الجزء الثاني من احببتك
الجزء الثاني من احببتك
بعد قراءة القصة اترك لنا رأيك في التعليقات
- .[١٤/٣ ٢:٣٣ ص] انيسه: أحببتك ❣ 💕الجزء4⃣💕 5 فجرا – تشرق شمس الصباح كل يوم ولا نعلم اي فرح ينتظرنا ولا{اي حزن} يضمنا و يصبح الملك لله وحده💎.. صحيت على صوت المنبه رددت اذكاري وقمت اتحمم بمويه دافيه وريحة صابوني المفضل تنعشني طلعت وصليت الفجر لبست تنوره سكيني سودا وبلوزه مخططه ابيض ورمادي وازرق غامق رفعت الاكمام ولبست ساعة بيضا ولبست شوز ازرق و حلق لولو حطيت روج وردي وشعري سويته بوني تيل وماسكرا خفيفه ناظرت لشكلي وعطيتني بوسه وطلعت افطر مع امي وابوي ماشفت سعد واستغربت بست رأس امي وابوي ودعواتهم تحضني .. ملاحظه ان امي هاديه معاي ولابعد تدعي لي فكل لحظه احسها راضيه بقوه ووراها شي بس شنو مدري ..
- مايهم المهم الراحه اللي احس فيها من تعاملها معاي جتني شهلا مع سواقها طبعا شهلا ممرضه ماشاءالله ونشيطه جدا تعجبني حياتها بقوه ومثل ماقلت لكم هي قدوتي لانها خلعت زوجها وحبيبها من الطفوله وابو ولدها ولاهمها بالعكس صارت اقوى والكل يحترمها ويقدرها مع انها اول مطلقه فالعائلة وهالشي صعب عندنا لكن هي غير ، سمعت صوت فيروز عشقها يصدح سلمت وجلست بهدؤء احس بتوتر خفيف .. : شفيها استاذتنا هاديه ! : مافيني بس يمكن توتر طبيعي .. : لا ماشاءالله ماعليك خوف انتي قدها .. كلامها بسيط لكن مريح .. دخلت الجامعه ونظرات الطالبات علي ابتسمت لهم ،
- هالجامعه كنت من اشهر طالباتها ذكاء وانجازات والحين صرت من طاقمها التدريسي والكل يعرفني هنا دخلت غرفة الاستاذات … واستقبلوني بحب ضبطت جدولي وحطيته بمكتبي بشكل جميل احب اهتم بكل التفاصيل ، جهزت اوراقي لبست نظارتي وتعطرت وطلعت وانا اقرأ الاذكار دخلت القاعه الكبيره سلمت وبديت المحاضره اول 5 دقايق كنت متوتره لكن بعدها ماحسيت بنفسي الا وانا اشرح من قلب هههههههههههههههههههههههه طلعت من المحاضره الساعه 9..30 ماحبيت اطول معاهم عشان مايملون كنت اتذكر معاناتي انا تخصصي احياء واحبه جدا بدرسهم مادة علم حيوان وتصنيف حيوان باذن الله .. طلعت لمكتبي ودورت آله للقهوة احس رأسي مصدع لازم اشربها لكن اللي هنا كلهم اجنبيات والاغلب يحبون الشاي طلعت للكافتيريا وجو عندي الطالبات يمدحون محاضرتي واني سعوديه متفائلين اني راح افهمهم وارحمهم ضحكت معاهم وسولفنا شوي وطلعت للبيت عالساعه 12 .. الحمدلله دوامي اليوم خفيف
- بالطريق كلمت سعد .. : وينك اليوم ماشفتك !! : هلا عمه انا بالشرقيه عند ليث : خير شصاير معاكم ! : لا ابد بس اخذنا اجازه وبجلس هنا معاه كم يوم ويمكن نطلع لدبي . انتي كيف دوامك : الحمدلله كان عندي محاضره بس .. : الله يوفقك ياعمه توصين على شي ! :: سلامتك حبيبي سمعت صوت ليث يقوله سلم عليها .. وقفلت منه وصلت للبيت على اذان الظهر دخلت لقيت ابوي حبيبي جالس على كرسيه ويتابع العربيه كالعاده وامي قهوتها قدامها .. سلمت وجلست معاهم احكي لهم تفاصيل يومي حتى لو ماتهمهم ولايفهمونها صليت الظهر ولبست بجامه ثقيله الجو خلاص برد طلعت اتغدى معاهم بعدها نمت ساعتين للعصر .. صحيت على صوت لمياء : خاله قومي بقولك شي قمت بتعب شفت الساعه 4 ناظرتها كانت مرتبكه استغربت استأذنت منها وقمت اصلي ورتبت غرفتي قدامها وهي تناظر للارض ، سحبتها للمطبخ سألت الشغاله عن امي وطلعت مسيره عند جيرانا وابوي كالعاده هالوقت بمزرعه عمامي يتجمعون كلهم هناك .. سويت القهوة وريحتها بس احس سوت مساج لرأسي سويت حلا بسيط وساعدتني لمياء طلعنا للصاله وريحة البخور تسبقنا .. ابتسمت لها وشجعتها تسولف : خاله مدري وش اقولك في شي مو فاهمته .. 《انا علاقتي مع لمياء وطارق مثل الاخوان او الام وعيالها كل اسرارهم عندي 》
- مديت لها الفنجال : تكلمي شصاير : شسمه السالفه تخصك واتوقع بتعصبين وتزعلين انصدمت وناظرت لها : ايش صاير تكلمي .. : امس جتنا خالة شهد وسمعتها تتكلم عنك وعن ليث وانه خطبك جدي وجدتي وافقوا وانهم رفضوا ماجد من زمان عشانه وخايفين من ردة فعلك .. !!!!!!!!!! انصدمت وقفت وانا رايحه جايه ذا طبعي لاتوترت .. يارب سمعت غلط يارب مابي انصدم بأهلي اكثر من صدمتي فيهم كل عمري .. طيب وتمثيل امي وتبي توديني للشيخ ! ومسويه زعلانه على حظي .. طيب ابوي كيف سوا فيني كذا !! وسعد غريبه سعد مستحيل يدري ركضت لغرفتي ادور جوالي بكلم سعد ولمياء وراي تبكي ياقلبي هديتها وانا اللي احتاج احد يهديني .. يرفضون من وراي ويوافقون على واحد كل عمرهم يكرهونه وينبذونه واصغر مني !! غيرت رأيي اني اكلم سعد واشغله وهو بإجازه جلست احاول افكر عدل .. سمعت صوت امي توي عرفت ليش راضيه عني طلعت ضامنه لي زوج ومو اي زوج ضابط وعنده ورث كبير من امه وابوه ..
- تنهدت بتعب شلون اواجهها الحين طلعت لها ولمياء تمسك يدي تحاول توقفني لكن دفيتها وطلعت ناظرت لأمي وتكلمت : يمه صحيح انتم رفضتوا ماجد !! ناظرتني امي بربكه وناظرت للمياء بتهديد : اي رفضناه الولد مايصلح لك ومنتف وبيتهم مليان وين يسكن قطعت كلامها بصرخه : انتي ماهمك وين اسكن وش يصير لي انتي ودك اتزوج اليوم قبل بكرا ولما خطب طرتي فرح لكن لما السيد ليث دخل بالموضوع تغير تفكيرك وحبيتي تستغلينه وتزوجيني اياه .. ناظرت لي امي : ليث كلمنا انا وعمك واقنعنا الولد يحبك وعاقل وعنده حلال ونص هالبيت بإسمه < انصدمت من المعلومات الجديده امي شكلها توها درت ولاقبل ماتطيقه وتذله كأنه مشرد > جلست بصدمه وشعري على وجهي .. جلست عندي امي ناظرت لها تصدقون اول مره اكون بقربها لهالدرجه شفت خطوط التجاعيد بوجهها امي مو كبيره حيل توها دخلت 48 لكن طبعها الحار وانها تشيل هم كل شي كبرها .. مسكت يديني ووقالت : والله يابنتي مابعناك لكن هو قال اذا مازوجتوني اياها ابي نصيبي بهالبيت ترضين تكسرين ابوك ! انصدمت معقوله ليث بهالخبث !! : يمه من متى طلعت سالفة البيت ! : من زمان بس ماتوقعنا يهتم بنص هالبيت وعنده بيوت واراضي هناك بالشرقيه ولأنه ماعمره جاب طاري هالشي توقعناه كل عمرنا مفروض ماينسى جميل عمه لكن ولد حصوص وش بيطلع .. صدعت من هالمعلومات الجديده !! امي وايوي كانوا يعاملونه بقسوه صح مايضربون ولايهاوشون لكن هو وسعد كانو بالملحق كل عمرهم وممنوع يدخلون البيت والاكل نأكل حنا وترميه امي وتقول كيفهم يدبرون حالهم .. وانا كنت اقسم اكلي بينهم آكل متأخر دايم عشان ماتكشفني امي . يالله مالومه لو حقد ! بس انا شدخلني ؟؟ بحرب تصفية الحسابات ذا قمت وانا احس بتعب داخلي .. ، تركت امي ولمياء ودخلت غرفتي وقفلتها .. دقيت على شهلا تمرني لاطلعت من دوامها محتاجتها بقوة .. بعد ساعتين .. جالسه بغرفة شهلا وانا ندمانه اني علمتها شوفوا وش تقول ..
- ماشاءالله ياحظك صمتي صمتي وافطرتي على ضابط اشقر .. ناظرتها بنقد .. كملت وهي متحمسه : يوه يجننن قسم ذاك اليوم جاء للمستشفى بيزور شرطي كل الممرضات انهبلوا منه وبعضهن صوروه وهو مايدري قسم كأنه من الاتراك هيبه والله هيبه … الصمت ملازمني .. ماحد فاهمني اصلا علتي انه مزيون وانا بجهه والجمال بجهه واكبر منه ب 3 سنوات .. وطول عمري مسويه استاذه له ادرسه واهاوشه كأنه اخوي الصغير .. ليش يبيني !! اكيد بينتقم مني عشان اهلي .. نمت عند شهلا وماهمني نقد اهلي او اهلها كنت بحالة صدمه والله .. وقفلت جوالي صحيت الساعه 4 على الاذان لازم اروح للبيت البس اليوم عندي محاضرتين .. صحيت شهلا لاني محشوره بغرفتها استحي اطلع .. الحمدلله نومها خفيف صحت وقمنا نتوضأ ونصلي افطرت بغرفتها وانا اناظر الساعه مابي اتأخر .. شهلا : شفيك ! :مافيني بس ابيك توصليني للبيت عشان البس عصبت علي وعطتني لبسها تقريبا اجسامنا متقاربه .. وصلت للجامعة وانا مصدعه ومعاي قهوتي ..
- دخلت للمكتب مالي خلق .. والحمدلله شكله واضح علي لأن الكل ماحتك فيني دخلت المحاضرتين وطردت 7 طالبات ازعجوني بسوالفهم .. مدري هو انا اللي خلقي ضيق اليوم ولاهم قليلات ادب !!! وصلت للبيت ولقيت ابوي زعلان علي .. لاني ماستأذنت منه .. اعتذرت منه وبسرعه رضى فديت قلبه ، امي ماطلعت لي مدري وينها حطيت غداي بصحن وتغديت بغرفتي .. خلاص ماعدت اقدر اتحمل احد او اجامل احد ..!! حطيت رأسي ونمت .. وصحيت على صوت جوالي رديت وانا مانتبهت للرقم .. مرحبا .. قمت وتعدلت كانه قدامي ! سكت وهو يتكلم : اخبارك ، شلون استاذتنا الجامعيه وحرمي المصون انقهرت ورديت : بأحلامك فاهم !! ضحك ضحكته اللي توجع القلب ..ورد بهدوء : لا لا انا ماحلم ذا واقع ، لاتتعلقي بجامعتك لأني بنقلك للشرقيه بحلول اسبوعين والشقه جاهزه ضبطناها انا وسعد .. وزواجنا راح يكون بنفس يوم كتب الكتاب .. ايوههه مستعجل وابيك بقربي بأقرب وقت .. باي ياأحلى عروس .. وقفل …….. دارت فيني الدنيا ! بتهور وبتفكير اطفال ارسلت له : انا احب واحد لاتخرب علينا شلون فكرت شلون ارسلت مدري .. دق بسرعه حول 30 مره يدق وانا ارجف واناظر لضوء الجوال .. ادري خربت كل شي ؛ بس المهم مايتم هالزواج اكيد بيكون عنده كبرياء ويتركني بحالي وصلني مسج منه .. عرفت إن هالمسج بيغير حيآتي – 🍃💞السعادة الزوجية 💞🍃 لا احلل 🤚🏻نزع التوقيع أو استبداله [١٤/٣ ٢:٣٣ ص] انيسه: أحببتك❣ 💕الجزء5⃣💕 جانبي السيء ؛ لا يُعاني منّه إلا .. انا . من بعد ماقريت المسج للمرة الالف وانا احس كأني تجمدت او توقف كل شي فيني الا دقات قلبي القويه .. استاهل والله استاهل ! ايش سويت اول مره اكون متهورة كذا !! دائما قراراتي ادرسها واهم قرار فحياتي .. تسرعت فيه انا كتبت قصة شقائي ، انا السبب بكل حاجه تصير لي .. احس جسمي سخن مع ان الجو بارد قمت للحمام عزكم الله وفتحت الدش عالبارد وانا بملابسي ابي تطفي النار اللي جواتي .. طلعت وانا ارجف وانا اتخيل حياتي معاه كيف بتكون ! خلاص استسلمت انه بيكون زوجي لكن اي زواج ذا بيبدأ بشك .. ولو بررت مابيصدق .. جلست انوح بصوت مسموع تفاجئت بدخول امي وصرختها وذا كان آخر شي شفته () صحيت وانا بالمستشفى وحولي امي تقرأ علي وابوي ماسك يدي .. ماحس بأي شي .. انا مشكلتي واقعيه بزيادة ..
- عارفه ان حياتي خربت قبل لاتبدأ ؛ وعارفه اني راح اتمنى قساوة امي ؛ وضعف ابوي ؛ وكلام خواتي الجارح .. عارفه انها بتجيني ايام سودا .. بعد يومين … شهلا تجبرني آكل وانا اتصدد ؛ مالي نفس شي مستقبلي بيضيع تو بديت احقق حلمي وينهيه لي .. شدخله يطلب اجازة شهرين لي .. وكيف قبلوها وانا توي مادرست شكل واسطته قويه .. حاسه خسرت كل شي .. امس رفضت اقابل سعد اللي خذلني .. شفت دموعه وهو يحاول يشرح لي لكن حطيت يدي على اذني مثل الاطفال بحاله هستيريه خوفته وطلع . كل دقيقه .. يجيني مسج منه يترجاني افهمه .. وان ليث يحبني وهو واثق فيه وان البيت اللي بسكنه تأثث على ذوقه وذا هدية زواجه لي ، ومتأكد بشكره على قراره بالنيابه عني !! لاول مره اكرهه .. واندم على كل ساعه قضيتها معاه .. كرهت حتى ساره اللي ارسلها لي ورفضت اقابلها مثلهم ..
- قطع تفكيري صوت شهلا : لا لا انتي مو فجر القويه شفيك يابنت ترى كله زواج مو موت ! ليش جالسه تذبحين نفسك وواضح ليث يحبك ولا شلون يخطبك وسوايا اهلنا بالمرحومه امه ماتنقال !! ناظرت لها وبدت دموعي تنزل ! يالله كيف نتغير بيومين انا فجر اللي دموعي قليل تنزل صارت ماتوقف .. صرت شخص ثاني كل شي بنيته طول هالسنين بشخصيتي انهد بيومين .. 《امي وسعد وليث كسروا ظهري والله كسروه 》 شهلا : اسمعي من يأذن العصر بنروح لمركز تجميل فخم مره ونبي نسوي لك جلسات عنايه شوفي وجهك كيف شاحب ! وشعرك يحتاج عنايه وبنروح للمول فالليل سواقي تحت امرك وبطلب اجازة هالاسبوع وبنام عندك وبننبسط بآخر إسبوع عزوبيه وترى زوجك المصون حط بحسابك 100 الف مهر خلينا نتدلع شوي ..
- ابتسمت لها وانا احاول اطلع نفسي من هالحاله .. قلت لها بصوت مبحوح : ابشري صرخت وحضنتني بفرح وهي تدعي لي ربي ييسر لي كل اموري وبقلبي اردد آمين … رحت للصالون وصرخت الفلبينيه وهي تشوفني انزل عباتي انصدمت شفيها ! طلعت مبهورة بجسمي كنت لابسه بنطلون جنز فاتح وبلوزه سوداء ثقيله شوي .. انحرجت من صرختها وكلامها عن جسمي وشهلا تضحك على شكلي .. المهم جلست عندهم ل9 فالليل .. جلسة ليزر لكل جسمي مع اني قبل شهر سويت اخر جلسه لكن شهلا اجبرتني .. وتنظيف بشره وبكرا بسوي ابر نظاره وحمام زيت لشعري .. وتدليك بالزيوت لجسمي .. طلعت وانا احس بالنظافه مريت على الصيدليه اخذت اغراضي المعتاده معجون اسنان شامبو وصابوني الحبيب .. وشهلا تفرفر بالصيدليه وتخم بالسله بس مدري شنو المهم طلعنا لمطعم وتعشينا ومن رجعنا صليت ونمت لثاني يوم .. الحمدلله لي ثلاث ايام مانمت واليوم ارتحت بنومتي وصحيت 2 الظهر والجو مطر برا قمت انطنط مثل الاطفال .. واناظر بالشباك وانا مبسوطه .. شفته واقف عند حديقتي ومبتسم … لو اقولكم بايش افكر بتضحكون … خاطري ارمي عليه كرسي المكتب مثل افلام الاكشن .. واكسر يده ولا رجله ويتأجل الزواج .. اتذكر حروف رسالته ويمغصني بطني احسه جلادي وانا الضحيه < عسى الله لايحبني لو تركتك له … يمكن قبل ابيك رغبة كبرت معي من كنت طفل ، لكن الحين ابيك عشان احطمك واتسلى فيك شوي .. مبروك زواجنا بكرا > ذي كانت رسالته .. لو تبوني اسمعها لكم فكل دقيقه سمعتها حافظتها حرف حرف .. عارفه اني كسرته بس عارفه انه مايحبني اي حب هذا ! في احد يحب وحده امها قذفت امه واهلها عاملوه كأنه منبوذ ومتشرد مو صاحب حلال .. مانسى ذيك الايام وقساوتها علينا كلنا . . لكن الحمدلله شكل تعبي حنن قلبه واجل زواجنا ليوم الجمعه ..
- تنهدت وحسيت بصرخه شهلا : آوه حب من خلف الشباك ناظرتها وانا معصبه وهي تضحك وترقص سلو قدامي الحمدلله والشكر بس .. دخلت للحمام معصبه وانا اسمع ضحكاتها .. اخذت شاور دافي وانا احس يانتعاش خلاص يافجر .. كل يوم فحياتك انتي تقدرين تخلينه يمشي بحزن ولايمشي بفرح ، ولايمشي مثل اي يوم روتيني .. ناظرت لنفسي بالمرايه وانا ابتسم يالله عرفت ان هالنفسيه الحلوة من تأثير المطر ..الحمدلله على كل حال .. طلعت وانا مروقه .. ابتسمت لي شهلا بتشجيع تغديت معها بالغرفه .. دخلت شهد علي ومعها عيالها جت جلست جنبي بهدوء .. بعدها دخلت لمياء وموضي وطارق عرفت ان امي قالت لهم . جلست معاهم للساعه 5 بعدها رحنا لثاني جلسة واليوم استمتعت حسيت نفسي اميره .. طلعنا بدري ورحنا للمول شريت لبس للطلعات اغلب لبسي فساتين قصيره او بناطيل ماحب شغل الحريم دراعات وتنانير مع ان امي دايم تهاوشني لكن ماسوي الا اللي برأسي .. لقيت شهلا عند اقمصة النوم شوفوا الحقيره والله اخذت اشياء كثيره خير بهاجر انا .. ناظرت لها وانا ساكته ماحبيت اخرب فرحتها شهلا البنت الوحيده بين 9 اخوان ودايم احسها تعتبرني اخت لها ..
- وانا والله اعتبرها اكثر من كذا طلعنا لمطعم تعشينا وبعدها للبيت .. تكررت هالايام ليوم الخميس وبكرا كتب كتابي و زواجي ؛ شهلا حبت تخليني هالليلة لحالي ووعدتني تجيني من الصباح .. سوت اللي ماسووه خواتي ولمياء ماقصرت اخر يومين نزلت معنا وساعدتني كثير .. ناظرت لشكلي احس صغرت بعد الصبغه اشقر رمادي وبشرتي مورده شوي من الاهتمام وجسمي يلمع من النظافه ضحكت على تدقيقي فكل شي لبست شورت كحلي وبلوزه علاق ابيض والغرفه دافيه .. شغلت الشموع وجلست عالارض .. حبيت اجلس مع نفسي .. واواجه نفسي لي اسبوع مافضيت حتى افكر بشي .. ولو فكرت نقدت حالي وانبني ضميري على رسالتي لازم اكون قويه مثل اول ، واعرف اني لوحدي بواجه ليث … لاسعد ولاابوي ولاامي بيكونون معاي ولو كانوا معاي مابطلب منهم مساعده .. انا انسانه قويه .. واجهت ضغوط من كل مكان واجهت تحديات .. بيت متفكك ، ام قاسيه خوات اسم فقط ، ايتام بالبيت يعانون .. وكنت قد التحدي انشغلت بدراستي وبسعد وليث ،
- كل انتقاد يشجعني اقوى اكثر ، كنت طفله وكان الكل يقارن بيني وبين خواتي بالجمال .. كانت امي فكل جمعة لاهلنا تقول ذي شينه مثل عمتها والمجلس يعج ضحك ونظرات احتقار .. كانوا خواتي بالمدرسه يتهربون من معرفتهم بي ومن ندخل اي زواج او مناسبه يقولون روحي لحالك وحنا لحالنا مع كذا كان عقلي اكبر من عمري ماكنت اهتم ..كنت العب واضحك واتصرف بادب وثقه .. كنت ذكيه وشاطره ومحبوبه من الكل اي وحده مكاني يمكن تنحرف او تتعقد وتصير مهزوزة او تلجأ لاحد يعوضها عن اهلها .. لكن دايما امشي رأسي مرفوع واشجع نفسي بنفسي .. والحمدلله وصلت لكل شي ابيه .. تنهدت بثقه وانا احس هالكلام والجلسه رجعت لي ولو جزء بسيط من قوتي وثقتي اني اواجه ليث وعالمه . دايم اذا واجهتني ضغوط اجلس هالجلسه واطلع منها مبسوطه .. كلنا نحتاج جلسات ايجابيه ، تبعدنا عن ضعوط الحياة .. صليت ركعتين وانا ادعي ان ربي يحنن قلبه علي .. ويكتب لي كل خير حطيت رأسي بنام لكن تفاجئت بصوت الباب لفيت الروب على جسمي وطلعت ..
- شفت سعد واقف عند الباب ويناظر لي .. مدري ليش تذكرت وقفته ذي لما يجوع هو وليث ويجوني فالليل مثل هالوقت اسوي لهم اي شي .. دمعت عيوني وهو سحبني لحضنه وباس رأسي وهو يعتذر ويحلف ان ليث يحبني ويموت فيني من كنا صغار ..واني مابلقى احد احسن منه .جلست معاه بغرفتي وهو يتكلم حاولت اخفف عنه لاني احسه حيل متضايق وشايل همي .. خلاص ماعاد بضعف قدام احد وبكتفي بالصمت ماعاد بعاتب وازعل .. مافي شي يستاهل طلع من غرفتي الساعه 4 وهو يوعدني انه مايتخلى عني وبيوصي ليث علي .. قفلت الباب وانا ابتسم بإستهزاء على حالي حطيت رأسي على المخده وماحسيت الا بصرخة شهلا الساعه 9 .. افف فجعتني الله يسامحها قمت بسرعه اخذت شاور وصليت الفجر وعالمشغل . . افطرنا هناك قبل لابدأ بالمكياج والحوسه .. دخلنا للبيت ولقيت امي وخواتي وناس كثير قدامي والحوش عليه لمبات وصوت الدي جي لآخر الحارة .. على طول سحبتني شهلا لغرفتي بديت ارتبك .. ياربي ليش امي عزمت هالعالم نزلت عباتي وانا اناظر الساعه 7 المغرب اشوى مالبست فستاني الثقيل للحين ..كنت ناويه البس اي فستان سهره لكن شهلا طلعت شاريه لي فستان زواج فخم .. جلست وانا منهد حيلي قلت لها اطلبي لي وجبه وقومي سوي لي قهوة .. ناظرت لي بصدمه تو مرتبكه وخايفه والحين ولاهمني .. اكلت وجبتي من ماك وقمت جلست عالسرير وانا احاول ماتخرب تسريحتي وبديت اتقهوى ؛ وشهلا تبتسم لي دق الباب ودخلت شهد وشهقت : للحين ماجهزتي شوي ونزفك وعطتني عقد الزواج يلا وقعي .. وقعت وبسرعه مغصني بطني وركضت للحمام . وقفت وانا احاول اشغل نفسي بأي شي مسكت علبة الشامبو وجلست اقرآها وانا اناظر لنفسي بالمرايه صراحه كنت فتنه المكياج عمل عمايله ضحكت على تصرفاتي الطفوليه ..
- ليش اهرب ومصيري بواجهه طلعت وشفت فستاني عالسرير وشهلا معها البخور لبست فستاني وناظرت لنفسي فستان ابيض مثل لون الثلج شك خفيف من الصدر فتحته واسعه ماسك من فوق من غير اكمام ومن تحت واسع مره مطلع جسمي جميل كأني باربي .. تسريحتي بف خفيف من قدام وويفي ومكياجي تدرجات الرمادي كحل فرنسي ورموش كثيفه وروج احمر بلون الغزال .. بخرتني شهلا وهي تذكر الله علي دخلت امها وهي مبهورة فيني وتزغرد ضمتني بحب بعدها دخلوا بنات عمي والكل كان يمدحني ونظرات الاعجاب بعيونهم .. انزفيت على موسيقى هاديه والصاله كانت مرتبه وحاطين لي كوشه فخمه بالمجلس .. جلست وانا احاول مارتبك اكثر لحد ماقالت موضي بدفاشه : المعرس بيدخل جسمي كله رجف وانا اسمع الزغاريد من كل جهه .. همست لي شهلا ارفعي رأسك رفعته وانا اهمس لها: فضوا الغرفه بس ابي اهلي هنا فعلا قبل لايدخل فضت الغرفه مابقى غير امي وخواتي وبناتهم وشهلا سمعت صوته الخشن وهو يسلم .. قومتني موضي عشان امد يدي له مديتها وسحبني لحضنه بوقاحه وهمس باذني : مبروك عليك انا حاولت ابعد عنه تركني ومسك يدي بتملك وخواتي وامي يزغردن صدعوا رأسي ؛ استغربت ماجاء احد من اهله بس تذكرت انه العلاقات تقطعت من زمان واكيد هم مايبوني ..
- تنهدت بصوت مسموع له ضعط على يدي بقوة .. قامت امي مسكت السيف ورقصت بمهارة وطارق يرقص معها قدامنا ناظرت له حسيت بنظراته كره لأمي .. مالومه بس ليش يتزوجني !! تنحنح سعد ودخل وهو يسحب كرسي ابوي قمت ورحت لابوي بست رأسه وانا منحرجه من فستاني .. حضن رأسي ابوي اللي على رجوله وهو يدعي لي ويعلمني انه راضي عني سحبني سعد وباس رأسي .. انتظرت ليث يقوم يسلم على ابوي لكن ماتحرك .. قام له سعد وهمس باذنه ؛ بعدها قام بغرور وباس رأس ابوي خفت من نظراته القاسيه الله يستر .. جلسني سعد وقام يرقص قدامنا ويسوي حركات تضحك .. بعدها جلس قدامي على ركبه قدام الكل ومسك يدي ويد ليث .. وتكلم : انتم اغلى شي عندي بالحياة سعادتكم كل شي بالنسبه لي ،
- لكن ترى فجر اغلى منك ياليث ياويلك تشكي منك !! ضحك ليث ضحكته القاتله بالنسبه لي التفت له بجرأة شفته ناظرني ورفع حاجبه رجعت اناظر لسعد اللي فعيونه حزن ..مسك يدي وقال : واالله ياعمه لو بيدي اخليك اسعد انسانه بالكون وانا واثق أن ليث بيسعدك اتمنى قلبك مايقسى علي ولاعليه .. انتي اهلي وكل ناسي بعدها وقف ووقف ليث وحضنوا بعض . وكل الانظار لهم .. حبيت حضنهم لبعض تذكرت قبل لما كنت اقولهم انا بتزوج واحد غني واخذكم معاي .. يالله يالاقدار طلع سعد وابوي .. ناظر ليث لأمي وتكلم بصوت فيه حده : ابي اجلس مع زوجتي لحالنا قلبي وقف . .. لكن شهلا انقذتني لما ردت : العروس مو بطايره شوي نطلعها لك واجلسوا لوحدكم العمر كله .. هز رأسه بموافقه وقام وباس خدي بصوت .. قلت بدون شعور : وععع قلب المجلس كله ضحك على تصرفي العفوي وضحك ليث بقوة وغمز لي بوقاحه وقام .. يالله طلته طلة ملك .. وبالبشت حكاية ثانيه …. جلست مع شهلا وهي تقلد صوتي لما قلت وع ولمياء تضحك وطلعت مصورة المقطع وتعيده لي طفشت منهم …
- دخلت امي وفعيونها دموع قمت لها وبست رأسها .. حضنتني بقوة استغربت امي ماقد حضنتنا حتى بزواج خواتي ماحضنتهم .. ابتسمت وانا بحضنها لأول مره فحياتي ، كنت محتاجته همست لي : ربي يسعدك يابنتي ربي يسعدك قلبي راضي عنك ليوم الدين سامحينا ياوليدي سامحينا مسكت يدها وبستها وانا اردد : مسامحتك ياقلب فجر طلعت امي وانا معنوياتي ارتفعت ناظرت لشهلا وللمياء وقلت : الحين بيدخلون شهد وموضي ضحكت شهلا وقالت : اتحداك وفعلا دخلوا ناظرنا لبعض وضحكنا والحمدلله شهد وموضي ماحسوا .. دخلت امي ومعها عمتي وهي تقول يلا ليث ازعجنا يبيك .. احس دارت الدنيا فيني توي استوعب اني بكون معاه لحالنا والرساله اللي بتظل بينا كل العمر .. مسكتني شهلا وهي تهديني ليتني اقدر اعلمك شسويت بس اخاف اطيح من عينك .. طلعني سعد لسيارته وماكان فيها احد استغربت من الزحمه اللي قدام بيتنا والسيارات شفته بدون بشت واقف و ماسك الرشاش واطلق منه عدة طلقات والسيارات اللي وراه تصفيق وتشجيع طلعوا اصحابه وكلهم يبون يزفونه ..
- ركب وقلبي وقف استنشقت ريحته القويه .. هفف شذا التفكير .. سلم بهدوء وحرك السياره واللي ورانا مسيره للفندق تمنيت معاي احد هالوقت .. خفت منه وخفت حتى ارفع رأسي واناظر له وصلنا للفندق وساعدني ومسك يدي دخلني لجناح فخم ونزل تحت .. يارب يتأخر عشان يمديني البس شي مريح لأني لازم اواجهه واقول له ان رسالتي كانت كذبه وردة فعل غبيه .. خلاص هو زوجي ولازم نعيش براحه ولازم اسعده ابتسمت بحماس ولفيت بدخل لكن وقفني صوت الباب القوي . رفعت رأسي وناظرت له .. لو كانت النظرات تقتل كان نظراته لي قتلتني .. سحبني من يدي ووقفني .. وماحسيت الا بالكف على خدي طحت عالكنب وسحبني لغرفة النوم ووقفني قدام السرير .. وصرخ : تسليتي فيك بتبدأ من الليله وماراح ارحمك اوعدك ياحبيبة ماجد
- . ……….. 2 فجرا .. ماقدرت انام من الالم النفسي والجسدي .. ولاقدرت اقوم من سريري التفت له وهو نايم براحه …….. دخلت وجلست على ارضه البارده وانا ابكي .. عرفت ان حياتي قلبت فوق تحت .. من هالليله اخذت شاور دافي وفركت جسمي بالصابون وانا احاول انسى اللي صار قبل شوي .. لفيت نفسي بروب موف وطلعت لقيته جالس عالسرير ويده على رأسه .. خفت يتكرر اللي صار سحبت اول بجامه قدامي ولبستها بالحمام .. طلعت وانا ارجف مشطت شعري قدام انظاره قام ووقف وراي .. كتمت نفسي ماصرخ من الخوف ……………… وناظر للمرايه معاي .. ليث : كان مفروض هالليله من اسعد ليالي حياتي .. لكن انتي خربتي على نفسك بجرأة نطقت : ليش تزوجتني لفني له وناظر لي : شرايك يعني ليش رديت بحقد : لأنك تبي تنتقم من اهلي ضحك بصوت مبحوح وقرب لي. وهمس بإذني : احلى انتقام بيكون ومشى ودخل للحمام .. رميت المشط وانا معصبه .. انا صح غلطت بالرساله بس هو غلط لما تقدم لي عشان ينتقم ! ليش جحدني وجحد افضالي عليه انا مالي ذنب بكل شي .. ركضت للسرير وسويت نفسي نايمه قبل لايطلع .. انتهى الجزء اتمنى اعجبكم .. توقعاتكم كيف بتكون حياة فجر وليث بالشرقيه؟ وهل راح تستلم فجر لغضب ليث ولا تحاول تحنن قلبه ؟
- 💞🍃 السعادة الزوجية 🍃 لا أحلل ✋🏻 نزع التوقيع أو استبداله [١٤/٣ ٢:٣٣ ص] انيسه: أحببتك❣ 💕الجزء 6⃣💕 [ دلّني يارب على طريقة ما اجعل بها قلبي نائما للأبد. او احول بها حطب الذاكرة إلى رماد.] بالسياره بطريقنا للشرقيه .. بسرعه مشينا من صحينا الصباح نزلني لاهلي سلمت عليهم ومسكنا الخط .. ، كان نفسي اجلس شوي لكن مابينا اي نقاش من امس وماقدرت اقوله كلمه ..، وهالشي اريح يارب يظل مطنشني كذا وصلنا لفيلا كبيره قال لي ذي فلتي لكن الدور الارضي لخالتي وبناتها التوأم وولدها الصغير عمره 13 سنه ، ارمله من 6 سنوات وفوق كله لنا نظام بيت … تنهدت كيف يعيش فوق خالته وبناتها غريب ! نزلنا وشفت الشغاله جت تركض اخذت شناطنا ودخلني من باب خلفي لفوق على طول الحمدلله مالي خلق اقابل احد وهو اختفى .. دخلت الشقه او البيت ماشاءالله خيال شي فخم جدا صاله كبيره اثاثها رمادي بموف باسود وصبغها ابيض ..وسطها شاشة سينما كبيره بعدها ممر على مجلس خاص اورنج بابيض ومغاسل ودورة مياه ووممر ثاني كلاسيك اضائته يوصل لغرف النوم غرفة كبيره لونها ابيض واثاثها تفاحي وابيض تفتح النفس مع دورة مياه كبيره فيها جاكوزي ..
- بعدها غرفة مقفله ووراها غرفة نوم صغيره فيها سرير نفر وخزانه ابتسمت وقلت بنفسي ذي بخليها لي طلعت للصاله ورحت للمطبخ خشبي فاتح كبير وبجنبه غرفة طعام واكثر شي فرحني ان غرفة الطعام جدارها زجاج يطل على حوش صغير فيه حديقه اجمل من اللي فبيت اهلي ابتسمت وقلت اكيد ذي افكار سعد اغلب الاثاث لونه ابيض مثل ماأحب .. حبيت البيت بقوة وبسرعه حسيته ملك لي .. اخذت شاور دافي ولبست فستان اخضر مشجر ناعم ضيق من فوق ومكسر من تحت للركبه مع شوز ابيض حطيت كحل وماسكرا وكريم خفيف على بشرتي وتركت شعري بنعومته على ظهري تمشيت بالبيت وانا احفظ تفاصيله .. سمعت صوت الباب وصوته يناديني : فجر فجر طلعت وانا مستحيه من لبسي وندمت عليه .. تفاجئت ان معاه حرمه اعطي عمرها باواخر ال30 ابتسمت لها باإحترام .. وهي تناظر لي من فوق لتحت
- قال لي : ذي خالتي لطيفة ام عبدالرحمن بمكان الوالده واي شي تبيه تنفذينه .. فاهمه ناظرت له وكان نفسي اتهاوش واعاند بس حبيت اقهرها ناظرت له بدلع وانا اقرب منه وامسك يده واقوله : ابشر ياقلبي ابتسم لي بغباء وخالته تنحنحت كنت بسلم عليها بس طنشتها والاخ ذا فاتح فمه فيني ونسى خالته ..ادري تهورت بحركتي بس شسوي حبيت استفزها <كيد النساء طلعت خالته وهي تحلف ماتتقهوى عندنا وان قهوتنا وعشانا فالليل عندها .. ناظر لي نظرات غريبه بعدها جلس على الكنب واشر لي اجلس جنبه .. جلست بهدوؤء احسد عليه .. ليث : يمكن انا غلطت اني اجبرتك على الزواج لكن والله ماكنت ادري بالبدايه انك مو موافقه ، امك وابوك قالوا انك موافقه …
- اللي ابيه الحين نعيش بهدوء لو كأننا اصحاب او اخوان المهم ماتتكرر ليلة امس وآخذ شي منك بالقوة انا اعتذر منك عليها … لكن كانت علي ضغوط كبيره جدا ومع اعترافك انك تحبين غيري تصرفت بجنون على عكس عادتي ..اوعدك اني اسعدك قد ماقدر انا والله مستحيل اقسى على احد يخصني كيف انتي ! اتمنى تسامحيني ونفتح صفحة جديده ..وسحب يدي وباسها وعيونه تحكي كلام. ؛ كان نفسي اقاطعه واقوله ماحب احد انا ويني ووين الحب انا كل عمري بين كتبي ودراستي .. بس ماقدرت خفت اخرب جمال هاللحظة .. ابي اعيش براحه صح امس انكسرت بس مو شي جديد …
- دايم انكسر وارجع اقوى … انا اقدر اتخطى كل شيء وليث واضح انه يحمل لي مشاعر من نظراته .. لازم اتدلع عليه واخليه يعشقني ومافي شي صعب علي .. يالله كيف ينطق الحروف ولا كيف عيونه تحضن عيوني وهو يتكلم شفيني شكلي انجنيت ، بهالسرعه ..! ابتسم لي بتعب بعدها قال لي : بروح انام صحيني قبل المغرب وبراحتك نامي بأي غرفه تبينها ترى حضني مفتوح لك اي وقت وضحك على وجهي اللي قلب ومشى .. هزيت رأسي له بفهاوة .. دقيقه .. دقيقتين .. ثلاث … وانا مفهيه شغلت التلفزيون وانا احاول اشغل نفسي فيه لكن هيهات تفكيري عند ليث .. حسيت براحه كبيره من اعتذاره لي ونظراته المعجبه فيني يالله رجعت ثقتي لنفسي بسبب كم نظره منه .. فعلا المرأه مخلوق ضعيف ونقطة ضعفها الإهتمام آمنت بهالمقوله باللحظه ذي شكله مو قاسي لكن ليلة امس كانت استثناء .. انا غلطت اعترف بهالشي لكن اللي سواه فيني امس صعب اتجاوزه بهالسهوله ..!! غفيت عالكنب وماحسيت الا بيده تحركني بشويش كان توه صاحي شعره مبعثر ولابس سروال قطني كحلي وصدره عاري فزيت بسرعه وانا احاول ارتب نفسي ..
- قال لي : وين اللي تهز رأسها وبتصحيني .. الساعه الحين 8 يلا قومي صلي وبالعله يمديك تلبسين قمت بسرعه ودخلت الغرفه اخذت فستان ازرق غامق على الجسم بدون اكمام كسرت شعري بآلة التكسير حطيت كريم خفيف وكحل اسود رسمت عيوني فيه وروج عودي وبلاشر زهر .. ناظرت لنفسي وشفته وراي يضبط شماغه حاولت ماناظر له لكن ماقدرت .. ماشاءالله امير والله امير ..ابتسمت بداخلي على خبالي الحمدلله انه اللي بالقلب يظل بالقلب ، لازم اثقل معاه .. واخليه هو اللي يتعلق فيني مو انا .. قمت وولعت البخور وبخرته حسيته تفاجىء بحركتي بعدها ابتسم بهدوء ..ضحكت بداخلي عليه ، احسه مثلي يحتاج لأي نقطة اهتمام .. والدليل اي حركه مني تفاجئه وتسعده … بخرت شعري وانا آخذ جلالي احتياط .. قال لي : مافي احد تحت غير خالتي وبناتها نزل معاي من قربنا للباب مسك يدي بحنان ..
- قال بصوت جهوري : سلام ياأهل البيت .. دخلت وحده بسرعه لابسه شورت لنص الفخذ وتي شيرت اسود بوقاحه وشهقت وطلعت بسرعه .. ناظرت له شفته منزل رأسه وهو يستغفر .. انقهرت خيرر ! من ذي الوقحه واضح انها تبيه يشوفها .. دخلت خالته وهي مبهرجه حالها مكياج كامل ودراعه تبرق للحق هي جميله بدون هالخرابيط …وقفت ترحب وتهلي فيه وسحبت علي ماكأني موجودة ، مسكني وجلسني قربه ويده الخشنة حاضنه يدي الناعمه ..
- حاولت ماتنرفز بس خالته وقحه .. شوفوا وش تقول : احمد ربك ان زوجتك كبيره وفاهمه ولا هي من هالجيل عالاقل راكزه واكبر منك بتفهمك ولاتقدر تتدلع عليك لانك اصغر منها مفروص انت تتدلع هههههههههههههههههه مو زي ززوجة ولد خالك ورعه وجننتنه . ناظر لي شافني عاقده حواجبي افكر بالرد المناسب .. باس خدي قدامها بجرأه وقال : والله ياخاله كل دقيقه احمد ربي عليها ..والدلع انخلق لعيونها وبس نسيت خالته واستفزازها وناظرت له .. بحرج احس هالكلام طلع من قلبه ليش مدري قطع تأملنا فبعض دخول بنتين لابسات عباياتهم وولد دبدوب اشقر يشبه ليث بشكل كبير على طول دخل قلبي سلموا قمت لهم وانا كارهة هالبيت واللي فيه مارتحت للبنات وامهم .. جلس معاي شوي بعدها همس لي : بطلع وبعد ساعتين برجع انبسطي هنا مسكت يده ونظراتي وصلت له اللي ابيه ابتسم ومسك يدي وكمل بهمس : خالتي صح قاسيه بس اتوقع انك متعودة على هالاشياء وبتقدرين تتجاوزينها بروح لاصحابي وانا مرتاح هاه توعديني ! هزيت رأسي له وانا متأثره بحنانه واهتمامه … قام وهو يوصي خالته علي واللي ناظرت لي بنقد وهي مو عاجبها كلامه .. طلع واخذ قلبي معاه ليتني مارسلت له .. ليتني بديت حياتي معاه صح ..ليت وليت !! ناظرت للبنات اللي فسخوا عبيهم سبحان الله توأم مختلف وحده بيضا وشقرا وسمينه حيل ذي سما واضح من وجهها الهدوء والطيبه ابتسمت لي بخجل .. والثانيه ..
- ربا بيضا وشعرها صابغته بنفسجي وقاصته فكتوريا لكن للحق جميله جدا عيونها واسعه سودا وملامحها حاده جسمها كمان مربرب لكن حلو واضح انها مو طايقتني هي امم شورت .. فهمت كل شي من اول لحظة .. ناظرت لي امهم وهي تصرخ على الشغاله .. : سريانا هاتي القهوة .. قامت ربا وهي تتأفف بدلع وتحرك شعرها : يمه طفشانه توقعت بجلس مع وحده كبرنا مو ذي خليك معها انتي .. ناظرت لها بقوة .. امها إبتسمت ببرود لها وسكتت جت سما قربي وهي تسحبني لغرفتها قدام نظرات امها واختها الحاقده دخلتني غرفتها كانت ابيض بسكري جميلة جدا وناعمه ..
- سما : معليش اعذري امي وربا ترى الكل كان يتوقع ربا لليث لحد ماصدمهم بزواجه منك .. بس ماشاءالله مو مثل ماسمعنا عنك قالوا انك عجوز وشينه واللي اشوفه وحده ناعمه وكيوت ولاجسمك كأنك فنانه قسم هزيت رأسي وتو بدت الامور توضح لي ..وانبسطت على مدحها لي وعفويتها بالكلام جلست معها نسولف ونضحك ارتحنا لبعض بسرعه ياقلبي هالبنت بريئه جدا عمرها هي وربا 18 سنه .. تقهويت معها وفجأه طق الباب .. دخلت امها بغرور وهي تناظر لي : يلا العشاء جاهز كان نفسي اكسر خشمها بس عذرتها يمكن تبي ليث لبنتها وانصدمت فعلا . . وغير كذا انا بنت العائلة اللي يكرهونها طبيعي ماتتقبلني حاولت اوزن الامور مثل كل مره … تعشيت معاهم وسما وعبدالرحمن ولدهم ساعدوني ادخل الجو بسرعه ..
- الساعه 12 دق جوالي وكان ليث رديت قدامهم بدلع وقال لي انه فوق . استأذنت منهم ولحقتني سما وهي تعطيني رقمها وتقول لي انها فصلت من المدرسه من سنتين يعني بتقابلني يوميا ..شكلها متعقده من جسمها ياقلبي [ تتسع الحياة للحالمين، تبتسم للمتفائلين، وتقطب في وجهه اليائسين، الثقه بالله والقوة به هي من تصنع فارقًا في حياتك.] صعدت وانا مشتاقه له !! شعور غريب من ليلتين معاه حسيت اني انتمي له ولبيته وحتى لاهله ..، يمكن موقفه فبيت خالته اثر فيني .. مهما كانت اسبابه الا انه كبر فعيني .. دخلت ولقيته منزل شماغه وشعره البني بين يدينه شكل ذي حركته لافكر فكل وقت اشوفه يسويها … سلمت ورفع رأسه ناظر لي وابتسم .. قلبي وقف … حسيت خاطري اهرب لاي مكان عن عيونه اللي احسها تقرأ كل شي بداخلي اشر لي بيده اجلس جنبه .. جلست وانا احاول ابتسم بدون توتر .. ليث : كيف كان يومك فجر : الحمدلله عدى على خير ضحك علي وانا اراقب عيونه كيف تدخل داخل لاضحك ، ولا شفايفه كيف تتحرك وقف ضحك وناظر لي قرب وجهه من وجهي حرقتني انفاسه نزلت رأسي باحراج وانا اعاتب نفسي على تفكيري .. تنهد بصوت مسموع وقال انا بنام وانتي بعد ارتاحي تصبحين على خير .. افف الحمدلله مااحرجني ، دخلت الغرفه بعد دقايق لقيته نايم على بطنه بهالبرد غطيته واخذت لي بجامه غسلت وجهي وتوضيت اخذت جلالي ومصحفي ورحت للغرفه الثانيه ..
- صليت ركعتين وقريت كم صفحه بعدها نمت .. صحيت الساعه 9 بنشاط شميت ريحة مطر قمت وفتحت الشباك وفعلا كانت تمطر بغزارة ابتسمت بروقان ..، دخلت الغرفه وانا اتمنى انه مو موجود والحمدلله ماكان فيه انتبهت لباقة ورد جوري كبيره وسطها كرت كبير مكتوب فيه ” يا سيدتي كُفي عن محاصرتي لما لا تنزعي الخنجر المدفون لما لا تخرجيه من خاصرتي اريد ان اعيش .. اريد ان اتحرر يا سيدتي يا مقيدتي خذي رائحتك من مسامات جلدي وامنحيني فرصه اشطب فيها اسمك من مفكرتي واقتل كل الافكار القاتله المسيطرة بمخيلتي وانزعِ حبال شعرك من حول عنقي لأتنفس… لأستعيد عِفَتي اعطيني فرصه واختفي لأمشي مع الفتيات التي تجاهلتهم من اجلك واجلس على مقاعد لم اجلس عليها معك ومقاهي لا تعرفك كراسيها وشوراع.. لم تشعر يوماً في اصفافك اعطني فرصه لا اشعر بها معك اريد ان اعيش ..
- ان اخرج وعيي ان انسى معاناتي ” ابتسمت ومشاعر فداخلي جديده ولدت .. احس هالليث وراه لغز ولغز كبير بعد () .. اخذت دش دافي بالجاكوزي وريحة الصابون تنعشني دلعت نفسي شوي وطلعت بعد نص ساعه .. لبست بنطلون جنز غامق وجاكيت سكري بازرار ذهبيه قفلت الجاكيت وجففت شعري وحطيت عليه جل ورفعته فوق ونزلت خصل عشوائيه منه .. ناظرت لشكلي برضا حطيت روج وردي فاتح واكتفيت بماسكرا خفيفه تسبحت بالعطر لبست شوز ذهبي ناعم .. طلعت للمطبخ شفت الثلاجة مليانه سويت بيض اومليت وحليب بنسكافيه حطيت المربى والقشطه والجبن على طاولة الطعام ومنظر المطر على الاشجار اللي بالحديقه يرد الروح ..حطيت شموع عالطاوله وانا احاول افتح صفحة جديده معاه ..
- اخذت جوالي انا ادق على ليث متأكده ان اجازته لسى ماخلصت وفعلا دقايق ورد علي بحماس : هلا فجري .. اكيد جوعانه دقايق واصعد فوق وآخذ بوكي وانزل نجيب لنا فطور .. رديت بسرعه : لا لا تعال انا سويت فطور رد بضحكه : ماشاءالله عروستي نشيطه شفتي ياخاله يلا جاي .. استغربت انه عند خالته شكله مايفارقها !! تفاجئت بدخوله السريع وهو لابس ثوب كحلي ولاف الغتره مثل الاماراتيين كان يفتن باختصار .. ابتسم لي وقرب وعطاني بوسه قويه على خدي وهو يقول : صباح الرضا ابتسمت له بإحراج من نظراته اللي تتأمل وجهي ولبسي .. واشرت عالطاوله ناظرها وهو مبتسم اكثر : ماشاءالله شكله يشهي اجل مانلام لاسحبت على فطور سريانا جلسنا افطرنا بهدوء حسيته مبسوط ومزاجه عالي ..دعيت ان حياتنا تستمر بهالهدوء .. خلصنا فطور شلته وغسلت المواعين وهو راح لمكتبه .. ناظرت للساعه لقيتها 11 جلست عند التلفزيون وانا احس بملل ليتنا مسافرين .. لو كان زواجنا طبيعي اكيد بنسافر بس يلا خيره ان شاءالله .. بعد مرور اسبوع على هالروتين .. ليث كل يوم يوضح لي معدنه ؛ حنون ؛ طيب ؛ احيان احسه يهتم بكل شي فيني لكن لاجاء الليل ابتعد ، تعبت من هالحال كلنا مجروحين من بعض بس خاطري اعيش حياه طبيعيه معاه … كل يوم اتأكد اني تعلقت فيه اكثر من اليوم اللي قبله ..
- مايطلع من البيت الا ساعات قليله .. اصحى كل صباح واحصل باقة ورد يحطها لي على سريره الصباح ..صرنا نجلس نسولف ونتفرج عالتلفزيون ونجتمع على الطاوله فكل اوقات الاكل .. احس معاه تغيرت حياتي بعد ماكانت باهته روتينيه صارت بآلوان الفرح .. اضحك من قلب .. اهتم بتفاصيل كل شي حولي .. احب كل جزء من بيتي ..كل يوم انتظر شي جديد .. احس رجعت فجر الصغيره قبل لاتاخذ الدراسه منها حتى مشاعرها وقبل لاتغلف قلبها بحاجز .. صرت اشتاق لامي وابوي واكلمهم يوميا .. اتراسل مع شهد وموضي .. – 8 مساء – جالسه بالصاله طلع قبل ساعه حسيت بطفش بدونه ..
- اخذت جوالي ودقيت على شهلا فضفضت لها وهي تضحك علي .. لحد ماوصلت لموضوع الرساله هنا صرخت علي وجلست تهاوش وتسب غبائي علمتها باحداث اول ليله وجلست تحلل موقف ليث شهلا : الرجال انصدم وطبيعي بيثور اول ليله يلا زين بس حصلتي كف تراه رجال شرقي اكيد للحين مو واثق فيك ويحسبك مغصوبه عليه وتبين حبيبك الوهمي للحين والدليل عطاك الخيار وقالك حضني مفتوح لك يبي هالشي منك .. حاولي تتقربي منه البسي اقمصة نوم ارسلي له الحين اشتقت لك اذا جاء استقبليه بحضن .. انسي اوهام انه بينتقم ، شوفي كيف يقدرك قدام الكل ومايسمح لخالته تحرجك لهدرجه عميا صحصحي فجر وعيشي حياتك ..ولا تبين ترجعين لامك اللي ماتقبلتك وانتي بنت كيف بتتقبلك وانتي مطلقه !! فهيت وانا اسمعها تخيلت اسوي هالحركات. ..قفلت منها وانا افكر شسوي بالضبط !! اخاف لاسويت هالاشياء يواجهني بالرساله ويكرر اول ليله لنا .. ماعاد لي قدره على الصدمات صح وضعنا هادي ورايق لكن ابي اكسب قلبه وقربه .. دخلت غرفتي وانا اسحب معاي قميص نوم احمر للفخذ ومن فوق الصدر شفاف بدون اكمام لبسته ورفعت شعري فوق بتسريحه ناعمه لبست حلق ذهب ناعم رسمت عيوني بالكحل .. وكثفت رموشي بماسكرا اكتفيت بمرطب لان لون شفايفي الطبيعي وردي .. ناظرت لجسمي وانا ارجف ! معقوله اقدر استقبله كذا انسدحت بالسرير ..وماحسيت بنفسي الا وانا نايمه انا وامي وابوي جالسين فوق شجره وتحتنا كلاب سودا تحاول تسحبنا كنت اصارخ ابي ليث .. طاح ابوي ولحقته امي وشفت الكلاب تهجم عليهم قدامي بقيت انا فوق الشجره احاول اصمد واصارخ باسم ليث . فجأه شفته يحاول يبعد الكلاب وبيوصلني صعد لبداية الشجره سحبت يده وحاولت ارفعه لي لكن ناظر لعيوني بعدها ابعد يدي بقسوة وطاح وسط الكلاب واختفى من قدامي ..
- صرخت بخوف وانا ارجف من هالحلم … تعوذت من ابليس وتلفت حولي ماشفت احد طلعت ادوره بخوف شفت نور المكتب دخلت بسرعه … وقلبي يرجف بس من فكره اني افقده !!! شفته واقف يحوس بالاوراق ولابس بنطلون قطن اسود بس واضح الارق والتعب بعيونه ناديته بهمس وانا ارجف .: ليث طاحت الاوراق من يده التفت ناظر لي وفتح عيونه على وسعهم .. تذكرت شمسويه بنفسي وشعري طايح على وجهي ومبهذل حالي اكيد حاولت استر نفسي بيديني وانا اردد : حلم حلمت حلمت فيك حلم مد يديه لي وهو يهمس بصوت مليان عاطفه : تعالي ، فجر تعالي …. خفت اروح وانصدم وخفت ابتعد عنه وهو ينصدم خفت تضيع هالفرصه للأبد …() – 5 صباحا – صحيت من النوم وانا احس بيديه ملتفه على خصري حاولت ابعدهم بشويش وانا منحرجه من اللي صار قبل ساعات ..بعدت عنه ولفيت وجهي له شفته نايم بهدوء وشعره مبهذل ماشاءالله كثير وطوله لاخر رقبته .. تأملت كل ملامحه سبحان من صوره … حاولت اقوم من السرير بهدوء عشان مايصحى لكن ماحسيت الا بيديه ترجعني لحضنه وتلف خصري وفمه يهمس باذني : صباح الحب ..فجري كل شي فداخلي تحرك .. مشاعر كثيرة متضاربه ..
- همست بحيا : صباح النور حسيت بخشمه على رقبتي حسيته يشم جلدي .. كنت مرتبكه ومنحرجه وجسمي يرجف بقوة .. ليث : احب ريحتك احب نعومة جسمك احب سمارك احب شعرك .. كل شي فيك احبه انحرجت من جرأة كلامه .. حاولت ابعد عنه لكن رجع سحبني تحته () صحيت العصر وانا احس بجوع لفيت مالقيته بالسرير تنهدت براحه .. احتاج وقت مع نفسي امس تهورت بس النتيجة كانت مرضيه تذكرت شصار وانا ابتسم بحب وخجل … قمت اخذت شاور دافي لبست شورت اورنج لتحت الفخذ وبلوزه بيضا ثقيله البيت دافي كل الوقت ماكأننا شتاء والمكيفات بكل مكان فيه .. تركت شعري على اكتافي بحريه .. واكتفيت بروج وردي وعدسات رماديه وعطري المفضل .. ناظرت لجسمي باعجاب ناظرت لعيوني اللي احسها تلمع شكلي فعلا كأني عروس عاشقه والتقت بحبيبها .. طلعت ادور ليث ماحصلته .. ارتحت شوي قمت للمطبخ لقيت بيتزا وكولا وفوقهم ورقه ” تغذي عدل لاني كل ليلة بتعبك معاي ” احترق وجهي من جرأته .. اكلت وانا اتابع mbc خلصت من اكلي قمت سويت قهوة وكيك بالشكولاته وانا اغني وطربانه .. طلعت من المطبخ وانا معرقه من المكيفات احس البيت مكتوم خففت درجتهم .. ورجعت عالتلفزيون وانا اتقهوى دخل علي ليث وهو يغني ورايق مثلي قبل شوي . ..
- ابتسمت له وانا بداخلي اتمنى اختفي هاللحظة من الحيا .. ليث : الله ريحة القهوة جت بوقتها جلس بجنبي صبيت له فنجال وقطعت له من الكيك .. اكل وهو يتأملني ويدي حاطها على صدره .. ياليت يريحني شوي من جرأته .. احس بتوتر مو طبيعي سمعت صوت الباب يطق قام ليث وهو معصب فتحه وانا مصدومة .. عالاقل يقول لي قومي غيري لبسك .. دخلت خالته وهي تعاتبه : اجل تتقهوى انت ومرتك وماتعزمني بسم الله شلون حست ذي .. كنت بقوم اغير بس تذكرت لبس بناتها وجلست قهويتها وهي تناظر لجسمي بوقاحه كأنها ناقده علي .. وليث مطنشها ويناظر لي فديته اكل نص الكيك وهو مو حاس .. جلست بعيد عنه ورفع حاجبه وتكلم وهو يأكل : تعالي هنا ابتسمت باإحراج ناظرت لخالته ..
- وفجعت من نظراتها الحاقده. . جلست قربه وهو يهمس : وكليني فجررررري ..يمه شكله كأنه طفل صغير احب براءته ذي .. ابتسمت له وانا اأشر لخالته .. طنشها ورجع همس لي : وقتها غلط ضحكت بقوة على كلامه وعلى ملامحه المنزعجه .. انقهرت خالته من تطنيشنا لها وقامت والغريب ليث ماتكلم ولا حتى التفت لها ماسمعنا غير صوت الباب يقفل بقوة .. [ إن تمنيتُم ، فتمنوا ان لا يريكم الله قيمة الأشياء بعد زوالها. ] طلعنا للبحر فالليل والجو فعلا بارد ياحلو بيتنا ودفاه ، كان حاط رأسه على رجولي جالسين بمكان ماحوله احد .. وقهوتنا قدامنا صح تخطينا حواجز كثيره بس احس لسى في اشياء كثيره .. ماعرفها عنه .. ماعرف ليش صارت كان ودي اسأله بس لسى اخاف تخرب هاللحظات الحلوة بينا ..
- ليث : فجر شرايك نسكن فبيت لحالنا مافي فوقنا ولاتحتنا احد انصدمت وبنفس الوقت فرحت رديت بحماس : ياليت ليث رفع رأسه وناظر لي بحنان احب نظراته ذي سحب يدي وباسها .. قطع جونا نغمة جواله رفع جواله وشفت اسم سعد ابتسمت وانا اتذكر مكالمته لي امس وهو يحلفني لاسوى لي ليث شي اعلمه .. رد وهو يرحب فيه وانا اتأمل البحر .. سبحانك ربي مااعظمك ماعبدناك حق عبادتك .. بديت اردد اذكاري انتبهت لتوتر ليث وهو يقول : لا لا لاحول ولاقوة الا بالله ..طيب طيب لاتشيل هم يصير خير … وقف بعيد عني وبدأ يهمس بكلام سمعت منه كلمة وحدة …. متى الدفن .. ؟؟ هنا وقف قلبي وانا اتذكر حلمي بآأهلي .. 🍃💕 السعادة الزوجية 💕🍃 لا أحلل ✋🏻نزع التوقيع أو استباله
أصدقائي في زاكي شجعوني لأنزل مزيد من وصفاتي بكتابة رأيكم في التعليقات, ولو حابة تنضمي لأشهر شفات الوطن العربي.
حمل تطبيق زاكي مجانا من هنا: 👈👈 https://goo.gl/ze0y3j
شاهد طريقة إضافة وصفاتك على تطبيق زاكي من هنا: https://www.youtube.com/watch?v=Sxz9gnTU_dw&t=6s
اكتب كلمة َِ#زاكي في التعليقات لتصلك مزيد من الوصفات المجربة والمميزة خصيصاً لك
هل تحَِب مشاهدة وصفات بالصوت والصورة؟ اعمل اشتراك لقناة زاكي على اليوتيوب من هنا لتصلك جديد وصفاتنا بالفيديو:
قناة زاكي على اليوتيوب
عندك جوال ذكي؟ ممتاز كتير تفضل أحلى هدية من زاكي لعيونك, حمل على جوالك تطبيق زاكي, أقوى مرجع عربي لفن الطهي, من هنا:
تطبيق زاكي للأجهزة الذكية
عندك حساب على الفيس بوك؟ طيشب شو بتنستى استفيد من وقتك وتعلم كل يوم وصفة جديدة على يد أمهر شيفات في الوطن العربي, بالانضمام لمجموعة زاكي وصفحة زاكي على الفيس:
للانضمام على مجموعة زاكي من هنا
للاعجاب بصفحة زاكي من هنا ومتابعة كل جديد
احفظ موقع زاكي في المفضلة على جوالك, لتصلك دوماً جديد وصفاتنا مش هتلاقيها إلا في زاكي
موقع زاكي لفن الطهي