مسخن مسابقة ملكة أطباق الدجاج
مسخن مسابقة ملكة أطباق الدجاج
مسخن مسابقة ملكة أطباق الدجاج, معكم صديقة زاكي الشيف الموهوبة
المقادير
- جاجتين
- خمس روس بصل
- ٢ كيلو خبز مشروح
- سماق
- فلفل اسود
- بهارات
- ماجي بودره
- لوز مكسر
- زيت زيتون
الخطوات
غسلت الجاج منيح وتركته يتصفى قطعت بصله شرائح وحطيتها بطنجره عنار مع شويه زيت وقلبتها وضفت الجاج وقلبته بالزيت لحتى صار لونه ابيض وضفت غمرته ماء وبهارات وماجي وفلفل وتركته ليستوي
فرمت البصل ناعم وحطيته عنار مع زيت زيتون وقلبته لحتى ذبل وحمصت اللوز عجنب وضقته عالبصل وحطيت عليهم سماق وبهارات وفلفل اسود وماجي وقلبتهم وطفيت النار
بس استوى الجاج طلعته من المرقه وجبت سدر ودهنته زيت زيتون وغمست الخبز بمرقة الجاج وصفيت اول طبقة بالسدر وحطيت فوقها طبقه من البصل وحمرتها
ورجعت عملت نفس الشي غمست خبز بمرقة الجاج وضفت فوقه البصل وحمرته وهيك لحتى عملت ثلاث طبقات واخر طبقه ضفت الجاج عالوجه مع البصل وحمرته وصحه وهنا جد بيشهي 😘💝
