بلح الشام على الطريقة السورية

المقادير

• 1 كوب طحين( 150g )
• 1 كوب ماء ( 200g )
• 2 بيض
• 2 معلقة كبيرة زبدة( 50g )
• 3 معالق نشا (50g )
• 4 معالق حليب بودرة (50g )
• 1 معلقة فانيلا
• و القطر عبارة عن :
• 3 كوب سكر
• 1 ونص كوب ماء
• عصرة ليمون
• معلقة فانيلا او ماء زهر
• بنحط الماء والسكر على النار وبس غلي بنضيف الليمون وبنتركون شي 7 دقايق على نار هادية وبس طفينا بنضيف فانيلا او ماء زهر وبنحطو بالبراد

الخطوات

اول شي بننخل الطحين والمكونات الناشفة سوا ونضع كوب الماء والزبدة في كسرولة او مقلاة عميقة ونضعها على نار وسط حتى تدوب الزبدة وبدو يبلش يغلا بنزل خليط النواشف عالماء بهدوء مع التحريك المستمر ونهدي النار وبنضل نقلب فيها لحتى يصير عنا عجينة ناعمة متجانسة بنحطا بوعاء تاني ونتركها تبرد ولو في عجانة بيكون افضل وبس صارت بحرارة الغرفة بنضيف اول بيضة وبنخلطها حتى تختفي تماماً وبنضيف البيضة التاني والفانيلا وبنعجنها منيح بهي المرحلة لبس القفازات افضل لانو العجينة رح تلزق وبس خلصنا عجنها بنحطها بكيس الحلواني وبنجهز المقلي وبنحط الزيت في وبنبلش نشكل اصابع بلح الشام حسب الحجم لي بتحبو وبنقصها بمقص ممسوح بزيت حتى ما يلزق طبعا الزيت بيكون بارد يعني لسا ما حطينا عالنار بنشكل كل الكمية حتى لو صارو فوق بعض بالمقلي مو مشكلة ما تخافو ما بلزقو ببعض وبعدين بنحطون على نار هادئة اخف عيار بالغاز وبنتركون من عدا تحريك هيك لحتى ينفشو لفوق بنعلي النار للوسط تقريبا وبنضل عم نراقبون لحتى يبلش يتغير للون بنحركون عالخفيف وبنخليهون حتى يحمرو بنشيلون من الزيت وبنحطون بالقطرالبارد وبنقلبون لحتى يتغلفو بالقطر بنتركون كم دقيقة بعدين بنشيلون من القطر وبنحطون بمصفاية لينزل القطر الزيادة وبنزينون بجوز الهند او فستق حلبي وبالعافية

ملاحظة :

لازم نغلي القطر قبل بوقت ونحطو بالبراد لحتى يبرد منيح ولازم قوامو يكون سميك لحتى نحصل على القرمشة المطلوبة بتمنى تجربوها وتقولولي النتيجة