كنافة كزابة

المقادير

• خبز توست أو صمون أو بيتا
• أي نوع متوفر زبدة
• سمنة
• صبغة اختياري
• بسكويت سادة
• قشطة
• حليب
• سكر
• سميد ناعم
• جبنة

الخطوات

كنافة كزابة 😍😍

اول شي افرمي ع الخلاط او المكسر خبز توست او فينو أو أي نوع متوفر عندك  و نخليه و اللي بضل بالمنخل خشن ارجعي اطحنيه و نخليه ( و بدي اعطيكم السر بإنه بالاخر نكهتها تكون متل الكنافة الاصلية تماما 😉 هو انه كمان تطحني مع التوست كم حبة بسكوت سادة ) بعدين بتفركيهم بخليط من الزبدة  و السمنة أو نوع واحد متل ما بتحبي

و اكبسيهم بالصنية كتير منيح و خلي نونة منها تحطيها ع الوجه بعدها حوطي طبقة من القشطة اي نوع بتحبي بعدين جبنة اي نوع متوفر عندك موزاريلا او عكاوي او يلي بدك

بعدها بتحطي بطنجرة ع النار كاسة الا ربع سميد ناااعم و نص كاسة سكر و 3 كاسات حليب سائل طبعا و ملعقة صغيرة من السكر الممستك و ملعقتين قشطة و بتضلك تحركي بشكل مستمر بالخفاق اليدوي و بس يثخن و يستوي طفي و حوطي نونة من مية الزهر و حركي و فورا حوطيها فوق طبقة الجبنة و بتحطي عليها الفرك يلي تركتيه و بعدها ع النار على 180 اخدت نص ساعة و بعدين اعملي حوافها و اقلبيها و حوطي القطر و بالعااافية

كتيييير طيبة و سهلة 😍😋

و الخطوات موضحة بالصور

Alaa Abdullah Lolla 😊😊