معكرونة بشاميل على طريقتي
معكرونة بشاميل على طريقتي
المقادير
- 400 غرام لحمة مفرومة او صدور دجاح
- بصلة متوسطة
- حبة فلفل اخضر
- علبة ذرة حجم صغير
- ملح وفلفل اسود وبهار حسب الرغبة
- معلقة دبس فليفلة
- فيكون تضيفو خضار لي بتحبوها (فطر بازيلاء جزر ،،)
- كيس معكرونة
- ليتر حليب
- 4 معالق طحين
- قطعتين جبن كيري او جبنة سائلة معلقتين
- مكعب ماجي وملح فلفل ورشة زنجبيل بودرة
- جبنة موزاريلا او بقسماط للوجه
الخطوات
نسلق المعكرونة بماء ورشة ملح ومعلقة زيت تلات ارباع سوا بعدين بنصفيها وبنغسلها بمي باردة وبنجهز الحشوة بنقلب البصل مع معلقة زيت نباتي وبنضيف اللحمة وبنقلب لحتى تنشف ميتها وبنضيف الذرة والفلفل والملح والبهار ودبس الفليفة بنخلطون سوا وبنخليهون شي 5 دقايق وبنطفي عليهون وبنحطون على جنب وبنبدا بالبشاميل طريقتي مختلفة شوي بحط الحليب وفوقو الطحين ومكعب ماجي والجبنة والملح والفلفل والزنجبيل كلو عالبارد وبحطون عالنار مع التحريك المستمر حتى يسمكو وبطفي الغاز
بجيب الصينية وبحط بارضا معلقة باشميل وبنحط نصف كمية المعكرونة وكمان بنسقيها بشوي من الباشميل وبعدا بوزع الحشوة فوقا بالتساوي وبحط نصف المعكرونة التاني وبحط كل كمية الباشميل الباقية وبرش عالوجه بقسماط او موزاريلا (حسب الرغبة )وبدخلا فرن حامي من فوق وتحت تقريبا 20 دقيقة مع الانتباه للوجه عشان ما يحترق وتقدم ساخنة وبالصحة والعافية ما لحقت صورا بعد ما طلعت من الفرن
