الرجل من المريخ والمراه من زهره

اقرأ واترك رأيك في التعليقات

• قرات شوي من كتاب الرجال من المريخ و النساء من الزهره صراحه حلو الكتاب بس طبعا انا ما عندي طولت بال اقرئو كلو كنت اقرء من بين كل صفحه وصفحه شوي
• عجبتني شويه جمل راح اكتبلكم اياها بالعاميه او بالأحرى شو فهمت منها بمواقف معينه بتصير مع كل زهريه ههههه اه ما هو احنا من كوكب زهره

لو استفدتوا اكتبولي لكمل قراءة الكتاب واكتبلكم الملخص

عندما يدخل الرجل الكهف تعالو افهمكم شو يعني

مرات كتير بتلاقي جوزك قاعد لحالو بيلعب لعبه عالتلفون او اي شي او بتحسيه متضايق او صافن طبعا احنا الزهريات بنبلش شو مالك شو في طبعا المريخي بيقول لا انا منيح فش شي ترجع الزهريه لا بعرفك انا في شي صح صاير معك شي يرجع المريخي يقول قلتلك ما في شي ترجع الزهريه تسال وطبعا هي عالاغلب تسال فضول مو خوف عليه واهم شي انه تشعر انه هي السبب في يلي هو فيه

تعالو افسرللكم شو يلي بيكون صاير

المريخي لما يكون بيفكر بشي بيدخل الكهف الخاص فيه عشان يفكر او يوجد حل لمشكله او ضائقه ماليه او او او مها كان السبب يعني المريخي لا يحب ان يثقل حدا بمشاكلو بيقول برأيو انه ليش انقللها الهم خلص انا قادر على حل مشاكلي لحالي لانه المريخي لا يحب ان يشعر انه بحاجه احد او يتلقى النصيحه لانه يشعر انه غير قادر على القيام واجباته او بيحس انه قصر بمعنى اخر قاعدتو وتركيبه دماغ المريخي تقول انا قادر واستطيع حل مشاكلي لوحدي عكس الزهريه الي لما يكون عندها مشكله لازم تشاركها هيك بتحس براحه كبيره لما تناقش موضوع مشكلتها بالتفاصيل مع الزهريه المقربه الها هاد شي غريزي فينا

طبعا الزهريه لازم تضل تنق ههههه او بتضل قاعده على باب الكهف تنتظر المريخي

تعالي اقلك شو تعملي بهاي الحاله

اتركيه لما هو يلاقي حالو خلص تفكيرو بيطلع من الكهف لحالو روحي اعملي اي شي اقرئي ارقصي نظفي استرخي العبي كره اعملي اي شي بس ابعدي عنو لانه لما تضلي تنقي راح يضل وقت اكتر بالكهف هيك تكوينتو مش بايدو

طيب تعالي موقف تاني مثلا بتحكي الزهريه اوووف ملل 24 ساعه قاعدين بالبيت بينط المريخي بيحكي مثلا طلعنا الاسبوع الماضي تعالو نفسرها

الزهريه ما قصدها 24 ساعه بالمعنى الحرفي بس هاي كلمه من قاموس الزهريات تستخدمها لتعبير عن انها متضايقه

المريخي بيفهمها بالمعنى الحرفي انه هي دائما بالبيت او انه هو مقصر معها بالطلعات وهكذا هاي تكوينه مخو عشان هيك لازم ننتبه لطريقه كلامنا ونختار كلماتنا لانه ممكن نعبر بطريقه ثانيه ونحقق هدفنا

مثلا لما تحكي الزهريه اووف تعبانه كتير المريخي بيتلاقاها وتترجم في قاموسو انه انت مقصر وانا بتعب اكتر منك وانت لازم تعمل وتتعب اكتر عشان هيك برجع اقلكم انتبهو للكلامات وصيغه الجمل

الزهريه تعود من العمل تشكي مثلا عندي شغل كتير مش ملحقه اوف بدهم مني اخلص كل هدول سوا وعندي وعندي…. المهم هي هون قصدها تحكي فقط تفضفض للمريخي لكن المريخي يفهم كلامها انها تريد الحلول هيك تركيبتو بتفهم انه انتي بدك حل لانه هو مريخي والمريخيين عمليين اما الزهرييه حساسه عطوفه بتحب تحكي لترتاح المهم بيبلش المريخي اتركي العمل مش ضروري ليش تتعبي حالك ووووو الخ طبعا هي تضايق بزياده لهيك انا من عندي بقلك اشكي لزهريه متلك مو للمريخي يلي عندك وبس

الله يخليلكم المريخيين يلي عندكم ويخليلي المريخي يلي عندي

بالاخر بقلكم طريقه وتركيبه تفكيرنا وتفكيرهم مختلفه وتحليل الامور عندنا وعندهم مختلفه يعني الموضوع مو جكر بس هيك تفكيرهم افهمي كيف بيفكرو بتعرفي تتعاملي معهم اقرئي وتثقفي عن طريقه تحليلهم للامور وتركيبه دماغهم النت مليان والله عن تجربه انه انا استفدت كتير لما فهمت كيف بيفكر وشو بحب وشو بيكره المريخي يلي عندي

ونصيحه اخيره لا تضلي تحاولي تغييري المريخي هاد غلط وهو ما بيحب ولا تضلي تنتقديه

هاد الحكي يلي فهمتو من يلي قرأتو مع العلم ما قرئتو كلو