حلو تراب الملوك بطريقة سهلة والطعم لا يقاوم جربوها

المقادير

• بسكويت سادة يكفي لطبقتين
• مقادير الطبقة الاولى
• كاستين حليب بودرة
• كاستين مي
• كاسة سكر
• نص كاسة زيت
• أربع معالق طحين
• ببضة واحدة
• معلقة فانيلا
• مقادير الطبقة الثانية
• علبتين قشطة
• فنجان سكر صغير
• معلقتين كاكاو

الخطوات

حبيباتي اول شي بتغمسي البسكويت بسائل نسكافيه او حليب سائل وبعدين بتحطي مكونات الطبقة الاولى بطنجرة وبتحركيهم منيح منيح كرمال ما يتكتل وبتحطيهم ع الغاز مع التحريك المستمر لحتى يغلو وبتصبي الخليط فوق البسكويت المشرب وبعدها ارجعي غمسي بسكويت وصفيه فوق الخليط وبلشي بالطبقة الثانية بتحطي القشطة والكاكاو والسكر بالبليندر او اي خلاط وبتخلطيهم اذا حابة القشطة تكون ماسكة وجامدة اكتر فيكي وانتي بتخلطي تزيدي زيت قلي ع شكل خليط نزليه بس شوي مو كتير لحتى تشوفي الخليط صار كريمي انا بعمل الخطوة هاي كرمال ما تضل القشطة رخوة وصبي الخليط فوق البسكويت ومباشرة ع التلاجة وفيكي تزينيها كيف ما بدك وجد طعهما خرافي