تشيز كيك….🍨 طيب كتير ومن اول مرة راح يضبط معك.. واكيد راح تدعيلي.. 😄
تشيز كيك….🍨 طيب كتير ومن اول مرة راح يضبط معك.. واكيد راح تدعيلي.. 😄
المقادير
- ٣ باكيتات بسكويت شاي عادي… نص قالب زبدة… علبة قشطة… ٢باكيت كريما بودرة… علبة جبنة مثلثات… حليب سائل ٢ ونص كوب… جلي على فراولة..٢ معلقة جيلاتين نباتي….
الخطوات
بنطحن البسكويت منيح وبنسيح الزبدة وبنخلطهن مع بعض وبنرصهن بقالب التشيز كيك واذا ما عندك قالب حطي في صينية باكيتات تفريز اونايلون… وخليهن طالعات لبرة الصينية.. هلا بنحطهن بالفريزر لحد منجهز الخليط..
اول شي بنجيب الكريمة بنخفقها مع الحليب لحد متنفش… وبضيفلها علبة القشطة ومعلقتين سكر وبنخفق شوي هلا بنجيب الجبنة وبحركها لحالها بالاول لحتى يطرى وبعدين بضيفها على الكريمة بحط معلقة كبيرة جيلاتين نباتي… مع فنجان ماء سخن لحد ما ينفش…
وبعدين بضيفها على الخليط… هلا بنجيب القالب ويوزع الخليط وبرجعه بالفريزر لحتى يجمد منيح ساعتين…
يحضر باكيت الجلي كما هو مكتوب بس قللي شوي المي يعني بدال ما هو مكتوب ٢ كاسة حطي كاسة ونص… وبضيفهن على القالب شوي شوي لحتى ما يختلط مع بعض… وبرجعهن على التلاجة من تحت مو الفريزر… والف عافية على قلوبكم 😄 هاي الصورة قبل ما جبت القالب…
