفورا عالفرن ما بدها وقت لتتخمر.
وهذا تطبيق للوصفة من صديقة زاكي المبدعة Strew Berry:
نسعد بمتابعتكم لنا على جروب زاكي لفن الطهي:
تعرف على أسرع خبز في العالم خبز 123