كيكةالبسكويت و الكريمة الملونة..زاكية كتير 😍. طعمها متل البوظة..😋

المقادير

• كريمة ٤ باكيتات بودرة بيضاء
• ٣ باكيتات بسكويت سادة
• نسكافيه باكيت
• قشطة
• جلي حسب الرغبة انا عملت كرز
• حليب سائل
• ٢ ملعقة جيلاتين نباتي

الخطوات

بتخفقي الكريمة مع اربع كاسات حليب لحتى تنفش…وبتضيفي علبة قشطة..وفنجان سكر .وبتخفقي…بتكوني مذوبة الجيلاتين بفنجان مي سخنة وبس ينفش بتضيفيه على الكريمة..وبتخفقي منيح هلا بتقسمي الخليط لنصفين نصف ضيفي عليه ٢ملعقة نسكافيه وخفقي منيح وخليهن على جنب والقسم التاني ضيفي عليه نص الباكيت جلي وخفقي منيح..هلا بنجيب البايركس حجم كبير بنصف فيه البسكوت بعد ما تغمسيه بنسكافيه مذوب مع شوية سكر طبقتين فوق بعض..وبحط الكريمة النسكافيه بفردها منيح وبحطها بالفريزر خمس دقايق لحتى تتماسك..وبرجع بفرد عليهاالطبقة التانية بالجلي او العكس متل ما بدك وبحطها بالفريزر لحد ما تجمد هلا بزينها بكريمة ملونة انا لونتها اخضر ورشيت عليها شوية نسكافيه..انا المقدار هاد عملت ٢بايركس واحد كبير و التاني صغير….والف عافية على قلوبكم 😄