ملكة_الكيك كيكة المارشميلو المحببة للأطفال😄
ملكة_الكيك كيكة المارشميلو المحببة للأطفال😄
المقادير
- 5 بيضات بحرارة الغرفة
- كوب و3/4 سكر او أقل حسب الرغبة
- ظرفين فانيليا
- كوب ونصف حليب أو ممكن استبدالو بعصير لنكهة بتفضلوها
- كوب زيت نباتي
- ملعقة خل أبيض
- كوبين ونصف طحين (ممكن اكثر او اقل حسب الطحين)
- ربع كوب نشا
- ظرف ونصف بيكنغ باودر
- رشة ملح
- للحشو: كريمة شانتيه مخفوقة بالحليب وكمية من المارشميلو وحبيبات الشوكولا الملونة او الفارماسيلي (حسب الأذواق)
- للتغليف كريمة زبدة (عبارة عن زبدة لينة مع سكر بودرة بينخفقو منيح ليتجانسو ويدوب السكر تماما ويصير شكلها متل الكريمة وممكن اضافة القليل من الكريمة السائلة أو القشطة) وكمية من المارشميلو وأي شي بفضلوه أطفالكم😍
الخطوات
🌺بسم الله الرحمن الرحيم🌺
طريقة الكيك
نخفق البيض والفانيليا والسكر ليتضاعفو ويصيرو مزيج كريمي فاتح
منضيف الزيت والحليب ومنخفق
مننخل المواد الجافة مع بعض ومنضيفها بالتدريج مع ملعقة الخل الأبيض ونحنا عم نخلط بخفة لتمتزج كل المكونات سوا
منصب الخليط بقالب مدهون بالزبدة ومرشوش بالطحين ومندخلو الفرن الحامي على درجة حرارة 350 فهرنهايت لمدة 40 دقيقة تقريباً (حسب الفرن)
بعد مانطالعو ويبرد منحشيه بالكريمة الشانتيه وقطع المارشميلو والكاندي الملون اللي بحبوه أطفالكم
أما بالنسبة للتزيين أنا قسمت قطع المارشميلو بالميل ليعطوني هالشكل😁
“ملاحظة: استخدمت للون الأصفر للكريمة رشة كركم صغيرة بدون اي ملون صناعي وما بتعطي أي طعم”
بالهنا والعافية حبايبي💖👩
