بيت العز يا بيتنا مسابقه اكلات ماما الله يخليلكم امهاتكم جميعا
بيت العز يا بيتنا مسابقه اكلات ماما الله يخليلكم امهاتكم جميعا
المقادير
- جبتلكم اكلات ماما طبعا ماما بتطبخ كميات كبيره دايما واهم نقطه ما في عندها عيارات ههههه تعودت
- منسف ومسخن واوزي وسمك وبخاري وصينيه لحمه ودوالي وكفته وشاورما طبعا صعب اكتبلكن كل الطبخات بالتفاصيل لانه ماما بتستعمل بهاراتها الخاصه وطريقتها يلي مستحيل يطلع معي متلها
- البخاري طبعا امي بتعملها كتيييييير بتحوس كميه منيحه من البصل الجنحان بزيت ومع كم سن ثومه وبس يتذبلو بتضيف الحمص الحب والملح والماجي وبهار الامير وبهار البخاري وبتفلفل الرز عليهن والجاج بتحطلو بهارات بخاري وملح وماحي وبابريكا وبصل وليمون وزيت زيتون وعلى الفرن
- الشاورما ماما بتسلق الجاج بعدين بتنسلو لانه بتعمل كميات ما بتوفي معها حوس المهم بتنسلو بعدين بتحطلو ملح وسماق ورشه بهار وبتقلبو بالمقلاه عالغاز مع شويه زيت بعدين بتدهن الخبزات مايونيز او طحينيه حسب كل مره شكل ومرات بتحط معها سلطه مرات بس مخلل حسب الرغبه المنسف بتسلق اللحمه مع بصل وهيل وورق غار بعدين بتكون ناقعه لين جميد تبع الضفه بتعملو عالخلاط وبتضيف معو لبن رايب و بتحطو على مرق اللحمه وبتعاير الملح تبعها وبتغلي والرز بيتفلفل بالطريقه العاديه
- المسخن عمري ما عملتو وما سالتها كيف بتعملو بس شوفو صورو ههههع
- والسمك بتبهرو قبل بيوم ببهار سمك وملح وليمون وكمون وملح ليمون وبهارات مشكله وتاني يوم بتغطسو بطحين وبتقلي
- والسلطات بندوره وخيار وفليفله خضرا وملونه ونعنع وبقدونس وبتملحها وبتحط ليمون
- المتبل بتشوي الباذنجان بعدين بتطحنو بالشوكه وبتحطلو سنين ثومه وملعقين ثلاث طحينيه مخلوطين مع ملعقه لبن وبتحط ملح وليمون
- سلطه الجرجير افرمي الجرجير خشن وحطي حبه بندوره مكعبات وحبه بصل مقطع صغير جنحان رفيعه وملحي وحطي ليمون ورشه سماق
- في صحون فيها صوص احمر هاد بتزود خليط البهارات عالجاج بالفرن وبتزود المي وبتحطو بصحون صوص الجاج يلي بضل بالصينيه وفي كمان كفته كرات بتحوسها مع بصل جنحان موجده بالصوره مع صينيه اللحمه
الخطوات
الاوزي مرات بتخلي الجاج تحت الاوزي يعني بتسلق الجاج وبتحطلو ملح وماشي وبهارات وماجي وبهار اوزي وبتحوس البازيلا والجزر مع بهارات وملح وبتطبقهم مع الرز عبعض ومرات بتحوس البازيلا والجزر مع البهارات وبرش الليمون والبصل وبتحط الرز فوقهم وبتفلفلو والجاج بتحطلو بهارات وبرش بصل وثومه وعصير ليمون وزيت زيتون وملعقه صلصله بندور عالخلاط وبتحطن عالجاج بالفرن ساعتين
