يسعد مساكن معكم المبدعة Iman Sakakini H
من كم يوم كان عيد ميﻻد بنتي الله يحميها صار عمرها 19 سنة
و عملتلها سفرة بسيطة
كله شغلي
ان شاءالله تعجبكن
تفضلو و صحة و هنا♡
رح حطلكن كل الطرق ان شاءالله تكرم عيونكن
بالنسبة ل الجاتو الرئيسي عملتو قبل هيك و نزلت طريقته سهل كتير
**جاتو الشوكوﻻ مع رايس كريسبيز و التوفي**
2جاتو شوكوﻻ بيتي كروكر الجاهز
بعمل كل باكيت بصينية قد بعض هيك بصير عنا قالبين
شيلي كل الزايد من كل كيك ليصير بسوى بعض و كل الكيك الزايد حطي مع الكريمة
منعمل الكريمة
3 كبايات كريمة خفق ويبيينغ كريم
علبة قشدة
3 ظرف كريمة بودرة دريم ويب
2 م ص نسكافيه
و فتات الكيك الزايد
و منخفقهن لحد ما يجمدو
حطي ثلث الكريمة على اول قالب كيك و حطي نص كباية رايس كريسبيس ع شوكوﻻ وو زعيها عالكريمة
حطي القالب التاني فوق الكريمة
حطي باقي الكريمة وو غطي كل قالب الكيك
هﻷ بتعملي توفي
1 كباية سكر دوبيها عالنار لتصير لونها دهبي و حطي 1 علبة قشطة اخلطيها عالنار ليروح كل الكباتيل و اتركيها لتبرد
انا عملت دوبل الكمية عشان ساويت قالبين
و حطيت التوفي فوق الكريمة
حطي شي ساعة بالبراد و بعدين زيني متل ما بدك بس رشي رايس كريسبيس قبل التقديم بتعطيها قرشة طيبة
و حطيت فلايكس شوكوﻻ بفتفتهن
و صحة و هنا♡
**طريقة عمل جاتو موس الفانيﻻ**
بتعملي جاتو بيتي كروكر الجاهز عفانيﻻ او اﻻصفر حسب ما مكتوب عالعلبة او اي كيك عفانيﻻ عندك طريقته و اعملي بصينية
بس يستوي و يبرد اقلبي
بعدين فرغي الجاتو تقريبا من جوا و خلي الحواف و القاعدة يلي تحت يعني كأنك عم تعملي جيبة بالجاتو و رصي الكيك بإيديك يعني و كبسي
هلأ الكيك يلي شلتي حطي بوعاء غميق و حطي فوقه شي كاستين كريمة ويبيينغ كريم
و علبة قشطة و ثلاث ارباع الكباية سكر ناعم و 6 حبات كيري و اخفقيهن منيح حتى تشوفيهن صارو متل الكريمة ناعمة و حطي الخليط بالحفرة يلي بالكيك و حطي بالبراد
بلشي حضري الطبقة اﻻخيرة و هيي عبارة عن التوفي مع المكسرات
1 كباية سكر دوبيها عالنار لتصير لونها دهبي
و حطي 1 علبة قشطة اخلطيها عالنار ليروح كل الكباتيل و م ص زبدة و بعدين حطي 1 شوكوﻻ جاﻻكسي و دوبيها معن و بعدين حطي لوز و بندق و اتركيها لتبرد و بعدين جيبي الكيك و حطي فوقها و زينتها بشيبس برينغيلز عشوكوﻻ مش دايما بتﻻقي و ساويته متل الوردة و عالحواف جبت بسكوت الزبدة الرقيق كسرت كل وحدة بالنص و لزقتن بالكريمة الحشوة (خليت شوي للتلزيق) و حطي بالبراد شي 4 ساعات عالقليلة
طعمه بجنن
و صحة و هنا♡
**عجينة البيتزا و كل المعجنات**
3 اكواب طحين
4 م ك حليب بودرة
م ص ملح
م ص سكر
ملعقة كبيرة و نص خميرة
3 م ك لبن
ربع كاسة زيت زيتون
و ربع كاسة زيت نباتي
خلطي المكونات الجافة مع بعض و بعدين الزيت و بعدين اللبن و الماء الدافئ حسب الحاجة و اتركيها تتخمر عالقليلة ساعة
صوص البيتزا
معجون البندورة و كاتشب و توم بودرة و زعتر ناشف اورغانو و شوي زيت زيتون و م ص خل و م ص سكر و شوية ماء و حطيهن عالنار ليغلو شوي ﻻزم يكون كثيف شوي
و صحة و هنا
بالنسبة لفطيرة التونة استعملت نفس العجينة
و الحشو تونة و صلصة بندورة و حر و خل و مايونيز
فردت العجينة و حطيت الحشو بالطول و لفيتها رول و خبزتها و بعدين قصيتها متل السويسرول
و صحة و هنا
بالنسبة فطاير الزعتر
نفس عجينة البيتزا
و فردتها و دهنتها زعتر كل العجينةو لفيتها رول متل السينابون و قصقصتها و حطيتهن بالصينية و خبزتهن
**طريقة حلو الشوفان مع جوز الهند**
كباية شوفان
كباية حليب بودرة
كباية جوز الهند
حمصيهن عالنار ليصيرو دهبي
بعدين حطيهن بوعاء غميق و حطي فوقهن علبة قشطة و كباية سكر ناعم و ربح كباية حليب سائل و عجنيهن و بعدين تركيها ترتاح نص ساعة و اعمليهن كرات و اكبسي باصبعك بنص الكرة و حطي نيوتيﻻ شوكوﻻ او توفي
و صحة و هنا
لمتابعة الوصفة على جروب “زاكي”:
عيد ميلاد بنتي