المقادير:
4 مغلفات كريما بودره متل دريم ويب
كوب و ربع كوب ماء باااارد
3 / 4 كوب حليب بودره
علبة قشطة
12 حبة كيري بدرجه حرارة الغرفه
2 باكيت جلي ليمون
3 م ك كاكاو بودره
شوكولاته قطع (ممكن سنكرز وانا قطعتها او ممكن اوريو مكسر اي اضافه بتحبوها)
الطريقه:
– بنخفق الكريما مع الماء و الحليب البودره كتييير منيح لحتى تنفش الكريما.
– بنضيف القشطه و بنخفق.
– بنبدا باضافه الكيري حبه حبه لحتى تختلط كويس.
– هلا رح نقسم الخليط لقسمين, هون انتو و زوقكم شو بتحبو النكهات انا حطيت ليمون وكاكاو ممكن كريم كراميل جلي كرز توت فراوله زي ما بتحبو.
– بناخد اول قسم و بنحط عليه الجلي زي ما هو بودره و بنخلط.
– بنجهز قالب تشيز كيك متوسط الحجم او بايركس و بنصف فيه بسكوت مغطس بحليب و بنحط اول طبقه بنسيبها بالفريزر كم ساعه لحتى تجمد كويس.
– بنخلط القسم التاني من الكريما مع الكاكاو و اي اضافه بنحبها انا هون قطعت حبة سنكرز و حطيتها.
– بعد بنسكبها فوق الطبقه الاولى وعلى الفريزر كم ساعه, وعند التقديم بنطولها قبل ب10 دقايق مشان نعرف نقطعها.
نسعد بمتابعتكم لنا على جروب زاكي لفن الطهي:
طريقة عمل اسرع ايس كريم الجبن الكيرى