مشاوي من تحت ديات ست الحبايب مسابقه اكلات ماما

مشاوي من تحت ديات ست الحبايب مسابقه اكلات ماما, معكم صديقة زاكي الشيف الموهوبة  ام عمر, ادعموني بنشر وصفتي على كافة وسائل التواصل الاجتماعي فيس واتس انستغرام مسج شومابدكم, وأيضاً إضافة وصفتي إلى المفضلة لديك على تطبيق زاكي بالضغط على أيقونة ” رأس القلب الموجود في أسفل يسار المقالة” لكي أفوز في مسابقة ملكة أكلات ماما, وانتظروا جديدي من الوصفات الشهية حصريا على تطبيق زاكي اللي بتابعوه أكثر من مليون متابع من مختلف انحاء العالم.

المقادير

• جاجتين
• 2 كيلو لحمه شقف
• بصل
• ثوم
• بندوره
• فلفل حلو
• دبس رمان
• خبز آلي للعرايس ولحمه مفرومه ناعم
• بهارات مشاوي وفلفل وملح
• رز مصري لليلنجي و ثوم وزيت زيتون وملح وماجي وبقدونس ناعم وبندوره ناعمه وشرحات بصل

الخطوات

بنتبل الجاج من قبل بليله بالثوم وبهارات المشاوي والفلفل والملح وصلصة البندوره ودبس الرمان

اللحمه بنتبلها بالبهارات والفلفل والملح من قبل بليله كمان

للعرايس بنجهز اللحمه الناعمه بنحط عليها بندوره مفرومه ناعم وفلفل وملح وبهارات مشاوي او عاديه وبقدونس وثوم وفلفل حلو كله مفروم ناعم وبنحركها منيح وبنفتح الخبز وبنحشيه من اللحمه وبندهن الخبز من بره بالزيت وبنشويهم لحتى يتحمرو

وعملت بقدونسيه فرمنا البقدونس ناعم وبكاسه فيها مي سخنه حطيت الطحينه وحركتها لذابت وحطيتها عالبقدونس مع سنين ثوم ورشه ملح ومعلقتين زبادي

البندوره شويتها لستوت وقشرتها وحطيت عليها شويه زيت زيتون وسن ثوم ورشه ملح وهرستها وحطيتها بالصحون

وعملنا تبوله بصل اخضر وبقدونس وبندوره وخيار فرمناهم ناعم ونقعنا برغل ناعم وضفناه الهم ورشينا عليهم زيت زيتون وفلفل اسود وعصره ليمون وشوينا بصل كله زاكي وبشهي

الدوالي حشيته بالرز معه بندوره وبقدونس وثوم وبهارات وفلفل و زيت زيتون ورشه ملح حطيت بطنجره شرحات بصل وبندوره وصفطته وحطيت اقل من غمرته مي وبكيت ماجي وزيت زيتون

هاد كله شغلي انا وماما الله يحفظها ويحفظ امهاتكم جميعا