التتبيله /
– تبلي ١/٢ كيلو فيليه فراخ شرائح او مكعبات بالملح والفلفل وبابريكا و ١ م ص سكر و٢ م ك خل و١ م ص بهار فراخ او مشكل و ٤ م ك صويا صوص لمده ٤ ساعات عالاقل.
– بعدين قلبي الفراخ في الدقيق واقليها في زيت غزير حتى تستوي, وتاخد اللون الذهبي واركنيها.
المقادير:
١. خضار الكانتون ( حسب الرغبه)
١ بصلة جوانح و ٣ فص توم مفروم
زهرات بروكلي ومشروم مقطع
١ عود كرفس حلقات
١ جزر مقطع شرائح
١ م ك جنزبيل فريش مبشور
كرنب (ملفوف) شرايح
بيبي كورن (ذره اقماع)
فلفل أخضر وأحمر جوليان
شوجر سناب بيز (بازيلا بقشرها
لكن صغيره جدا)
بصل اخضر للتزيين
٢. صوص الكانتون
٤ م ك كاتشاب
٤ م ك صويا صوص
١ م ك خل
١ م ص سكر
١ م ك نشا مذوبة في نص
كوب مايه
رشة ملح
٣. نودلز الكانتون او اي نوع
نودلز اسلقيها ٨ دقايق وصفيها ونزليها في شويه صويا صوص تشرب الطعم واركنيها.
الطريقه:
– في (ووك) او طاسة تيفال سخني ٥ معالق زيت وشوحي اولا البصل ونزلي البروكلي والملفوف والجزر والذره والفلفل والكرفس والسناب بيز وقلبي على نار متوسطه الى عاليه عشان يستوي الخضار وأخيرا ضيفي المشروم مع التوم والجنزبيل الفريش عشان مايتحرقوش وكملي تقليب حتى يستوي المشروم وهدي النار.
– وضيفي الفراخ والكاتشاب والصويا صوص والخل والسكر وقلبي كويس عشان الخضار والفراخ تشرب الصوص لمدة ١٠ دقايق وضيفي المايه بالنشا.
– وقلبي تاني وظبطي الملح وضيفي النودلز وقلبي ٥ دقايق وطفي وزينها بحلقات البصل الأخضر.
نسعد بمتابعتكم لنا على جروب زاكي لفن الطهي:
تشيكن كانتون مع النودلز